Morgunblaðið - 10.05.2016, Blaðsíða 33

MENNING 33
MORGUNBLAÐIÐ ÞRIÐJUDAGUR 10. MAÍ 2016
Helgi Snær Sigurðsson
helgisnaer@mbl.is
Fjórða sólóplata Gísla Þórs Ólafs-
sonar, sem notar listamannsnafnið
Gillon, kom út fyrir skömmu og er
hún samnefnd listamanninum, þ.e.
Gillon. Platan var tekin upp í Stúdíó
Benmen og stýrði upptökum félagi
Gillons í hljómsveitinni Contalgen
Funeral, Sigfús Arnar Benedikts-
son. Platan hefur að geyma átta lög
eftir Gísla og samdi hann texta við
sex þeirra en tveir eru ljóð eftir Ing-
unni Snædal úr ljóðabók hennar
Komin til að vera, nóttin, frá árinu
2009.
Auk þess að vera tónlistarmaður
er Gísli ljóðskáld og hefur hann gefið
út fimm ljóðabækur, þá fyrstu,
Harmonikkublús, árið 2006 og sem
fyrr segir hefur hann gefið út þrjár
plötur og var ein þeirra, Bláar radd-
ir, tileinkuð ljóðskáldinu Geirlaugi
Magnússyni og innihélt lög við ljóð
hans úr bókinni Þrítengt frá árinu
1996. Ljóð eftir Geirlaug má einnig
finna á plötunum Næturgárun
(2012) og Ýlfur (2014). Gillon er því
fyrsta plata Gísla sem inniheldur
ekki ljóð eftir Geirlaug. Gísli vinnur
nú að sjöttu ljóðabók sinni sem nefn-
ist Vélmennadans og er væntanleg í
haust.
Poppaðri, mýkri og
aðgengilegri
„Efnið á plötunni er mestmegnis
kassagítarstónlist í trúbadorahefð
Bob Dylan, Neil Young o.fl., kántrý-
skotnar ballöður með ljúfsárum text-
um,“ segir Gísli, spurður að því
hvers konar tónlist platan nýja hafi
að geyma.
– Hvernig er platan frábrugðin
þinni síðustu og þá hvað varðar tón-
list, útsetningar og texta?
„Þessi plata er poppaðri, mýkri og
aðgengilegri en tvær seinustu og
e.t.v. frekar í ætt við mína fyrstu
plötu, Næturgárun. Ólíkt fyrri plöt-
um er minna um stórar útsetningar
og lög í listrænni uppbyggingu og
eru flest lögin á nýju plötunni hefð-
bundin í uppbyggingu og útsetning-
um.
Textarnir á plötunni eru naktir og
opnir og á engan hátt tormeltir.
Utan við hið hefðbundna ástar-
sorgarþema koma hundar og frjó-
kornaofnæmi fyrir í nokkrum þeirra.
Eitt lagið er á ensku og nefnist það
„My Special Mine“. Það er fyrsta
lagið sem ég gef út á ensku,“ svarar
Gísli.
Sorg, aðskilnaður og ringulreið
ungs, íslensks karlmanns
– Hvaðan færð þú innblástur?
Ég hlusta mikið á tónlist. Að und-
anförnu hefur það mest verið Neil
Young. Annars eru þeir oft á, Leon-
ard Cohen, Tom Waits, Van Morr-
ison og Bob Dylan. Meðal íslenskra
tónlistarmanna má nefna Bubba,
Megas og KK. Ég tek líka ýmislegt
úr umhverfinu og ýmsar upplifanir
og reynslu inn í sköpunina. Í grunn-
inn eru lögin og textarnir á plötunni
persónulegt viðbragð við ýmsum
mannlegum óþægindunum þótt til-
finningarnar og túlkunin geti breyst
frá ári til árs,“ segir Gísli.
Hvað umfjöllunarefni varðar segir
Gísli plötuna dálítið í anda ástar-
sorgar- og kannski skilnaðarplatna.
Mörg laganna fjalli um ástarsorg,
aðskilnað og ringulreið ungs íslensks
karlmanns. „Þrátt fyrir það er bjart-
sýni og von í sumum lögunum, t.d. í
laginu „Sumar“, en það er upphafs-
lag plötunnar,“ segir Gísli.
Heyrði lag við lestur ljóðs
– Hvers vegna valdir þú þessi tvö
ljóð eftir Ingunni Snædal til að
semja við?
„Þegar ég var unglingur í fram-
haldsskóla á Sauðárkróki fór ég
stundum inn á bókasafn og gluggaði
í ljóðabækur Geirlaugs Magnús-
sonar og Gyrðis Elíassonar. Í eitt
skiptið er ég var að lesa ljóðið „Fleiri
nátta blús“, úr bók Geirlaugs, Þrítíð,
heyrði ég lagið fyrir mér í huganum.
Ég fór svo heim og samdi það. Það
eru 18 ár síðan. Lagið kom svo út ár-
ið 2014 á plötunni Ýlfur.
