Morgunblaðið - 31.10.2015, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 31. OKTÓBER 2015
hann sem aukaskip. Gunnþór segir
líklegt að hann verði seldur.
25-30% verðlækkun
Kaupin á Gitte Henning ber að á
svipuðum tíma og óvissa er með
loðnuvertíð í vetur og þrengingar
hafa verið á mörkuðum með makríl-
og síldarafurðir vegna viðskipta-
banns Rússa.
„Þetta fer alltaf upp og niður og
þessi loðnumæling var ekki alfarið
slæm í mínum huga, stundum hefur
engin loðna fundist að hausti “ segir
Gunnþór. „Ég var spurður að því af
hverju ég væri bjartsýnn á loðnu-
vertíð í vetur og svaraði því til að það
skipti engu máli hvort ég væri bjart-
sýnn eða svartsýnn og í sjálfu sér
veit ég ekki hvað verður. Það er hins
vegar miklu skemmtilegra að vera
bjartsýnn.“
Gunnþór segir að fyrirtæki hafi
orðið fyrir miklum búsifjum vegna
viðskiptabanns Rússa. Staðan gæti
versnað enn frekar ef ekki verður
breyting á þegar kemur fram á
loðnuvertíð.
„Verðlækkun vegna Rússabanns-
ins hefur stórskaðað fyrirtækin,“
segir Gunnþór. „Menn hafa verið að
selja makríl- og síldarafurðir þó það
hafi gengið miklu hægar en síðustu
ár. Ég áætla að verðlækkunin sé
25-30% miðað við sama tíma í fyrra.
Við höfum mjög miklar áhyggjur af
komandi loðnuvertíð og ég vona að
menn séu að endurskoða hug sinn í
þessu Rússamáli.
Ég reikna með því að þeir sem
komu okkur í þessa stöðu gagnvart
Rússum séu að meta afleiðingarnar
og vonandi að vinna í því að vinda
ofan af þessu. Við erum ekki bara í
vandræðum með sölu á uppsjávar-
afuurðum til Rússlands, því það eru
líka vandamál með sölu á sjófryst-
um karfa en Rússlandsmarkaður
var mikilvægur þar.
Í sumar frystum við makríl og
síld og fólkið hafði vinnu við þessi
verkefni. Loðna og loðnuhrogn
verða hins vegar ekki fryst ef við
getum ekki selt til Rússlands. Þá
kemur skellurinn í vetur og lendir
ekki bara á fyrirtækjunum heldur
líka fólkinu og samfélögunum. Það
er fjarstæðukennt ef menn ætla að
skýla sér á bak við það að loðnukvót-
inn verði lítill og bannið skipti því
minna máli. Það verður loðna og
menn verða að vinna að því að snúa
ofan af þessu viðskiptabanni.“
Hugað að endurnýjun
Síldarvinnslan er ekki bara í veið-
um og vinnslu á uppsjávarfiski, held-
ur er fyrirtækið öflugt í veiðum og
vinnslu á bolfiski. Frá Neskaupstað
eru ísfisktogarinn Bjartur og frysti-
togarinn Barði gerðir út á bolfisk-
veiðar og frystitogarinn Blængur,
áður Freri, var keyptur fyrr á þessu
ári.
Síldarvinnslan keypti útgerðar-
fyrirtækið Berg-Hugin í Vest-
mannaeyjum árið 2012. Skip þess
eru Bergey og Vestmannaey, en um
er að ræða tæplega 30 metra tog-
skip, sem smíðuð voru í Póllandi
2006 og 2007. Síldarvinnslan keypti
útgerðarfyrirtækið Gullberg á Seyð-
isfirði fyrir ári, en það gerir út sku-
togarann Gullver NS 12.
Aðspurður hvort breytingar séu á
döfinni hvað varðar þennan skipa-
kost segir Gunnþór að farið sé að
huga að endurnýjun. Það verði t.d.
bara gerður út einn frystitogari hjá
félaginu og óvíst sé hvað verði með
Barða. Þessi mál séu til skoðunar í
heild sinni.
Hjá samstæðu Síldarvinnslunnar
starfa hátt í 350 manns til sjós og
lands. Fyrirtækið rekur þrjár fiski-
mjölsverksmiðjur og uppsjávar-
frystihús í Neskaupstað og bolfisk-
vinnslu í gegnum Gullberg á Seyðis-
firði.
Skemmtilegra að vera bjartsýnn
 Endurnýjun Síldarvinnslunnar á uppsjávarskipum lokið  Tvö nýleg og öflug skip  Hugað að
endurnýjun og uppstokkun í bolfiskflota  Bjartsýnn á loðnuvertíð  Áhyggjur af viðskiptabanni
Stórt skref Nýr Beitir er vætanlegur til heimahafnar í Neskaupstað fyrir jól. Skipið er fullkomið í alla staði og kemur í stað 17 ára gamals skips.
Endurnýjun Nýr Börkur kom til Neskaupstaðar í febrúar í fyrra, en bar áð-
ur nafnið Malene S og var afhentur norskum eigendum í desember 2012.
