Morgunblaðið - Sunnudagur - 19.06.2016, Page 18

Fagnaðarlætin sem brutust út þegar Birkir Bjarnason skoraði glæsilegt mark og jafnaði metin fyrir Ísland voru ótrúleg. Stuðningsmenn féllust í faðma og hoppuðu um öskrandi í stúkunni.
Það mátti sjá einstaka örvæntingarsvip þegar Nani skoraði fyrir Portúgal. Fáir höfðu þorað að vera of bjartsýnir fyrir
leik og nú var á brattann að sækja. Fólk reis þó fljótt á fætur og hvatti sína menn áfram með köllum og söng.
Á hverjum bar og kebabstað á leiðinni frá vellinum að miðborginni voru Ís-
lendingar að fagna úrslitum kvöldsins.
’ Að standa í risastórum, bláklæddum hópi landa sinna áíþróttavelli í Frakklandi og syngja þjóðsönginn af ölluhjarta fyrir framan landsliðið í fótbolta á lokamóti EM erógleymanleg upplifun. Handleggirnir sem stóðu fram úr
kepppnistreyjunum og klöppuðu og veifuðu allt heila kvöldið
þekjast enn af gæsahúð við tilhugsunina eina. Áfram Ísland!
Íslensku stuðningsmennirnir voru ekkert að flýta sér af vellinum eftir að leikn-
um lauk heldur tóku sér góðan tíma til að fagna áfram.
EM Í FRAKKLANDI
18 MORGUNBLAÐIÐ SUNNUDAGUR 19.6. 2016