Ægir - 01.12.2015, Qupperneq 42

„Skipið reyndist hið besta á
heimsiglingunni frá Tyrklandi.
Við fengum haugasjó á okkur
við Írland og aftur hér suður af
landinu þannig að við fengum
líka að kynnast því í slæmu
veðri,“ segir Albert Sveinsson,
skipstjóri á Víkingi AK 100. Al-
bert hefur verið skipstjóri hjá
HB Granda um árabil og hefur
verið á uppsjávarskipum frá ár-
inu 1987. Sjómennsku hóf hann
á Höfrungi AK á Akranesi, fór
þaðan yfir á Víking AK 100, þá á
Ingunni AK, síðan á Elliða GK og
loks Faxa RE þar sem hann hef-
ur verið skipstjóri frá árinu
2007.
„Þetta er mikill munur frá
gömlu skipunum, miklu rólegra
skip í sjógangi en líka hitt að
skipið er miklu hærra upp úr sjó
og það breytir verulega vinnu-
aðstöðunni fyrir alla um borð,“
segir Albert og óhætt er að taka
undir að það er vítt til veggja í
brú skipsins og vinnuaðstaða
stjórnenda skipsins eins og best
verður á kosið. „Það er dálítið
mikil breyting fyrir okkur hér í
brúnni og auðvelt að hafa yfir-
sýn allan hringinn á skipinu og
umhverfis það. Þetta skiptir
ekki síst máli á nótaveiðunum
þegar oft er þröngt á miðun-
um,“ segir hann.
Flestir í áhöfn Víkings AK
voru áður á Faxa RE en einnig
komu menn af Ingunni AK og
Lundey NS. Albert segir að al-
mennt verði vinnan fyrir áhöfn
auðveldari en í gömlu skipun-
um, allur búnaður sé öflugri og
stærri og til muna rýmra að
hafna sig í skut skipsins þar sem
er stór nótakassi. „Við finnum
líka mun á hávaða í vistarverum
sem er mun minni hér um borð
en í gömlu skipunum. En al-
mennt er allur aðbúnaður
áhafnar til fyrirmyndar,“ segir
Albert en fyrsta verkefni Víkings
AK verða kolmunnaveiðar strax
eftir áramótin og væntanlega
síðan á loðnuveiðar. Byggt á
langri reynslu Alberts á þeim
veiðiskap segist hann mjög ró-
legur þó mælingar hjá Hafrann-
sóknastofnun hafi litlu skilað í
haust.
„Við höfum svo oft séð þetta
mynstur. Mælingar þeirra sýna
ekki alltaf það sem við erum að
sjá á miðunum og loðnan getur
allt í einu birst og í miklu
magni. Slíkt getur því alveg
gerst nú í vetur eins og oft áð-
ur,“ segir Albert.
Fyrsti stýrmaður á Víkingi AK
100 er Hjalti Einarsson en yfir-
vélstjóri er Helgi Már Sigur-
geirsson.
Albert Sveinsson, skipstjóri
Mikil breyting frá
gömlu skipunum
42