Morgunblaðið - 23.07.2016, Blaðsíða 14

Stórbleikja Ingibjörg Jóhannsdóttir þreytir 59 cm bleikju í Lækjardalshyl í
Brunná. Óvenjumikið hefur veiðst af mjög vænum silungi í ánni í sumar.
STANGVEIÐI
Einar Falur Ingólfsson
efi@mbl.is
Hin kunna breska veiðikona, Lilla
Rowcliffe, sem komin er á tíræð-
isaldur, hefur landað tveimur tuttugu
punda löxum í Laxá í Aðaldal síðustu
daga. Rowcliffe landaði sínum
stærsta laxi strax við upphaf veiðifer-
ilsins í ánni Spay í Skotlandi fyrir
nær hálfri öld og vó hann rúm 45
pund. Hún hefur veitt í Aðaldalnum í
aldarfjórðung og hefur sagt blaða-
manni að hún sæki þangað vegna fal-
legs umhverfisins, kyrrðarinnar og
vonarinnar að setja þar í og landa
stórum löxum. „Ég vil frekar fá tvo
stóra en tuttugu litla,“ sagði hún í
samtali okkar fyrir nokkrum árum.
Í sumar er Rowcliffe við veiðar í
tólf daga á Nessvæðinu í Aðaldal. Og í
fyrrakvöld dró til tíðinda þegar hún
var ásamt Árna Pétri Hilmarssyni
leiðsögumanni við veiðar á Hornflúð.
„Það var búið að vera mikið líf og
Lilla að hreyfa við löxum án þess að
þeir tækju. Þá setti ég undir fluguna
Ernu eftir Niels Folmer Jörgensen
og þessi stóri lax tók hana,“ segir
Árni Pétur.
Rowcliffe þreytti laxinn í um fjöru-
tíu mínútur áður en hann var kominn
í háfinn og mældur 103 cm. Segir
hann einstaklega gaman að sjá þessa
reyndu veiðikonu þreyta stórlaxana
með sérlega fagmannlegum hætti.
Í gærmorgun voru þau síðan að
veiða Skerflúðir. „Lilla var búin að
reisa stóran fisk og tylla í beint undir
bátnum án þess að festa í þeim. Klaus
Frimor hafði verið í bátnum á undan
okkur og gleymt þar einni flugu eftir
sig, Randy Candy. Ég hnýtti hana á
tauminn og laxinn negldi hana í
fyrsta rennsli. Hann reyndist 100 cm
langur, annar tuttugu pundari Lillu
núna.“ Rowcliffe er því þegar búin að
ná sínum tveimur stóru í þessari
veiðiferð og á þó eftir að veiða í rúma
viku til.
Stórlaxaveislan heldur því áfram í
Laxá í Aðaldal. „Hér í Nesi hefur þeg-
ar veiðst á fjórða tug tuttugu pundara
– ég man ekki til þess að hér hafi
veiðst yfir þrjátíu slíkir allt sumarið
þau 24 ár sem ég hef verið við leið-
sögn hér við ána,“ segir Árni Pétur.
Þegar spurt er hvort smálaxinn sé
eitthvað að skila sér í ána, segir hann
þá vera að ganga og veiðast. „Veiði-
menn sem voru við Höfðahyl í morg-
un sögðu til að mynda allt hafa farið á
fleygiferð þegar smálaxaganga brun-
aði þar í gegn.“
Rúmlega fimm á dag
Fínn gangur er enn í laxveiðinni,
þótt nýjar vikutölur sýni að hann sé
vissulega upp og ofan frá einni á til
annarrar. Frábær veiði var til að
mynda í Haukadalsá í liðinni viku en
þá veiddust þar 183 laxar á dags-
stangirnar fimm. Stórstreymt var nú
í byrjun vikunnar og leiðsögumaður
sem rætt var við sagði laxinn þá hafa
hellst inn og verið afar tökuglaður.
„Ég var að segja til veiðimönnum á
tveimur stöngum og þeir fengu til að
mynda 15 laxa eina morgunvaktina,“
sagði hann. Tvo síðustu holl í Hauku
voru með um áttatíu laxa hvort og
segir leiðsögumaðurinn öll svæði ár-
innar fallegu og aðgengilegu í Hauka-
dal vera að gefa góða veiði.
