Félagsbréf - 01.03.1961, Side 55

félagsbréf
45
Timestorg;. — Hér er aðalleikhúsaþyrping New York borgar
leikrit, sem annars staðar hafa hlotið mikið lof og góðar viðtökur, svo sem
j fyrra, þegar sýnt var leikritið Flowering Cherry eftir enska leikritaskáldið
Roben Bolt. Hafði það gengið feikivel í Lundúnum og raunar víðar i
Evrópu, en á Broadway varð að hætta sýningum á því eftir fimm skipti.
Nú hefur Howard Taubman tekið við af Brooks Atkinson.
Á þessu ári hafa verið leikin um 60 leikrit á Broadway. Þar af eru 40
eftir ameríska höfunda, en helmingur þeirra eru söngva- og léttir gaman-
leikir.
Ég ætla hér að minnast á þau markverðustu eftir innlenda höfunda og
um leið lítillega segja frá höfundunum sjálfum. Mun ég fjalla um þau í
þeirri tímaröð, sem þau voru sýnd á Broadway á árinu.
Fyrst er þá að geta A Loss oj Roses eftir JVilliam Inge. William Inge er
fæddur 1913 í miðríkjunum og stundaði háskólanám við Kansasháskóla.
Hann heíur fengizt við blaðamennsku og kennslu, auk þess sem hann hefur
verið leikari um tíma. Góðkunningi hans, Tennessee Williams, vakti fyrst
athygli leikhúsmanna á honum, en það var þó ekki fyrr en 1950, sem fyrsta
leikrit hans var sýnt á Broadway. Það var Come Back Little Sheba. Fyrir
það var hann kjörinn efnilegasta leikritaskáld ársins af félagi leikdómara
í New York.