Morgunblaðið - 23.07.2016, Blaðsíða 16

Í höfn Lilja er tvíbytna, átta metra breið og siglir á um 25-30 sjómílna hraða
sem er óvenjulega hratt miðað við ferðaþjónustuskip.
Ferðaþjónustufyrirtækið Special
Tours í Reykjavík hefur tekið í notk-
un skipið Lilju sem er tvíbytna og
hefur gengið í gegnum miklar breyt-
ingar til að farþegar njóti ferð-
arinnar sem best. Skipið er keypt frá
Noregi og kom til landsins í sum-
arbyrjun. Það tekur um 200 manns
og gengur á 25-30 sjómílna hraða,
rúmlega 50 kílómetra hraða en flest
önnur hvalaskoðunarskip ná 10-15
sjómílna hraða. „Það eru til skip hér
á Íslandi sem taka um 200 farþega
en hraðinn er það sem er óvenju-
legt,“ segir Hilmar Stefánsson,
framkvæmdastjóri Special Tours.
Lilja er átta metra breið sem gerir
skipið mjög stöðugt. „Við förum
óhræddir í þessa fjárfestingu því
það er mikill vöxtur í ferðamennsku
á Íslandi og einnig hjá okkur sem
dreifist yfir allar ferðir, hvort sem
það eru hvalaskoðunar-, lundaskoð-
unar- eða norðurljósaferðir.
Á rúmum 15 mínútum náum við að
komast í algert myrkur þar sem
himnarnir dansa með ljósin frá
borginni í bakrunni. Lilja er hugsuð
í þær ferðir því við breyttum bátnum
þannig að sem flestir væru á besta
stað.“
Breytingarnar voru einnig gerðar
innanstokks þar sem eru nú fimm
salerni og tveir salir, efra og neðra
dekk sem rúmar um 190 farþega.
„Hér á landi hefur ekki verið hægt
að bjóða fólki upp á svona mörg sæti
innandyra sem kemur sér vel á köld-
um vetrarnóttum,“ segir Hilmar.
benedikt@mbl.is
Hraðskreiður
ferðaþjónustubátur
Morgunblaðið/RAX
 Skipið Lilja siglir hratt um höfin
16 FRÉTTIRInnlent
MORGUNBLAÐIÐ LAUGARDAGUR 23. JÚLÍ 2016
Áskrifendur Morgunblaðsins eru sjálfkrafa meðlimir í Moggaklúbbnum og njóta ýmissa fríðinda og tilboða.
Hægt er að fylgjast með hvað er í boði hverju sinni á moggaklubburinn.is og fá tilboðin send í tölvupósti með því að skrá sig á póstlistann.
Hafðu samband í síma 569 1100 eða askrift@mbl.is hafi Moggaklúbbskortið ekki borist þér.
FH-ÞRÓTTUR R.
Í KAPLAKRIKA 24. JÚLÍ KL. 19:15
Fyrstu 50 áskrifendurnir fá tvo miða á leikinn.
Mættu á völlinn og framvísaðu Moggaklúbbskortinu við innganginn til að fá miða.
MOGGAKLÚBBURINN
BÝÐUR ÁVÖLLINN!
FÁÐU ÞÉR ÁSKRIFT Á
EÐA Í SÍMA
Sigtryggur Sigtryggsson
sisi@mbl.is
Skipulagsstofnun hefur staðfest
breytingu á aðalskipulagi Reykja-
víkur sem samþykkt var í borg-
arráði 28. apríl síðastliðinn.
Í breytingunni felst að íbúðum á
Kirkjusandi er fjölgað úr 150 í
300. Jafnframt er magn atvinnu-
húsnæðis minnkað úr 65.000 m² í
50.000 m². Heildarbygging-
armagn á svæðinu breytist ekki.
Af þessum 300 íbúðum hyggst
Reykjavíkurborg ráðstafa 150
íbúðum en hluti af þeim verða
leiguíbúðir.
Skipulagssvæðið spannar nú
tvær lóðir, Kirkjusand 2 og Borg-
artún 41, en með breyttu deili-
skipulagi verða til níu lóðir á
svæðinu.