Sannkallaðar stórbleikjur
Blaðamaður var í vikunni við sil-
ungsveiðar í Brunná í Öxarfirði og
hefur orðið langa reynslu af þeirri
góðu á, hefur veitt hana ásamt sömu
félögum í nær tvo áratugi. Gott vatn
var í ánni og þótt ekki væri mikið af
sjóbleikju mætt í hylina mátti sjá í
veiðibók að þær voru stærri en áður;
líklega má telja að sú stefna að tak-
marka hversu mikið sé drepið af fisk-
inum sé að skila sér, fiskurinn fer
stækkandi. Allt að 68 cm langar
bleikjur hafa veiðst og talsvert af fiski
nálægt 60 cm, sannkallaðar „kusur“
eins og Norðlendingar segja stund-
um, og einnig vænir urriðar, stað-
bundnir og sjógengnir. Um miðja vik-
una, þegar stórstreymið nálgaðist,
mátti síðan sjá silfraða nýrenninga
mæta í hyljina og ganga hratt upp
ána; það voru fiskar á bilinu 45 til 55
cm, öflugir og vel haldnir. Í einum
hylnum þreyttu veiðimenn tíu í röð,
allt að 62 cm langa og sama gerðist í
öðrum, þar sem veiðimaðurinn tókst
á við níu í beit sem allir tóku smápúp-
ur – og sá stærsti 64 cm sjóbirtingur.
Ekki amalegir silungar þar.
„Bleikjan er mætt en ekki í þeim
mæli sem ég hefði viljað sjá hana,“
segir Pétur Pétursson, leigutaki
Vatnsdalsár og Gljúfurár í Húna-
þingi. Hann kemur einnig að málum í
Skálmardal á Barðaströnd og segir
ágæta bleikjuveiði hafa verið þar síð-
ustu vikur en hann vill sjá meira af
henni í húnvetnsku ánum.
„Þær bleikjur sem við höfum verið
að fá hér í Vatnsdal eru margar gríð-
arstórar, allt að 65 til 67 cm. Svo er
nokkuð að veiðast af sjóbirtingi. En
við höfum en ekki séð þessar bleikju-
torfur sem við þekkjum svo vel hérna.
Neðri hluti árinnar hefur verið býsna
heitur undanfarið og það kann að
vera að bleikjan hiki við að ganga upp
ána við þær aðstæður.“
Stórveiðikona landaði tveimur
 Lilla Rowcliffe veiddi tvo tuttugu pundara í Aðaldal  Var fjörutíu mínútur að þreyta annan
þeirra  Frábær veiði í Haukadalsá í liðinni viku  Stórbleikjur að veiðast í Vatnsdal og Öxarfirði
Ljósmynd/Björgvin Hilmarsson
Enn einn Breska veiðikonan Lilla Rowcliffe og Árni Pétur Hilmarsson, leið-
sögumaður hennar, með 103 cm lax sem hún veiddi við Hornflúð í Laxá í Að-
aldal. Rowcliffe hefur veitt í dalnum í nær aldarfjórðung en hún er níræð.
Aflahæstu árnar
Heimild: www.angling.is
Ytri-Rangá & Hólsá (20)
Eystri-Rangá (18)
Blanda (14)
Miðfjarðará (10)
Þverá - Kjarrá (14)
Norðurá (15)
Haffjarðará (6)
Langá (12)
Laxá í Aðaldal (18)
Víðidalsá (8)
Haukadalsá (5)
Elliðaárnar (6)
Hítará (6)
Vatnsdalsá í Húnaþingi (6)
Laxá í Dölum (4)
Veiðivatn (Stangafjöldi) Veiði
Á sama
tíma í
fyrra
Á sama
tíma
2014
Staðan 20. júlí 2016
502
202
993
649
735
1068
407
475
229
192
116
238
190
298
84
189
363
882
328
505
470
285
135
208
130
63
176
175
50
31
2549
1633
1492
1459
1153
880
704
623
517
425
416
394
383
301
338
Morgunblaðið/Einar Falur
Í veðurblíðunni í fyrri hluta vikunnar dró úr tökugleði laxins í Húnaþingi, að
sögn Péturs Péturssonar, leigutaka Vatnsdalsár. Vikuveiðin var þá 46 laxar.
Þegar kólnaði um miðja viku fór hann aftur að taka og þá hressilega, það
veiðast yfir tuttugu á dag, um alla á. Pétur segir að áin hafi hlýnað mikið,
vatnshitinn í hinum fræga Hnausastreng til að mynda verið nítján gráður
og það veit ekki á gott. „Stórir laxar eru enn að ganga og lúsugir fiskar að
veiðast en inn á milli aðrir sem eru orðnir „grútlegnir“,“ segir hann. „Smá-
lax er að tínast inn og er vel haldinn, en mér finnst að við eigum eftir að fá
meira af honum og vona að hann mæti á næstu dögum.“
Pétur segir margt hafa verið óvenjulegt við þetta laxveiðisumar þegar
laxinn mætti óvenjusnemma í ár um allt land. Sem dæmi þá hafi hann séð
nú í vikunni nokkur ný laxahreiður í þveránni Álku. „Það hef ég ekki séð svo
snemma þau tuttugu ár sem ég hef verið hér við ána, að laxinn sé farinn að
huga að hreiðurgerð á þessum tíma. Það er mánuði á undan áætlun.“
Snemma í hreiðurgerð
LAXINN Í HÚNAÞINGI
14 FRÉTTIRInnlent
MORGUNBLAÐIÐ LAUGARDAGUR 23. JÚLÍ 2016