Morgunblaðið - 31.10.2015, Blaðsíða 60

LAUGARDAGUR 31. OKTÓBER 304. DAGUR ÁRSINS 2015
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 838 ÁSKRIFT 5295 HELGARÁSKRIFT 3307 PDF Á MBL.IS 4696 I-PAD ÁSKRIFT 4696
VEÐUR » 8 www.mbl.is
»MEST LESIÐ Á mbl.is
1. 12 sagt upp hjá 365 miðlum
2. Fékk nóg og strunsaði af sviðinu
3. Sýndi líkamann eftir brjóstnám
4. Tvítugur milljarðamæringur …
 Plötuútgáfufyrirtækið Oration og
hljóðverið Studio Emissary standa að
tveggja daga svartmálmstónlistar-
hátíð 19. og 20. febrúar á næsta ári á
skemmtistaðnum Húrra í Reykjavík.
Hátíðin nefnist Oration MMXVI og
verður á henni boðið upp á það besta
og ferskasta sem er að finna í svart-
málmsþungarokki í heiminum í dag,
að því er fram kemur í tilkynningu frá
skipuleggjendum. Á hátíðinni leika
íslensku sveitirnar Svartidauði, Sin-
mara, Misþyrming og Abominor, írska
hljómsveitin Malthusian og írsk-
íslenska sveitin Slidhr, hin banda-
ríska Ævangelist og ísraelska hljóm-
sveitin Mortuus Umbra. Einnig munu
írsk-íslenska sveitin Rebirth of Ne-
fast og hin íslenska Wormlust koma
fram á sviði í fyrsta sinn eftir margra
ára bið. Fleiri hljómsveitir munu að
öllum líkindum bætast á listann.
Svartmálmshátíð
haldin á Húrra
 Skáldsaga Jóns Kalmans Stefáns-
sonar Fiskarnir hafa enga fætur fær
sex stjörnur af jafnmörgum mögu-
legum í danska dagblaðinu Jyllands-
Posten, en bókin kom út á dönsku í
gær í þýðingu Kims Lembek. Gagnrýn-
andi blaðsins á vart orð til að lýsa
hrifningu sinni og lýsir henni sem
meistaraverki. Segir hann frásögn
Jóns Kalmans rismikla og birtu yfir
tungumáli hans. Rýnir Berlingske gef-
ur bókinni fimm stjörnur og segir
hana mesta stórvirki Jóns Kalmans,
sem tilnefndur var til Bókmenntaverð-
launa Norðurlandaráðs
fyrir hana. Rýnir hrós-
ar höfundi fyrir að
lýsa margbrotnum
manneskjum í stað
þess að skapa aðeins
persónur í
skáldskap.
Stjörnum hlaðið
meistaraverk
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Breytileg átt 3-8 og stöku skúrir, en þurrt á N- og V-landi. Hiti 2 til
8 stig að deginum. Hægviðri í kvöld, léttskýjað að mestu og frystir víða inn til landsins.
Á sunnudag Suðlæg átt 10-15 m/s og rigning eða slydda, einkum sunnan- og vest-
anlands. Hiti 1 til 8 stig. Skúrir um kvöldið, en léttir til á N- og A-landi.
Á mánudag Sunnan 8-13 m/s og rigning eða slydda, en þurrt og bjart veður norðaust-
antil á landinu. Hiti 1 til 6 stig.
Forráðamenn úrvalsdeildarliðsins
Tindastóls í körfuknattleik karla voru
ekkert að tvínóna í gærmorgun, hálf-
um sólarhring eftir tap fyrir Haukum
á heimavelli. Þeir leystu Pieti Poikola
þjálfara og aðstoðarmann hans, Harri
Mannonen, undan samningi. Aðeins
fjórar umferðir eru búnar af deildar-
keppninni. Tindastóll hefur unnið tvo
af leikjunum fjórum. »1
Finnarnir farnir frá
Sauðárkróki
Keflvíkingar eru á toppi
Dominos-deildar karla með
fullt hús stiga eftir fjórar
umferðir. Liðið vann örugg-
an sigur á nýliðum Hattar
frá Egilsstöðum í gærkvöldi.
Á sama tíma unnu Íslands-
meistarar KR einnig örugg-
an sigur á Njarðvík. Hafa
KR-ingar unnið þrjá leiki af
fjórum en Njarðvíkingar eru
með tvo sigra og tvö töp.