Í erindi umhverfis- og skipu-
lagssviðs Reykjavíkurborgar
kemur m.a. fram að meginmark-
mið breytingarinnar á að-
alskipulagi fyrir Kirkjusand sé að
skapa svigrúm fyrir fjölgun íbúða
á svæðinu. Með breytingunni sé
verið að tryggja framgang hús-
næðisstefnu aðalskipulagsins og
bregðast við núverandi ástandi á
húsnæðis- og leigumarkaði höf-
uðborgarsvæðisins. Fjölgun íbúða
á svæðinu, í bland við uppbygg-
ingu atvinnuhúsnæðis, samrýmist
einnig vel markmiðum aðalskipu-
lagsins um aukna blöndun byggð-
ar innan einstakra svæða og bygg-
ingarreita.
Byggt á miðlægum svæðum
Einnig er vitnað í húsnæð-
isstefnu aðalskipulags Reykjavík-
ur. Þar segir að stefnt skuli að því
að allt að 25% íbúða verði miðuð
við þarfir þeirra sem ekki vilja
leggja eða geta ekki lagt mikið fé í
eigið húsnæði. Uppbygging slíks
húsnæðis verði einkum á miðlæg-
um svæðum sem auðvelt er að
þjóna með almenningssam-
göngum. Kirkjusandur sé einmitt
miðlægt svæði.
Teikning/ASK arkitektar
Kirkjusandur Útlitsteikning af hluta byggðarinnar sem mun rísa á svæðinu.
Breyting á Kirkju-
sandi samþykkt
 Íbúðum verður fjölgað úr 150 í 300
Guðni Einarsson
gudni@mbl.is
„Við munum koma með sjúklinga,
lækna og hjúkrunarfólk til Íslands.
Aðrir starfsmenn verða ráðnir hér,“
sagði Henri Middledorp, fram-
kvæmdastjóri Burbanks Holding
BV. Félagið er aðaleigandi MCPB
ehf. sem hyggst reisa 30.000 m2
sjúkrahús og hótel í Mosfellsbæ. Þar
eiga að verða til minnst 1.000 ný
framtíðarstörf.
Haraldur Sverrisson, bæjarstjóri
Mosfellsbæjar, undirritaði í fyrra-
dag samning við MCPB ehf. um út-
hlutun 6,3 hektara (63.000 fermetra)
lóðar við Sólvelli við Hafravatnsveg í
Mosfellsbæ. Félagið á forkaupsrétt
að næstu lóð sem er svipað stór
þannig að alls gæti MCPB fengið
rúmlega 12 hektara land.
Fleiri staðir voru í myndinni
Nágrannasveitarfélögin Kópavog-
ur og Garðabær komu einnig til
greina þegar aðstandendur verkefn-
isins leituðu að lóð fyrir sjúkrahúsið
og hótelið.
Ármann Kr. Ólafsson, bæjarstjóri
í Kópavogi, sagði að Glaðheimaland-
ið hefði staðið aðstandendum sjúkra-
húsverkefnisins til boða. Þeir hefðu
komist að því að landrýmið í Glað-
heimum væri ekki nóg. Auk þess
hefðu skipulagsmál lóðarinnar í
Mosfellsbæ verið komin lengra á veg
og því yrði skemmri aðdragandi þar
að væntanlegum framkvæmdum.
Ármann sagði að mikil ásókn væri í
atvinnulóðir í Kópavogi. „Við vorum
að úthluta atvinnulóðum uppi í
Vatnsenda um daginn. Það sóttu
fleiri um en gátu fengið,“ sagði Ár-
mann.
Hundrað tækifæra lóð
Gunnar Einarsson, bæjarstjóri í
Garðabæ, sagði að bæjarfélagið
hefði fengið sent erindi varðandi
málið. Bæjarráð vísaði því til bæj-
arstjóra að láta meta lóð í Vetrar-
mýri við Reykjanesbraut sem rætt
var um og hefja viðræður við að-
standendur verkefnisins. Gunnar
sagði að þær viðræður hefðu aldrei
hafist. Hann vissi til þess að aðstand-
endur sjúkrahúsverkefnisins hefðu
einnig kannað með lóð í Urriðaholti.
„Nú er komin niðurstaða í málið,“
sagði Gunnar. Hann sagði að lóðin
væri enn til staðar, t.d. ef menn vildu
reisa hátæknisjúkrahús fyrir þjóðina
og byggja það á hæðina. „Ég sé
hundrað önnur tækifæri í þessari
lóð,“ sagði Gunnar.
Ætla að koma með
lækna og sjúklinga
 MCPB ehf. leitaði að spítalalóð í Garðabæ og Kópavogi
Morgunblaðið/GE
Mosfellsbær Spítalalóðin er á Sólvöllum við Hafravatnsveg austarlega í
bænum. Þar er hugmyndin að reisa 30.000 m2 hús fyrir spítala og hótel.