Morgunblaðið - Sunnudagur - 19.06.2016, Page 4

4 MORGUNBLAÐIÐ SUNNUDAGUR 19.6. 2016
Hvað er Color Run?
Color Run-hlaupið svonefnda sem haldiðvar fyrir viku er einn nýjasti viðburður-inn á dagatali íslenska hlauparans,
enda þótt hlaupið minni frekar á skemmtilega
útihátíð en íþróttaviðburð að mörgu leyti, ef
marka má ummæli þátttakenda sem blaðamað-
ur ræddi við. Sex milljónir króna runnu til góð-
gerðarmála í tengslum við Color Run í ár, enda
þótt hlaupið sé ekki skilgreint sem góðgerð-
arhlaup. Ljóst er þó að tekjur af hlaupinu nema
tugum milljónum króna.
Hlaupið er haldið af fyrirtækinu Basic Int-
ernational ehf í eigu Davíðs Lúthers Sigurð-
arsonar, sem er framkvæmdastjóri Color Run á
Íslandi, og Gests Steinþórssonar. Basic Int-
ernational var stofnað vorið 2015 og er tilgangur
þess skipulagning íþróttaviðburða, framleiðsla
og sala á fatnaði og skófatnaði, önnur smásala
tengd íþróttaviðburðum og annar skyldur rekst-
ur, samkvæmt upplýsingum Credit Info, og er
starfsemi þess skilgreind sem „önnur íþrótta-
starfsemi“. Ýmsir styrktaraðilar koma einnig við
sögu Color Run-hlaupsins, einna helst lyfjafyr-
irtækið Alvogen, en hlaupið heitir formlega í höf-
uð þess „The Colr Run by Alvogen“. Sérstakt
leyfi þarf til að halda viðburð undir formerkjum
Color Run, en Color Run er alþjóðlegt vöru-
merki sem kom fyrst til sögunnar árið 2011 og
hefur síðan verið haldið sem viðburður í meira en
tvö hundruð borgum í meira en fjörutíu löndum.
„Það tókst frábærlega til með Color Run í ár
og mér fannst ótrúlega gaman að sjá þennan
fjölda skemmta sér. Markmið okkar með þess-
um viðburði er að leyfa gestum okkar að upplifa
alvöru sprengju,“ segir Davíð Lúther Sigurð-
arson, framkvæmdastjóri Color Run á Íslandi, í
samtali við sunnudagsblaðið.
Aðkoma ólíkra hlaupa- og íþróttaviðburða að
góðgerðarmálum er algeng þótt með ýmsum
hætti sé. Til samanburðar við hið geysivinsæla
Color Run má nefna að Reykjavíkurmaraþonið
er haldið af Íþróttabandalagi Reykjavíkur með
styrk frá Íslandsbanka og fleirum. Allur ágóði
af því rennur í íþróttastarf, sem hefur numið 10
til 15 milljónum króna undanfarin ár, auk þess
sem rúmum 80 milljónum króna var safnað í
formi áheita til hinna ýmsu
góðgerðarmála í fyrra. Önnur
hlaup á borð við Globeathon,
sem haldið er hér á landi af
LÍF styrktarfélagi og
Krabbameinsfélaginu, eru
haldin eingöngu í góðgerð-
arskyni, en hlaupaviðburðum
hér á landi hefur farið fjölg-
andi undanfarin ár.
Þá er Wow-cyclothon góðgerðarviðburður
haldinn af félaginu Wow Sport með styrk frá
Wow Air og fleirum, samkvæmt upplýsingum
frá Wow Air, og hafði safnað rúmum fimm millj-
ónum króna til samtakanna Hjólakraftur þegar
blaðið fór í prentun.
„Ofsalega dýr“ viðburður
Davíð segir ekki klárt að svo stöddu hver
heildarkostnaður vegna Color Run hafi verið í
ár og vill hvorki gefa upp tekjur né ágóða vegna
viðburðarins í fyrra. Ekki sé unnt að tala um
prósentu af miðaverði þegar reiknað er hve
stórt hlutfall miðaverðs fer í góðgerðarmál því
upphæð styrktarframlags sé ákveðin áður en
hlaupið á sér stað.
Um 9.000 miðar seldust á Color Run í ár að
frátöldum boðsmiðum en alls tóku um 12.000
manns þátt, að sögn Davíðs. Miðaverð var 7.000
krónur fyrir fullorðna og 4.500 fyrir unglinga en
börn yngri en átta ára fengu ókeypis aðgang.
Ef gert væri ráð fyrir 9.000 keyptum miðum
þar sem helmingur miða væri seldur á unglings-
verði myndu tekjur af miðasölu nema um 52
milljónum króna. Þá eru ótaldar tekjur af ýms-
um varningi sem var til sölu í tengslum við
hlaupið á borð við blómakransa, sólgleraugu og
tútúpils, sem seldist vel að sögn Davíðs.
„Það kostar ofsalega mikið að halda Color
Run,“ segir Davíð. „Það þarf ekki bara að kaupa
litasprengjur, sem við flytjum inn í tonnavís,
borga listamönnum og leigja uppblásin hlið
heldur er undirbúningsvinnan gífurleg. Það er
tólf mánaða vinna fyrir ansi marga starfsmenn
að undirbúa þetta.“
Tæplega fimmtán lykilstarfsmenn vinni að
hlaupinu allt árið en þegar
mest lét hafi um tvö hundruð
manns komið að hlaupinu.
