Morgunblaðið - 29.09.2016, Blaðsíða 2

Nýr vefur Davíð Oddsson ritstjóri fylgdist með opnuninni ásamt fleirum.
Nýr sjávarútvegsvefur mbl.is, 200
mílur, var formlega sjósettur í gær
með pompi og prakt á opnunardegi
alþjóðlegu sýningarinnar Sjávar-
útvegur 2016/Fish Expo 2016.
200 mílur er alhliða frétta- og upp-
lýsingaveita um allt sem tengist
sjávarútvegi. Auk þess má finna á
vefnum nýjustu upplýsingar um af-
urðaverð, gengisþróun og olíuverð,
skipa- og útgerðaskrá, hafnaskrá,
kvótatölur, staðsetningu skipa og
margt fleira tengt sjávarútvegi. Þar
má einnig finna þjónustuskrá fyrir
aðila í sjávarútvegi auk tengslasafns
fyrir innlenda sem erlenda vefi sem
fjalla um sjávarútveg.
Mbl.is festi nýlega kaup á fremsta
sjávarútvegsvef landsins, sax.is, en
allar upplýsingar sem þar mátti
nálgast verða nú aðgengilegar á 200
mílum. Þorvaldur B. Arnarsson
verður umsjónarmaður vefjarins.
Það var framkvæmdastjóri Sam-
taka fyrirtækja í sjávarútvegi (SFS),
Heiðrún Lind Marteinsdóttir, sem
hleypti nýja sjávarútvegsvefnum af
stokkunum á sýningunni í gær ásamt
Haraldi Johannessen, ritstjóra og
framkvæmdastjóra Árvakurs, að við-
stöddum fjölda gesta.
Um 120 innlendir og erlendir að-
ilar taka þátt í sýningunni sem hald-
in er í báðum höllum Laugardals-
hallar og á útisvæði. Morgunblaðið
og mbl.is eru með bás á sýningunni
þar sem opnunin fór fram í gær og er
hann merktur A3. laufey@mbl.is »22
Morgunblaðið/Eggert
200 mílur Heiðrún Lind Marteinsdóttir, framkvæmdastjóri SFS, opnaði nýjan sjávarútvegsvef mbl.is, 200 mílur,
ásamt Haraldi Johannessen, ritstjóra og framkvæmdastjóra Árvakurs, og Þorvaldi B. Arnarssyni á sýningunni.
Stærsti útvegsvefurinn
 Mbl.is sjósetti í gær nýjan sjávarútvegsvef undir nafninu
200 mílur  Alhliða frétta- og upplýsingaveita í sjávarútvegi
Áhugi Fjöldi fólks við opnunina á nýjum sjávarútvegsvef mbl.is, 200 mílur.
2 FRÉTTIRInnlent
MORGUNBLAÐIÐ FIMMTUDAGUR 29. SEPTEMBER 2016
Nýtt frá
Náttúrulegt gúmmí
Miss Juliette Bot Lace
Litir: Svart og dökkblátt
Háaleitisbraut 68 Hólmaslóð 2
Þeir eru komnir
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Stúdentar munu ekki una því að bíða
til næsta kjörtímabils eftir end-
urbótum á námsaðstoðarkerfinu.
Þetta segja formenn Stúdentaráðs
Háskóla Íslands, Félags stúdenta við
Háskólann á Akureyri, Stúdenta-
félags Háskólans í Reykjavík og
Nemendasambands Tækniskólans í
fréttatilkynningu, en félögin skora
þar á þingmenn stjórnarflokkanna
og stjórnarandstöðunnar að af-
greiða frumvarp um námslán og
námsstyrki, LÍN-frumvarpið svo-
kallaða, á yfirstandandi þingi.
Segja formennirnir ekki hægt að
horfa fram hjá því að það frumvarp
sem nú liggi fyrir sé risastórt skref í
átt að því námsaðstoðarkerfi sem
stúdentar vilji sjá á Íslandi í framtíð-
inni. Það hefði í för með sér þau at-
riði sem stúdentar hafi lengi barist
fyrir, t.d. fyrirframgreiðslur, beina
námsstyrki og 100% framfærslu.
„Við skorum á stjórnarandstöðuna
að leggja kosningaslaginn til hliðar
og hlusta á stúdenta, sem eru lang-
þreyttir á því að vera notaðir í pólit-
ískum leikjum á milli stjórnmála-
flokka,“ segir í tilkynningunni.
laufey@mbl.is
Krefjast afgreiðslu LÍN-frumvarpsins
Jón Pétur Jónsson
jonpetur@mbl.is
Tugum starfsmanna Arion banka
var sagt upp störfum í gær en um
hópuppsögn er að ræða sem tilkynnt
hefur verið til Vinnumálastofnunar.
Samtals var 46 starfsmönnum sagt
upp en yfir 800 manns starfa hjá
bankanum. Í þessum hópi störfuðu
27 hjá höfuðstöðvum og 19 á öðrum
starfsstöðvum en flestir þeirra sem
misstu vinnuna í gær störfuðu á við-
skiptabankasviði. Þetta er fyrsta
hópuppsögn Arion banka í fimm ár.
