Morgunblaðið - 30.03.2016, Síða 2

2 FRÉTTIRInnlent
MORGUNBLAÐIÐ MIÐVIKUDAGUR 30. MARS 2016
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Íslensk jarðarber koma í búðir í vikunni. Upp-
skeran hefur verið góð hjá grænmetisbændum og
þótt snjórinn sé enn við völd eru jarðarberin brak-
andi fersk.
„Við erum komin með nokkuð mikið af berjum
sem fara í búðir í vikunni,“ segir Jóhannes Haf-
steinn Sigurðsson, sölustjóri Sölufélags garðyrkju-
manna. Íslensk jarðarber eru ræktuð meðal annars
á Kvistum, Silfurtúni, Sólbyrgi og Jarðarberja-
landi.
„Salan á jarðarberjum gekk mjög vel í fyrra, það
hefur aldrei verið eins mikið framboð af íslenskum
berjum og þá en í ár er verið að auka magnið og
framboðið. Íslendingar virðast taka vel í íslensku
berin og nú á að prófa að koma með íslensk bróm-
ber, íslensk kirsuber og fleiri nýjungar.“
Jóhannes segir að meira íslenskt grænmeti sé
einnig á leið í búðir, eins og paprika og tómatar.
„Það hefur verið skortur á íslensku grænmeti í
verslunum en það mun aukast með hækkandi sól.
Yfirleitt eru þessar vörur að koma í kringum
páska, þá eykst úrvalið af íslensku grænmeti. Það
gerir auðvitað mönnum lífið leitt þetta blessaða
myrkur sem er hér á Íslandi því rafmagn er merki-
lega dýrt. Þrátt fyrir það er mikil sókn í greininni
og við lítum bjartsýnum augum á sumarið,“ segir
Jóhannes.
Á myndinni tínir Kristjana Jónsdóttir jarðarber í
gróðrarstöðinni á Sólbyrgi á Kleppjárnsreykjum í
Borgarfirði. benedikt@mbl.is
Íslensk jarðarber á leiðinni í búðir
Ljósmynd/SFG
Nöfn þriggja íslenskra ráðherra og fleira áhrifafólks í
stjórnmálum eru á lista yfir eigendur aflandsfélaga í
skattaskjólum, að sögn Kastljóss Ríkisútvarpsins. Þetta
kemur fram í gögnum erlendra blaðamanna.
Bjarni Benediktsson fjármálaráðherra og Ólöf Nordal
innanríkisráðherra gáfu bæði yfirlýsingar í gær af þessu
tilefni. Sem kunnugt er upplýsti Anna Sigurlaug Páls-
dóttir, eiginkona Sigmundar Davíðs Gunnlaugssonar for-
sætisráðherra, nýlega að hún væri eigandi erlends félags
sem héldi utan um fjölskylduarf hennar.
Félagið var sett í afskráningarferli árið 2009
Bjarni birti færslu á Facebook og kvaðst hafa keypt
fyrir tíu árum þriðjungshlut í eignarhaldsfélagi sem
Landsbankinn í Lúxemborg hafði stofnað fyrir viðskipta-
félaga hans um kaup á fasteign í Dubai. „Ég gerði grein
fyrir kaupum á félaginu og niðurlagningu þess gagnvart
íslenskum skattyfirvöldum og hef alla tíð staðið í þeirri
trú að félagið ætti varnarþing í Lúxemborg,“ skrifaði
Bjarni. Það var ekki fyrr en honum barst ábending frá
erlendum blaðamanni sem honum varð ljóst að félagið
var skráð á Seychelles-eyjum. Það hafði þó engin áhrif í
skattalegu samhengi, að sögn Bjarna.
Eini tilgangur félagsins var að halda utan um eignina í
Dubai. Viðskiptafélagarnir gengu út úr kaupunum og ár-
ið 2009 var málið gert upp með tapi og félagið sett í af-
skráningarferli. „Við gildistöku reglna um hagsmuna-
skráningu þingmanna átti ég því hvorki hlut í félagi í
atvinnurekstri né aðrar fasteignir en húsnæði til eigin
nota,“ skrifar Bjarni. Fjallað var um þessi fasteignakaup
í fjölmiðlum árið 2010. Bjarni kveðst telja rétt að fylgja
einfaldri reglu í þessum efnum: „Það eiga allir að skila
sínu til sameiginlegs rekstrar samfélagsins. Langflestir
fylgja þessari sjálfsögðu reglu. Ég mun láta einskis
ófreistað til að ná til hinna, sem fara á svig við lög og regl-
ur og vilja fá frítt far með samborgurum sínum sem halda
uppi lífsgæðunum á Íslandi.“
„Hvorki ég né eiginmaður minn eigum eða höfum átt
hlut í fjárfestingar- eða eignarhaldsfélögum sem skráð
eru á Bresku Jómfrúareyjum eða í nokkru öðru landi
sem talin eru til skattaskjóla,“ skrifaði Ólöf Nordal inn-
anríkisráðherra á Facebook-síðu sinni í gærkvöld. Hún
sagði í pósti til sjálfstæðisþingmanna að það kæmi sér
„fullkomlega á óvart“ að nafn sitt væri á listanum.
