Morgunblaðið - 29.09.2016, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 29. SEPTEMBER 2016
Fimm barna móðir var á þriðjudag
dæmd í 18 mánaða fangelsi í Hér-
aðsdómi Reykjavíkur fyrir að hafa
ítrekað beitt börn sín andlegum og
líkamlegum refsingum, haft í hót-
unum við þau, ógnað þeim og sýnt
þeim vanvirðandi háttsemi. Þá hafi
hún sýnt börnunum yfirgang,
ruddalegt athæfi, sært þau og móðg-
að.
Konan var einnig dæmd til að
greiða börnunum fjórar milljónir í
skaðabætur.
Sparkaði, sló og tók kverkataki
Börnin eru fædd á árunum 2002-
2013 en brotin sem dómurinn nær til
áttu sér stað á árunum 2010-2015.
Upphaf málsins má rekja til
beiðni barnaverndarnefndar
Reykjavíkur um lögreglurannsókn í
apríl á síðasta ári. Var þá talið að um
andlegt og líkamlegt ofbeldi væri að
ræða sem virtist hafa verið ítrekað
og viðvarandi í langan tíma. Kom
fram að málefni barnanna hefðu ver-
ið í vinnslu með hléum frá árinu
2005.
„Á þeim tíma hafi borist tugir til-
kynninga um ofbeldi móður í garð
barnanna auk heimilisofbeldis sem
börnin yrðu vitni að. Börnin hafi
staðfest líkamlegt ofbeldi af hálfu
ákærðu árið 2010,“ segir í dómnum.
Reynt var á tímabili að vinna með
móðurinni að betri uppeldisaðferð-
um á meðan börnin dvöldu á Vist-
heimili barna áður en þau sneru aft-
ur í umsjá móðurinnar. Áfram
bárust þó tilkynningar um van-
rækslu, heimilisofbeldi og fleira.
Segir í dómnum að komið hafi upp
áhyggjur vegna hegðunar barnanna
sem var hömlulaus og ofbeldisfull.
Dómurinn telur sannað að konan
hafi sparkað, slegið, togað í hár,
slegið utan í veggi, tekið kverkataki,
kastað hlutum í þrjú barnanna, kall-
að þau öllum illum nöfnum ásamt
því að taka yngstu börnin tvö, hrista
þau eða henda þeim í rúm eða sófa
þegar hún var að svæfa þau.
Konan neitaði sök fyrir dómi en
hún var ekki viðstödd aðalmeðferð
málsins en fram kom að hún væri
flutt af landi brott. Konan var í fyrra
svipt forsjá barna sinna.
Móðir beitti fimm börn
sín langvarandi ofbeldi
 Dæmd í 18 mánaða fangelsi í Héraðsdómi Reykjavíkur
Björn Jóhann Björnsson
bjb@mbl.is
„Við höfum klárlega orðið vör við
kipp í þessu í sumar, sem má vænt-
anlega rekja til fjölgunar hælisleit-
enda hér á landi. Þá höfum við sett af
stað aukna gæslu rétt á meðan við
áttum okkur á hvort hælisleitendur
reyni að komast áfram vestur um
haf,“ segir Ólafur W. Hand, upplýs-
ingafulltrúi Eimskips, en síðan í vor
hafa komið upp sjö tilvik þar sem
hælisleitendur hafa verið handteknir
á athafnasvæði Eimskips við Sunda-
höfn vegna tilraunar til að laumast
um borð í skip félagsins.
Alls hafa 18 manns komið við sögu
í þessum sjö málum en oft er um
sömu einstaklinga að ræða. Þannig
var einn handtekinn 11. júní sl. sem
hafði sex sinnum áður reynt að
smygla sér um borð í skip félagsins.
Í langflestum tilvikum er um unga
og miðaldra karl-
menn að ræða.
Síðasta tilraun-
in var gerð 17.
ágúst sl. en Ólaf-
ur segir að þar til
í vor hafi engin
mál komið upp
mánuðum saman.
Í kjölfar tíðra
flóttatilrauna fyr-
ir rúmum sex árum herti Eimskip
eftirlit til muna og setti upp tugi ör-
yggismyndavéla á athafnasvæðinu,
langt umfram þær kröfur sem gerð-
ar eru almennt til tolla- og hafta-
svæðis líkt og Sundahöfnin er.
Þann 14. júní sl. reyndu fimm hæl-
isleitendur að laumast um borð, lög-
regla og öryggisverðir náðu að góma
þrjá en tveir komust undan á hlaup-
um.
„Við höfum verið að sjá sömu
mennina aftur og aftur. Þegar þetta
kemur upp þá hringjum við strax í
lögregluna, sem bregst fljótt við og
sinnir þessum útköllum mjög vel.
Vandamálið er að lögreglan hefur
engin úrræði. Við setjum fram kæru,
mennirnir eru teknir til yfirheyrslu
en síðan er þeim sleppt. Lögreglunni
er vorkunn að vinna við þessar að-
stæður,“ segir Ólafur.