Í tilkynningu sem Arion banki
sendi frá sér í gær segir að ýmislegt í
umhverfi bankans kalli á breytingar
á starfseminni. Veigamest sé sú
staðreynd að fjármálaþjónusta taki
umtalsverðum breytingum um þess-
ar mundir en viðskiptavinir kjósi í
mun ríkari mæli að nýta sér sjálfs-
afgreiðslulausnir eins og bankaapp,
netbanka og hraðbanka í stað sam-
svarandi útibúaþjónustu.
Notkun appsins og hraðbanka í
útibúum bankans hefur margfaldast
á undanförnum árum og því hefur
spurn eftir afgreiðslu í útibúum
bankans dregist saman um þriðjung
á tveimur árum. Skipulagsbreyting-
ar verða jafnframt gerðar á útibúum
bankans án þess að útibúunum verði
fækkað.
6% af heildarfjöldanum
Friðbert Traustason, fram-
kvæmdastjóri Samtaka starfsmanna
fjármálafyrirtækja, sagði þetta
skelfilegar fréttir í samtali við mbl.is
í gær. „Þarna er verið að segja upp
sex prósentum af heildarfjöldanum í
einu lagi.“
Hann bendir enn fremur á, að frá
bankahruninu árið 2008 séu um 30%
af starfsmönnum bankanna búnir að
missa vinnuna. „Við reynum eins og
við getum að aðstoða fólkið á alla
lund sem okkur er kleift,“ segir Frið-
bert en bendir jafnframt á að hann
eigi von á því að heyra í starfsfólkinu
sem hafi fengið uppsagnarbréf í dag.
Hagræðing í rekstri bankans
Breytingarnar innan bankans eru
liður í víðtækari aðgerðum til hag-
ræðingar í rekstri bankans, segir
jafnframt í tilkynningu Arion banka.
Þrátt fyrir umfangsmiklar hagræð-
ingaraðgerðir undanfarin ár og end-
urskipulagningu starfseminnar hafi
fjöldi starfsmanna haldist stöðugur
vegna yfirtöku á öðrum fjármálafyr-
irtækjum og vegna aukinna umsvifa.
„Fækkun starfsfólks er þungbært
skref að stíga en nauðsynlegt í ljósi
breyttra áherslna í starfsemi bank-
ans og ytri aðstæðna.“
Hópuppsögn
hjá Arion
 46 starfsmönnum sagt upp, flestum af
viðskiptabankasviði  Breytt þjónusta
Morgunblaðið/Ómar
Breytt Spurn eftir afgreiðslu í
útibúum hefur dregist saman.
Skúli Halldórsson
sh@mbl.is
Vart hefur orðið við fólk sem tínir
sveppi á umferðareyjum á höfuð-
borgarsvæðinu að undanförnu.
Guðríður Gyða Eyjólfsdóttir,
doktor í sveppafræði við Náttúru-
fræðistofnun Íslands, segir að líkast
til sækist fólkið eftir sveppnum
trjónupeðlu, sökum áhrifa hans.
„Í sveppnum er efni sem svipar til
ákveðins taugaboðefnis sem tauga-
frumur heilans nota til samskipta
sín á milli. Ef einhver leggur sér þau
til munns þá fara af stað ofskynjanir
þegar heilinn reynir að túlka efnið.“
Á öruggum stað með vinum
Guðríður segir það varasamt að
tína sveppina í þessu umhverfi, þar
sem í fyrsta lagi gætu aðrir óæski-
legri sveppir fylgt með í tínslunni og
í öðru lagi safni sveppir í sig ýmsum
þungmálmum og eiturefnum við
miklar umferðaræðar.
„Það er full ástæða til að fara var-
lega út í þetta, og benda fólki á það
að ef það hyggst nota þetta sé rétt
að vera á öruggum stað með vinum
sem maður treystir. Hafa þarf ein-
hvern sem getur kallað á hjálp ef illa
fer.“
Þórarinn Tyrfingsson, yfirlæknir
á sjúkrahúsinu Vogi, segir reglulega
verða vart við neyslu sveppa á þess-
um árstíma, og fram til áramóta.
„Yfirleitt er þetta í tilraunaskyni
og á í raun fátt sambærilegt við
stöðuga neyslu annarra óskyldra
efna. Við fáum stundum fólk til okk-
ar sem er illa ruglað eftir svona
neyslu, og þá gengur jafnan vel að
vinda ofan af því. En það er rétt að
gæta varúðar, þar sem sveppir geta
valdið varanlegum skemmdum á lík-
amanum.“
Nota sveppi til ofskynjana
 Tekið á móti
„rugluðu“ fólki á
Vogi á haustin
Morgunblaðið/Ómar
Sveppir Trjónupeðlur eru smærri
en þessir og gulleitar ásjónum.