Þá kostar einnig sitt að
leigja Color Run-vörumerkið
af stofnendum þess í Banda-
ríkjunum, en sérstakt leyfi
þarf til að kalla viðburðinn því
nafni. Kostnaður vegna
gatnalokunar í Reykjavík
nam rúmum 250 þúsund krónum vegna hlaups-
ins í fyrra samkvæmt upplýsingum frá Um-
hverfis- og skipulagssviði. Aðstandendur
hlaupsins sjá um alla hreinsun.
Ekki skilgreint sem góðgerðarhlaup
„Samstarfsaðilar hlaupsins taka á sig ýmsan
kostnað, hjálpa við að auglýsa viðburðinn og þar
fram eftir götum,“ útskýrir Davíð aðspurður um
hlut samstarfsaðila Color Run. Alvogen á þar
stærstan þátt en alþjóðlega lyfjafyrirtækið
kemur að viðburðinum sem styrktaraðili og
kaupir til að mynda nafnið, en formlegt heiti
hlaupsins er „The Color Run by Alvogen“. Aðrir
samstarfsaðilar eru Íslandsbanki, Toppur, Víf-
ilfell, Lenovo, Dominos og Under Armour.
„Alvogen kemur ekki að skipulagningu Color
Run og er ekki ábyrgðaraðili hlaupsins. Það er
ég sem ábyrgðaraðili,“ segir Davíð.
Tvö góðgerðarverkefni voru valin og styrkt af
samfélagssjóði Alvogen og Color Run og var
upphæðin alls sex milljónir króna. Þau voru
Reykjadalur, sumarbúðir fyrir fötluð börn, og
Rauði krossinn, með verkefnið „Vertu næs“. Í
fyrra fengu þrjú verkefni styrk, en það voru
UNICEF, Rauði krossinn og Íþróttasamband
fatlaðra.
„Þrátt fyrir að The Color Run sé ekki skil-
greint sem góðgerðarhlaup þá lætur það samt
gott af sér leiða. Okkur er sönn ánægja að
styðja við svona flott málefni hér á landi,“ er
haft eftir Davíð á vefsíðu Alvogen.
Partý frekar en íþrótt
„Skemmtun, partý og hátíð eru orð sem koma í
hugann. Þetta var eiginlega ekki hlaup fannst
mér. Það var mjög skemmtilegt í Color Run en
maður var bara í góðu stuði og margir labbandi.
Þetta er hvor sinn hluturinn í mínum huga,“
segir Anna Lilja Sigurðardóttir, upplýsinga-
fulltrúi fyrir Reykjavíkurmaraþonið, beðin um
að bera saman hlaupin tvö.
Anna bendir meðal annars á að allur ágóði
vegna Reykjavíkurmaraþonsins renni til
íþróttastarfs.
„Íþróttabandalag Reykjavíkur rekur Reykja-
víkurmaraþonið og flestir sem starfa við hlaupið
eru sjálfboðaliðar að stunda fjáröflun fyrir sín
Íþróttafélög.
Íþróttabandalagið hlýtur allan ágóðann af
maraþoninu í sinn hlut og peningarnir renna til
íþróttastarfs. Svo er framlögum í góðgerðarmál
safnað í formi áheita.“
Þá eru hlaupin ólík að því leyti að ekki er tek-
inn tími á hlaupurum í Color Run-hlaupinu, en
tímataka í maraþonhlaupi er að sögn Önnu
mjög kostnaðarsöm.
Morgunblaðið/Eggert
Davíð Lúther
Sigurðarson
Anna Lilja
Sigurðardóttir
Um 12.000 manns tóku þátt í Color Run-hlaupinu í síðustu viku en búast má við að hlaupið verði árlegur við-
burður næstu árin. Alvogen er stærsti styrktaraðili hlaupsins, sem er að sögn skipuleggjenda afar kostn-
aðarsamt í rekstri. Tekjur og ágóði vegna viðburðarins fást ekki gefin upp.
’
Ég vildi búa til viðburð sem myndi hvetja fólk til að fara út
og hlaupa bara upp á gamanið. Mig langaði til að láta fólk
njóta þeirrar samfélagslegu upplifunar sem felst í að hlaupa saman
og mig langaði að bæta einhverju sérstöku við hlaupið...
Travis Snyder, stofnandi Color Run í Bandaríkjunum.
INNLENT
MATTHÍAS TRYGGVI
HARALDSSON
mth@mbl.is
Ég sá þetta fyrst á netinu fyrir nokkrum
árum og fannst þetta líta út eins og
skemmtilegur og heillandi viðburður.
Ég ákvað að prufa að sækja um þetta og
var hátt í þrjú ár að fá þetta til lands-
ins,“ segir Davíð, sem tók fyrst þátt í
Color Run-hlaupi í Danmörku fyrir
þremur árum. „Þetta var alveg geggj-
að. Maður fór strax að spyrja sig hvort
þetta væri eitthvað sem Íslendingar
myndu fíla, sem þeir greinilega gera.“
Margir prufa Color Run-hlaupið án
þess að vera með mikið hlaup í huga en
fá hlaupabakteríu í kjölfarið, að sögn
Davíðs, sem segist hafa fengið mörg
skilaboð sem þakka honum fyrir við-
burðinn.
Fá hlaupabakt-
eríu í kjölfarið