Kostnaður, tafir og óþægindi
Sem fyrr segir jók Eimskip eftirlit
á athafnasvæði sínu og telur Ólafur
óhætt að fullyrða að um sé að ræða
öflugustu og fullkomnustu öryggis-
myndavélar landsins.
„Þetta eru hitanæmar vélar,
hreyfinæmar, venjulegar myndavél-
ar og skynjarar. Þessi tæki gera
okkur viðvart um leið og eitthvað
gerist og við teljum það nánast von-
laust að komast um borð í skip hjá
okkur.“
Fyrir nokkrum árum tókst einum
hælisleitanda að komast um borð.
Uppgötvaðist það þegar skipið var
úti fyrir Reykjanesi og var því snúið
við til hafnar í Reykjavík.
„Mikill kostnaður fellur á félagið
þegar svona mál koma upp, tafir á
flutningum, skriffinnska og ýmis
óþægindi. Ef þetta kæmi upp í höfn-
um vestanhafs fylgja því háar sektir
og við þyrftum að koma hælisleit-
endunum aftur til baka í flugi. Eim-
skip gæti verið sett á athugunarlista
af kanadískum eða bandarískum yf-
irvöldum, sem gæti valdið töfum í
flutningum og skipin verið stöðvuð
oftar og ítarlegri leit framkvæmd en
tíðkast venjulega,“ segir Ólafur.
Eimskip hefur að hans sögn átt
gott samstarf við kanadísk og
bandarísk stjórnvöld í þessum mál-
um. Fulltrúar þeirra hafa þannig
komið reglulega til Íslands til að
skoða aðstæður í Sundahöfn og
kynna sér verklag Eimskips.
Finna fyrir fjölgun hælisleitenda
 Hælisleitendur gerðu sjö tilraunir í sumar til að komast um borð í skip Eimskips  Alls voru 18 hand-
teknir en oft er um sömu einstaklinga að ræða  Öflugt eftirlit í Sundahöfn en lögreglu skortir úrræði
Morgunblaðið/Rósa Braga
Sundahöfn Athafnasvæði Eimskips
freistar hælisleitenda hér á landi.
Ólafur W. Hand
Skúli Halldórsson
sh@mbl.is
Átján leikmenn meistaraflokks
Grindavíkur í knattspyrnu karla
hljóta samtals rúmar fimm milljónir
króna fyrir að hafa tryggt liðinu
sæti í efstu deild, Pepsi-deildinni, á
næstu leiktíð. Kvennalið félagsins
náði einnig að vinna sér sæti í
Pepsi-deildinni á næsta ári, en leik-
menn þess munu að óbreyttu engar
greiðslur fá vegna þess.
Þetta staðfestir Jónas Karl Þór-
hallsson, formaður knattspyrnu-
deildar Grindavíkur, í samtali við
Morgunblaðið. Hann segir stjórnar-
fund hafa verið boðaðan í dag þar
sem málið verði rætt, enda hafi
heyrst óánægjuraddir úr röðum
kvennaliðsins.
Ekki sömu sjónvarpstekjur
„Það fæst ekki sama tekju-
streymi á móti í tilfelli kvennanna,“
segir Jónas og bendir á að um þrjá-
tíu milljónir fáist fyrir leiktíð karla-
liðsins í Pepsi-deildinni, umfram
leiktíð í 1. deild karla, Inkasso-
deildinni, vegna sjónvarpsréttinda.
Sama kjarabreyting eigi sér hins
vegar ekki stað á milli efstu og
næstefstu deildar kvenna. „En við
erum miklir baráttumenn fyrir
kvennaknattspyrnu í Grindavík og
við munum gera allt til að gera þær
ánægðar,“ segir Jónas.
„Við sjáum hvað kvennaknatt-
spyrnan hefur tekið gríðarlegum
framförum. Það er gjörbylting að
horfa á kvennaknattspyrnuna í dag,
það er stutt í að þær brjóti ísinn og
nái í gegn, það held ég,“ segir Jón-
as.
Bendir hann á að upphæðin til
karlanna sé í raun sú sama og tekin
var af launum þeirra eftir að lið
þeirra féll niður úr úrvalsdeildinni
árið 2012. Þannig sé nú verið að
rétta hlut þeirra.
Konurnar fá ekki
aukagreiðslur
 Karlar deila með sér um 5 milljónum
Morgunblaðið/Árni Sæberg
Grindavík Óánægju hefur gætt inn-
an kvennaliðsins vegna málsins.
Einmuna veðurblíða hefur yljað landsmönnum undan-
farið og ekki verið amalegt að sóla sig aðeins í veðráttu
eins og verið hefur í höfuðborginni. Í gær mældist 14,8
stiga hiti í Nautabúi í Skagafirði og útlit er fyrir að
september fái góða einkunn þegar litið verður til baka.
Áfram verður víða bjartviðri í dag og á morgun, en bú-
ast má við vætu norðan- og austanlands í dag og slyddu
inn til landsins enda eru hitatölur farnar að lækka.
Morgunblaðið/Golli
Notalegir geislar haustsólar
September gæti fengið góða einkunn í veðurbókum