»2-3
Fullt hús stiga hjá
Keflvíkingum
„Það er mikil spenna í loftinu. Við
eigum ennþá möguleika á titlinum en
því miður er þetta ekki í okkar hönd-
um. Við þurfum að treysta á að Norr-
köping misstígi sig og vinna okkar
leik,“ segir Hjálmar Jónsson, knatt-
spyrnumaður hjá Gauta-
borg. Hann er annar
tveggja íslenskra knatt-
spyrnumanna sem geta
orðið sænskir meist-
arar í dag þegar
lokaumferðin
verður leikin. »1
Íslendingar í titilbar-
áttu í Svíþjóð
Viðar Guðjónsson
vidar@mbl.is
„Galdurinn við að halda fyrirtæki
gangandi í 80 ár er sá að fjárfesta
ekki um of á uppgangstímum. Þann-
ig má betur mæta efnahagslegum
lægðum sem koma á sjö ára fresti
líkt og um biblíulegt lögmál sé að
ræða á Íslandi.“ Svo segir Eyjólfur
Eyjólfsson sem á trésmíðaverk-
stæðið Axis ásamt Gunnari, bróður
sínum. Í tilefni 80 ára afmælis fyrir-
tækisins mætti Ragnheiður Elín
Árnadóttir, iðnaðar- og viðskipta-
ráðherra, í gær og gangsetti nýja,
tölvustýrða plötuvél.
EFTA-samnningur heillaspor
Axis-húsgögn var stofnað á Akra-
nesi árið 1935 af Axel Eyjólfssyni,
afa Eyjólfs. Starfsemin var flutt til
Reykjavíkur árið 1946 og var fyrst í
Árbæ en lengi í Skipholti áður en
fyrirtækið flutti í Kópavog árið 1974.
„Hvatinn að því að við tókum skref í
átt að fjöldaframleiðslu var EFTA-
samningurinn sem var innleiddur
árið 1972,“ segir Eyjólfur. Í samn-
ingnum fólst m.a. fríverslun með
iðnaðarvörur og nutu húsgögn því
ekki tollverndar eins og var fram að
þeim tíma.
„Svar okkar við þessum breyt-
ingum var að keppa við stóra aðila
og framleiða í meira magni. Það var
heillaspor og við stöndumst sam-
keppni við erlenda framleiðendur
hvað verð og gæði varðar,“ segir
Eyjólfur. Fyrirtækið hefur lengst-
um lagt áherslu á innréttingar og
skrifstofuhúsgögn. „Allra síðustu ár
höfum við einnig verið að framleiða
húsgögn og höfum m.a. tekið þátt í
Hönnunarmars,“ segir Eyjólfur.
Hann segir að reglulegar sveiflur í
efnahag þjóðarinnar hafi mikil áhrif
á reksturinn. „Að sjálfsögðu hafa
komið erfiðleikar í rekstrinum. Það
er nánast biblíulegt harðæri sem við
glímum við á sjö ára fresti í þessum
geira,“ segir Eyjólfur. Hjá fyrirtæk-
inu starfa um 30 manns. „Við erum
gamalt fyrirtæki og njótum þess að
hafa ekki þanið okkur út í upp-
sveiflum. Við höfum notið góðs af því
og aldrei sagt upp fólki í niður-
sveiflum. Til að mynda fórum við í
heilmiklar framkvæmdir í síð-
ustu kreppu. Þá vor-
um við búnir að
leggja til hliðar fé
sem hefði farið í fjár-
festingar á vélum eða
eitthvað slíkt. Þess í
stað ákváðum við að
endurgera húsið að
framan og notuðum
mannskapinn í það til
að halda honum í
vinnu,“ segir Eyjólf-
ur að endingu,
Standa af sér sveiflurnar
 Trésmíðaverk-
stæðið Axis fagn-
ar 80 ára afmæli
Morgunblaðið/Eggert
Stór stund Á afmælinu gangsetti Ragnheiður Elín Árnadóttir nýja tölvustýrða plötuvél. Með henni á myndinni eru
frá vinstri Richard Guðmundur Jónasson og eigendurnir Gunnar Eyjólfsson og Eyjólfur Eyjólfsson.
„Við höfum sennilega selt um 70 stykki af þessum
sófa. Hann er úr hljóðdempandi efni þannig að þú
færð frið í honum þegar þú ert í opnu rými,“ segir Eyj-
ólfur um hljóðsófann Einrúm sem vakið hefur athygli
og má m.a. finna í Hörpu og Háskólanum í Reykjavík.
Sófinn var kynntur á Hönnunarmars árið 2013 og seg-
ir Eyjólfur að fyrirtækið hafi fengið fyrirspurn frá út-
löndum. Sturla Már Jónsson, húsgagnasmiður og
arkitekt, á heiður af hönnuninni. „Hann var með verk-
fræðing með sér í þessu og ég held að hljóðdempunin
í þessu sé sú allra besta sem völ er á,“ segir Eyjólfur
en hægt er að fá sófann í ýmsum litasamsetningum.
Einrúm hefur selst vel
ÞEGAR ÞÚ VILT FRIÐ Í OPNU RÝMI
Einrúm-sófi frá
Axis. Hönnun:
Sturla Már
Jónsson.