Félagsbréf - 01.10.1962, Side 16

GUÐBERGUR BERCSSON
Píslarvættis missir
kömmu eftir hádegi 24. september kom farandtrúboðinn Jafet Aronsson, fædd-
u ur á Isafirði 1880, með kanadiskan ríkisborgararétt frá 1901, sendur til Is-
lands 1930 sem umboðsmaSur og farandtrúboði Watch Tower Bible And Tract
Society, á kassa aftan á palli sláturfélagsbílsins í réttir í þorpið Eyri. Farangur
hans, auk kassans, var slitin skjalataska, sem hann geymdi í biblíumyndir og
bækur, grátt ullarteppi, sem hann vafði um herðar sér til varnar gegn haust-
nepjunni, og göngustafur.
Þegar bíllinn hafði numið staðar hjá jarmandi réttinni, dró trúboðinn kass-
ann sinn aftur á bílpallinn og staulaðist niöur á afturhjólinu. Ut úr bílnum
stigu bílstjórinn, maður fremur hár vexti í leðurjakka og leÖurstígvélum, og
magur unglingur. Hvorugur þeirra yrti á trúboðann, bílstjórinn sagði nokkrum
mönnum að negla fjárgrindur á bílinn, en unglingurinn stóð þegjandi skammt
frá trúboðanum og horfði á hann binda snærisspotta um kassann og töskuna
og lyfta þeim á sig, kassinn í bak og skjalataskan fyrir. Eftir langt bjástur sat
kassinn þægilega yfir hrygg trúboðans og hann leit til veðurs.
Þoka lá yfir austurfjöllunum, hún var á hreyfingu og færðist stöðugt nser.
Fyrst útlit var fyrir rigningu breiddi trúboðinn gráa ullarteppið yfir höfuðið
og skjalatöskuna og horn af kassanum, lagði hann síðan frá sér á jörðina, breiddi
betur yfir hann og lyfti byrðinni á sig að nýju. Bjástrið tók nokkuð langan
tíma: þokan var komin yfir á norðurfjöllin og mennirnir höfðu lokið við að
negla grindurnar á bílinn. Þannig hélt trúboðinn af stað niður að húsunum, eftir
veginum sem greinist hjá símastaurnum og liggur sem troðningur heim að efri-
húsunum, en beinn og breiður að neðrihúsunum.
Trúboðinn hafði ekki lengi gengið þegar hann heyrði hratt fótatak að baki
sér. Skömmu síðar gengu bílstjórinn og unglingurinn við hlið hans.
Bílstjórinn sagði: Það er rétt hjá þér að skilja ekki dótið eftir hjá réttinni.
Ætli ég viti það ekki, sagði trúboðinn.
Þú kannast þá við fólkið hérna?
Ég hef mína reynslu af því eins og fólki yfirleitt. í fyrstu ferð minni hingað