Fyrir um 17 árum, fór ég með
aðra bók eftir Geirlaug, Þrítengt, inn
í kompu og samdi lög við ljóð úr
henni. Þau komu út á plötunni Bláar
raddir árið 2013. Það má því segja að
stundum kvikni lagahugmyndir við
lestur á ljóðum og það var það sem
gerðist varðandi þessi tvö ljóð Ing-
unnar Snædal, „Mannaþefur í kolli
mínum“ og „Komin til að vera, nótt-
in“ úr bók samnefndri því síðar-
nefnda,“ segir Gísli.
Ástarsorg, hundar og
frjókornaofnæmi
 Tónlistarmaðurinn og ljóðskáldið Gillon gefur út fjórðu sólóplötuna
Á tónleikum Gísli Þór Ólafsson, Gillon, á umslagi nýútkominnar plötu sinn-
ar sem ber listamannsnafn hans og er jafnframt fjórða sólóplatan.
Sjónvarpsstöðv-
ar breska ríkis-
útvarpsins,
BBC, voru feng-
sælar á bresku
BAFTA-
sjónvarps-
verðlaununum
sem afhent voru
í fyrradag.
Þáttaröðin Wolf
Hall var valin besta dramatíska
þáttaröðin og Mark Rylance hlaut
verðlaun fyrir leik sinn í henni,
fyrir bestan leik aðalleikara.
Besta aðalleikkona dramatískrar
þáttaraðar þótti Suranne Jones
fyrir leik sinn í Doctor Foster sem
BBC framleiðir. Verðlaunalista
má finna á bafta.org.
Wolf Hall sú besta
Mark Rylance
Verðlaun hafa verið afhent í Silj-
unni, myndbandasamkeppni Barna-
bókaseturs Íslands og var keppt í
tveimur flokkum í ár, 5.-7. bekk og
8.-10. bekk. Barnabókasetur Íslands
vinnur að bættri lestrarmenningu
barna og unglinga en Siljan er
stærsta verkefni setursins, skv. til-
kynningu. „Markmiðið með Siljunni
er að hvetja börn og unglinga til að
lesa og tjá sig um bækurnar sem þau
lesa. Með því gerum við lestur barna
og unglinga sýnilegri og sköpum já-
kvæðar lestrarfyrirmyndir sem lað-
að geta fleiri að bóklestri,“ segir þar.
Um 50 myndbönd bárust í keppnina
og voru sex verðlaunuð. Auk þess
tryggðu sigurvegararnir í hvorum
flokki skólasafninu sínu 100.000
króna bókaúttekt frá Barna-
bókasetri og Félagi íslenskra bóka-
útgefenda. Það verða Ingunnarskóli
í Reykjavík og Brekkuskóli á Ak-
ureyri sem fylla bókahillurnar í vor.
Dómnefnd skipuðu Hólmfríður
Árnadóttir kennari, Skúli Gautason,
leikari og tónlistarmaður, og Urður
Snædal skáld.
Úrslit urðu þau að í yngri flokki
hrepptu fyrsta sæti Emelía Anna,
María Bridde, Sóley Bára og Ríkey í
4.-5. bekk í Ingunnarskóla í Reykja-
vík sem gerðu myndband upp úr
bókinni Gummi og huldufólkið. Í
öðru sæti urðu Unnar Gamalíel og
Ingimar Darri í 6. bekk í Grunnskól-
anum á Þórshöfn sem gerðu mynd-
band út frá Þinni eigin goðsögu og í
þriðja sæti Margrét Harpa og Salka
í 7. bekk í Langholtsskóla í Reykja-
vík sem unnu með Leitina að til-
gangi unglingsins. Í eldri flokki
hlutu fyrsta sæti Egill og Arndís
Eva í 9.-10. bekk Brekkuskóla á Ak-
ureyri fyrir myndband sem þau
unnu út frá bókinni Vetrarfrí. Í 2.
sæti urðu Kristíana og Ingunn Alda í
9. bekk í Brekkuskóla á Akureyri
sem unnu með bókina Norn er fædd
og í þriðja sæti Dagur Sverrir og
Sveinn Vignir í 10. bekk í Breiðholts-
skóla í Reykjavík sem gerðu mynd-
band út frá bókinni Arftakinn.
Verðlaun Brynhildur Þórarins-
dóttir frá Barnabókasetri afhenti
Sigríði Margréti Hlöðversdóttur,
skólasafnskennara Brekkuskóla,
verðlaun vegna sigurs nemenda
skólans í Siljunni.
Verðlaun veitt í Siljunni
BAD NEIGHBORS 2 6, 8, 10
CAPTAIN AMERICA 3D 6, 9
CAPTAIN AMERICA 10:25
RATCHET & CLANK 5:50 ÍSL.TAL
MAÐUR SEM HEITIR OVE 8
LAUGARÁSBÍÓ Sýningartímar
Miðasala og nánari upplýsingar
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
Kringlunni • Sími 568 7777 • heyra.is HEYRNARSTÖ‹IN
Enn snjallara heyrnartæki
Beltone Legend
Nýja Beltone Legend™ heyrnartækið tengist þráðlaust beint í iPhone, iPad og iPod touch.
Komdu í ókeypis heyrnarmælingu og fáðu heyrnartæki lánað til reynslu.
Beltone Legend gengur með iPhone 6s og eldri gerðum, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi.
Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
™
Ókeypis
heyrnarmælingsíðan 2004