BAKSVIÐ
Ágúst Ingi Jónsson
aij@mbl.is
Með kaupum á danska skipinu Gitte
Henning er lokið endurnýjun Síldar-
vinnslunnar í Neskaupstað á upp-
sjávarskipum fyrirtækisins. Nýja
skipið er eitt stærsta uppsjávarskip
við Norður-Atlantshaf og stefnt er
að því að skipið verði komið heim
fyrir jól. Það verður því klárt á
loðnuvertíð í vet-
ur, sem Gunnþór
Ingvason, fram-
kvæmdastjóri,
segist vera bjart-
sýnn á þrátt fyrir
lélega mælingu í
haust.
„Með þessu
skrefi erum við
komin með tvö
mjög öflug og vel
búin skip,“ segir
Gunnþór. „Við teljum þessa endur-
nýjun stórt skref fram á við fyrir
okkur; vinnuaðstöðuna, aðbúnaðinn
og þau hráefnisgæði sem við vinnum
með. Jafnframt liggur fyrir að við
þurfum að huga að endurnýjun og
uppstokkun í bolfiskflotanum.“
Hefur landað 3.500 tonnum
Nýja skipið, Gitte Henning, var
smíðað í skipasmíðastöð í Litháen og
kom nýtt til Danmerkur í apríl 2014.
Það er 86,3 metrar að lengd, 17,6
metrar að breidd og 4.138 brúttó-
tonn. Í skipinu eru 13 RSW tankar,
samtals 3.203 rúmmetrar og ber það
um 3.200 tonn, samkvæmt lýsingu,
en vorið 2014 landaði skipið þó um
3.500 tonnum af kolmunna, sem
veiddust á innan við þremur sólar-
hringum.
Skipið er búið fullkomnum búnaði
til veiða bæði með flottrolli og nót.
Öll tæki í brú eru af fullkomnustu
gerð og í skipinu eru 12 klefar með
14 rúmum. Haft er eftir Gunnþóri að
stærð skipsins og burðargeta muni
nýtast vel á stórum loðnuvertíðum
og eins við kolmunnaveiðar á fjar-
lægum miðum. Hann vill ekki gefa
upp kostnað við kaupin á nýja skip-
inu, en Beitir gengur upp í kaupin á
Gitte og er nýr Beitir 17 árum yngri.
Fram kom í dönskum blöðum á sín-
um tíma að nýsmíðin hefði kostað
dönsku útgerðina um 230 milljónir
danskra króna eða sem nemur tæp-
lega 4,4 milljörðum íslenskra króna.
Í febrúar í fyrra kom nýr Börkur
til Neskaupstaðar, en skipið hét áð-
ur Malene S. Það var smíðað í Nor-
egi og afhent norskum eigendum í
desember 2012. Það skip er yfir 80
metra langt, 17 metra breitt og ber
2.500 tonn. Auk þessara skipa á Síld-
arvinnslan uppsjávarskipið Birting,
en síðustu misseri hefur verið litið á
Gunnþór
Ingvason
Morgunblaðið/Sigurður Aðalsteinsson
Fyrri eigendur Gitte Henning
eru síður en svo að draga
saman seglin. Þeir tilkynntu
nýlega að þeir hefðu skrifað
undir smíðasamning á nýju
skipi, sem er stærra en skipið
sem fer til Norðfjarðar eða
90,45 metra langt og 17,8
metra breitt. Það skip mun þá
verða stærsta uppsjávarskip
sem byggt hefur verið og er
því ætlað að bera 3600 tonn
af hráefni. Meðan á smíði
þess stendur ætlar danska út-
gerðin að gera Beiti út, en
hann gekk upp í kaupin.
Aðaleigandi útgerðarinnar
er Henning Kjeldsen, sem jafn-
framt hefur verið skipstjóri.
Skipið sem samið hefur verið
um smíði á verður væntanlega
tíunda skip útgerðarinnar sem
ber nafnið Gitte Henning.
Nafnið mun vera sótt til út-
gerðarmannsins og Gitte,
systur hans, og hefur ekkert
að gera með nafn dönsku
söng- og leikkonunnar Gitte
Hænning, sem gert hefur
garðinn frægan víða um lönd.
Hún varð fyrst fræg sem
barnastjarna á sjötta áratug
síðustu aldar. Eldri lesendur
muna hugsanlega eftir henni í
kvikmyndinni Rauðu skikkj-
unni frá 1967, sem að hluta
var tekin hér á landi undir
leikstjórn Gabriel Axel. Nokkr-
ir íslenskir leikarar léku í
myndinni.
Smíða enn
stærra skip
TÍUNDA GITTE HENNING
Baselayer
ullarnærföt
á alla fjölskylduna
Útsölustaðir: Hagkaup • Afreksvörur – Glæsibæ • Bjarg – Akranesi • Fjarðarkaup – Hafnarfirði • Jói Útherji – Reykjavík
JMJ – Akureyri • Icewear – Akureyri • Hafnarbúðin – Ísafirði • Kaupfélag V-Húnvetninga • Kaupfélag Skagfirðinga
Nesbakki – Neskaupsstað • Skóbúð Húsavíkur – Húsvík • Blossi – Grundarfirði • Efnalaug Dóru – Hornafirði
Efnalaug – Vopnafjarðar • Siglósport – Siglufirði • Heimahornið – Stykkishólmi • Grétar Þórarinsson – Vestmannaeyjum
30
ÁRA
Höfðabakka 9, 110 Reykjavík • Sími 561 9200 • run@run.is • www.run.is