Félagsbréf - 01.10.1965, Side 51

Söngdrykkja
Drengurinn söng af slíkum móði í lúður sinn
að hann hófst yfir ströndina,
og augu hans léku sér niðrí undirdjúpum
þar sem dundu hofmóðugir ljóðatónar
og stefjur liðu um sál hans
fuglar mikilla vængja
reikandi af söngdrykkju.
Dúett
Hafið söng miklum huga: ía ía!
Og drengurinn svaraði á pípu sína:
Yndi er að heyra
hvernig þú hagar orðum!
Hafið umdi af gáfum: ía ííía!
Og þá söng drengurinn frá sér numinn
á lúður sinn: Ia íííía!