Morgunblaðið - Sunnudagur - 04.10.2015, Page 35

4.10. 2015 MORGUNBLAÐIÐ SUNNUDAGUR 35
S
máhesturinn á það til að vera dálítið barnalegur og hvatvís. Alveg
sama hvað árin bætast við og hrukkurnar (tölum ekki um þær)
þá hverfur hvatvísin aldrei. Smáhesturinn sem hér skrifar veit
að þetta hefur nokkrum sinnum komið honum í vandræði. Mis-
mikil og misdýr en oft skapað óþarflega mikið vesen.
Á dögunum var smáhesturinn staddur í útlöndum og þegar hann
komst í outlet fór blóðþrýstingurinn upp úr öllu valdi. Um tíma var smá-
hesturinn orðinn eins og öskrandi sparigugga þegar verst lét. Rjóður í
kinnum og allt.
Smáhesturinn gjörsamlega ryk-
sugaði upp spjarirnar af slánum og
þrykkti þeim inn í mátunarklefa.
Það að finna bundna kjóla á afslætti
getur framkallað allskonar jaðar-
hegðun sem ekki er gott að leika
eftir – allavega ekki í fjölmenni og
alls ekki fyrir framan börn.
Smáhesturinn getur nefnilega
breyst í barnalegan smáborgara
þegar hann hefur það á tilfinning-
unni að hann sé um það bil að ganga
frá kaupum lífs síns. Þetta element
sem á sér stað þegar hann finnur á
sér að hann sé að græða er eitthvað
sem hann ræður hreinlega ekki við.
Í þessari utanlandsferð náði hann
þeim áfanga að fara fjórum sinnum
á kassann í ónefndu outletti. Alltaf
þegar hann var kominn að kass-
anum og búinn að borga kom hann
auga á eitthvað annað sem hann
varð að máta og því urðu ferðirnar á
kassann þrjár eða fjórar.
Alltaf tóku skælbrosandi og næs
starfsmenn á móti smáhestinum
þar sem hann renndi Vísa-kortinu í
gegn – svona líka alsæll með lífið og
tilveruna.
Það versnaði þó í því þegar smá-
hesturinn kom heim og hóf sitt dag-
lega líf á ný. Fór að éta sinn hafra-
graut og sína grænu sjeika og fara í
sínar daglegu ferðir í miðbæ
Reykjavíkur að morgni til. Eitt af
daglegum störfum smáhestsins er
nefnilega að drekka almennilegt
kaffi (með almennilegum stóðhest-
um) og þegar hann sótti bolla af
einu slíku og ætlaði að renna sínu
glansandi fína og vandaða Vísa-
korti í gegn þá kom bara SYNJUN.
Smáhesturinn skildi ekkert í þessu og kortinu var rennt aftur í gegn
og aftur gerðist nákvæmlega það sama. SYNJUN. Sem betur fer var
smáhesturinn með nokkra gullpeninga í veskinu og gat því borgað sig út
úr þessum vandræðum.
Þegar smáhesturinn hringdi í sinn uppáhaldsþjónustufulltrúa sem
starfar í Íslandsbanka við Kirkjusand vorum þau bæði alveg jafn hissa á
þessum ósköpum. Þegar þjónustufulltrúinn góði renndi í gegnum korta-
færslur kom í ljós að heimildin var miklu meira en búin því í versl-
unarleiðangrinum ógurlega hafði færsla
upp á tæplega fjórar milljónir farið í gegn.
Smáhesturinn fékk hland fyrir hjartað enda
aldrei verið með slíka heimild á kortinu
sínu.
Svo fékk smáhesturinn öran hjartslátt og
fór að hugsa hvað hann þyrfti að fá sér
margar aukavinnur til að borga þessar
milljónir til baka.
Góður þjónustufulltrúi er klárlega betri
en enginn og áður en langt um leið var þessi
elskulega manneskja búin að hafa samband
við Vísa og á nokkrum dögum var færslan
afturkölluð. Um mannleg mistök var að
ræða þarna í outlettinu. Smáhesturinn gat
því haldið brokkinu áfram – sigldari en
nokkru sinni fyrr og mögulega 57% var-
kárari. Fjögurra milljóna kjóllinn verður
samt alltaf í sérstöku uppáhaldi. Annað
væri vanvirðing við frú Furstenberg.
martamaria@mbl.is
Kendall Jenner sýndi haust-
línu Diane von Furstenberg.
Fjögurra millj-
óna kjóllinn
Gullkjóll frá Diane
von Furstenberg.
Haustlína Diane
von Furstenberg.
Furstenberg
er málið.
Nú er komið að fjórða bílnum sem við gefum
á þessu ári í áskriftarleik Morgunblaðsins.
Þann 22. október drögum við út stálheppinn áskrifanda
sem eignast sjálfskiptan Suzuki Vitara GLX
sportjeppa að verðmæti 5.440.000 kr.
Sjáðu meira á mbl.is/askriftarleikur
mbl.is/askriftarleikur