Morgunblaðið - 23.07.2016, Blaðsíða 42
42 ÍSLENDINGAR
MORGUNBLAÐIÐ LAUGARDAGUR 23. JÚLÍ 2016
G
uðbjörg Arnardóttir, f.
23. júlí 1976, er fædd
og uppalin á Selfossi.
Hún lauk grunnskóla-
prófi frá Selfossi og
vann ýmis sumarstörf á yngri ár-
um, m.a. í Mjólkurbúinu, í Prent-
smiðju Suðurlands og á leik-
skólum á Selfossi.
Guðbjörg lauk stúdentsprófi frá
Fjölbrautaskóla Suðurlands og var
síðan eitt ár au-pair í Þýskalandi.
Hún lauk kandídatsprófi frá guð-
fræðideild Háskóla Íslands í júní
2003 og var eitt ár skiptistúdent
við guðfræðideild Kaupmanna-
hafnarháskóla. Hún var einn vetur
leiðbeinandi í Vallaskóla á Sel-
fossi, 2003-2004.
Fyrst prestur í Odda
Guðbjörg var vígð til prests-
þjónustu í Skálholtskirkju 18. júní
2006 til Oddaprestakalls og bjó
með fjölskyldunni í Odda á
Rangárvöllum 2006-2015.
„Við vorum þá með sauðfjár-
búskap. Þetta var dýrmæt og góð
reynsla og er söknuður eftir góðu
fólki sem við kynntumst þar.“
Guðbjörg tók við embætti sóknar-
prests Selfossprestakalls í ágúst
2015.
„Það er búið að vera ósköp
notalegt að koma aftur heim þótt
það taki smá tíma að venjast nýj-
um vinnustað. Við byrjuðum tvær
á sama tíma hér sem prestar, ég
og Ninna Sif Svavarsdóttir, og
okkur hefur verið vel tekið.“
Félagsstörf og áhugamál
Guðbjörg á sæti á kirkjuþingi,
hún hefur setið í stjórn Félags
prestsvígðra kvenna og er í stjórn
Prestafélags Suðurlands.
„Áhugamálin eru taekwondo
sem ég æfi og er ég með blátt
belti í þeirri íþrótt. Ég hef gaman
af allri útivist, fer í göngutúra í
skógum landsins og hef gaman af
ferðum inn á hálendi. Fjölskyldan
fer alltaf eina ferð á sumrin í
Veiðivötn, en ég hef gaman af því
að veiða. Fjölskyldan fer einnig
nokkrar ferðir í Þórsmörk á sumr-
in til að ganga en ferðirnar tengj-
ast einnig vinnu eiginmannsins.
Svo hef ég einnig gaman af rækt-
un og garðyrkju.
Fram undan næstu þrjár vikur
er að ferðast um landið í sumar-
fríinu og er margt á óskalistanum
að skoða.
Ég reyni að tileinka mér glað-
værð eins og ég á kyn til, meta
hvern dag og vera þakklát fyrir
fjölskyldu og vináttu og gott sam-
starfsfólk í Selfosskirkju og hinum
Guðbjörg Arnardóttir, sóknarprestur Selfossprestakalls – 40 ára
Fjölskyldan Útivistarfólkið Guðbjörg og Hreinn ásamt börnum sínum, Ásrúnu, Frey og Erni.
Komin aftur heim til
að þjóna sínu fólki
Þórunn Helga Sveinbjörnsdóttir er sjötug í dag. Hún fæddist áPatreksfirði og voru foreldrar hennar Þuríður Petrína GíslínaÞórarinsdóttir frá Patreksfirði og Sveinbjörn Samsonarson
frá Þingeyri. Hún ólst upp í Króknum á Patreksfirði hjá móðurfor-
eldrum sínum, Kristínu og Þórarni, þar sem hún fékk ástríkt uppeldi
og átti góð æskuár. Eftir skólagöngu á Patreksfirði hélt hún áfram
námi í Héraðsskólanum á Laugarvatni og síðar Húsmæðraskólanum í
Reykjavík. Hún giftist Hannesi Stephensen Friðrikssyni hinn 22.
ágúst 1964. Þau eiga fjögur börn, Þórarin, Kristínu, Elfar Loga og
Birnu Friðbjörtu. Barnabörnin eru 16 og barnabarnabörnin eru 6.
Þórunn Helga og Hannes hafa búið á Bíldudal öll sín hjúskaparár
þar sem Helga hefur fengist við ýmis störf en saman ráku þau Veit-
ingastofuna Vegamót á Bíldudal í tæp 30 ár. Hún hefur verið virk í fé-
lagsmálum í gegnum tíðina, verið meðlimur í Slysavarnadeildinni,
Kvenfélaginu Framsókn og sá lengi um búningahönnun fyrir Leik-
félagið Baldur. Hin síðari ár hefur hún verið virk í kirkjustarfi á
Bíldudal; verið meðhjálpari, sungið með kirkjukórnum og séð um
safnaðarheimilið á staðnum.
Helstu áhugamál Helgu eru útivera, garðrækt, hannyrðir og að
njóta lífsins með fjölskyldunni.
Þórunn Helga ætlar að njóta dagsins á Bíldudal með ættingjum og
vinum. Hún vill koma á framfæri að hún afþakkar afmælisgjafir en
bendir á Líknarsjóð kirkjunnar á Bíldudal. Reikningsnúmer sjóðsins
er 0153-26-100 og kennitala sóknarinnar er 460169-1439.
Fjölskyldan Þórunn Helga og Hannes ásamt börnum sínum.
Rak Veitingastof-
una Vegamót í 30 ár
Þórunn Helga Sveinbjörnsdóttir er 70 ára
Sara Ósk Ólafsdóttir og Sara Líf Kristinsdóttir héldu tombólu fyrir utan mat-
vörubúðina á Vogum á Vatnsleysuströnd. Þær söfnuðu 13.506 kr. fyrir Rauða
krossinn.
Hlutavelta
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is