Tók aldrei yfir eignarhald á félaginu
Hún skrifaði á Facebook að sér hefði borist fyrirspurn
frá þýskum blaðamönnum 16. mars sl. um hugsanleg
tengsl hennar við félag sem var skráð á Bresku Jómfrúr-
eyjum. Ólöf kvaðst hafa svarað fyrirspurninni 22. mars
sl. Nokkrum dögum áður hafði Tómas Sigurðsson, eig-
inmaður hennar, einnig svarað fyrirspurninni.
Ólöf segir að maður sinn hafi starfað fyrir alþjóðlegt
fyrirtæki undanfarin 12 ár. „Síðari hluta ársins 2006 leit-
aði Tómas ráðgjafar hjá Landsbanka Íslands varðandi
fjármál og kaupréttarsamninga sem voru hluti af starfs-
kjörum hans. Markmiðið var að njóta leiðsagnar bankans
varðandi hugsanlegar fjárfestingar í erlendum verðbréf-
um enda starfsvettvangur Tómasar alþjóðlegur,“ skrif-
aði Ólöf. Hún segir að ráðgjafar bankans hafi lagt til að
stofnað yrði sérstakt erlent fjárfestingarfélag og stofnaði
Landsbankinn í Lúxemborg félagið.
Bankinn veitti Tómasi umboð á félagið og óskaði eftir
að Ólöf fengi sambærilegt umboð. „Það mun vera skýring
á því að nöfn okkar eru á umræddum lista,“ skrifaði Ólöf.
Aldrei kom til þess að Tómas tæki yfir eignarhald félags-
ins eða nýtti það til fjárfestinga. gudni@mbl.is
Þrír ráðherrar orð-
aðir við aflandsfélög
 Bjarni gerði skattayfirvöldum grein fyrir eign sinni
 Ólöf Nordal átti aldrei eignarhlut í félagi í skattaskjóli
Ólöf
Nordal
Sigmundur Davíð
Gunnlaugsson
Bjarni
Benediktsson
Svartþröstur var búinn að verpa
fjórum eggjum í hreiður í Garðabæ
á annan dag páska. Snævarr Örn
Georgsson sá hreiðrið fyrst á
pálmasunnudag, 20. mars. Það var
þá fóðrað og tilbúið, en tómt.
„Þeir verpa venjulega einu eggi á
sólarhring þar til þeir eru full-
orpnir og þá leggjast þeir á,“ sagði
Snævarr. Svartþrösturinn verpur
3-5 eggjum, samkvæmt fuglavef
Námsgagnastofnunar. Snævarr
sagði að svartþrösturinn yrpi
gjarnan snemma.
Hrafninn er með fyrstu fuglateg-
undum til að verpa á vorin. Snæv-
arr kvaðst nýlega hafa séð tilbúinn
hrafnslaup í Heiðmörk en krummi
var ekki lagstur á. Hann er því ekki
langt á eftir svartþrestinum.
„Kannski á það við um svarta spör-
fugla – að verpa snemma,“ sagði
Snævarr og hló. Hann er frá Akur-
eyri og er að ljúka MS námi í um-
hverfisverkfræði við Háskóla Ís-
lands. Snævarr er mikill
fuglaáhugamaður og hefur tekið
þátt í fuglamerkingum allt frá vor-
inu 2003. „Ég hef mikið verið í
álftamerkingum fyrir norðan,
rjúpnamerkingum og alls konar
fuglamerkingum.“
Farfuglum fjölgar óðum. Frést
hefur af álftum, grágæsum, síla-
mávum, svartbökum, skógar-
þröstum og andategundum sem eru
komnar. „Stóra gusan er ekki kom-
in. Ætli hún komi ekki þegar kemur
alvöru sunnanátt í apríl,“ sagði
Snævarr. gudni@mbl.is
Ljósmynd/Snævarr Örn Georgsson
Vor á næsta leiti Svartþrastarhreiðrið er nosturslega gert og fóðrað.
Fjögur egg í svart-
þrastarhreiðrinu
 Svartþröstur varp snemma í vor
„Ég veit ekki til
þess að neinn
trúnaðarmaður í
Samfylkingunni
sé í þeim að-
stæðum. En það
liggur í augum
uppi að slíkt er
ekki samrým-
anlegt trún-
aðarstörfum fyr-
ir Sam-
fylkinguna,“ sagði Árni Páll
Árnason, formaður Samfylking-
arinnar, við mbl.is, spurður hvort
hann vissi til þess að áhrifamaður
innan flokksins tengdist félögum í
skattaskjólum, líkt og fram hefur
komið í fréttum um tengsl íslenskra
stjórnmálamanna við aflandsfélög.
Árni Páll sagði að Samfylkingin
hefði tekið skýra afstöðu gegn
skattaskjólum, eins og systur-
flokkar hennar erlendis.
Samrýmist ekki
trúnaðarstörfum
Árni Páll
Árnason
Lögreglan á Suð-
urnesjum stöðv-
aði nýverið starf-
semi svokallaðr-
ar Airbnb
heimagistingar í
umdæminu þar
sem engin
rekstrar- né
starfsleyfi reynd-
ust vera til staðar. Var því um að
ræða brot á lögum um veitinga-
staði, gististaði og skemmtanahald.
Lögregla mun á næstunni heim-
sækja fleiri staði þar sem heima-
gisting er auglýst á Airbnb og gá
hvort leyfi séu fyrir hendi.
Heimagisting án
rekstrarleyfis