Morgunblaðið - 29.09.2016, Page 34

34 FRÉTTIRInnlent
MORGUNBLAÐIÐ FIMMTUDAGUR 29. SEPTEMBER 2016
Rafmagnshjól.is • Fiskislóð 45 • Sími 534 6600
Hollensk
rafmagnshjól
vönduð og margverðlaunuð
majubud.is
Á sex dögum í marsmánuði árið 1997
bjargaði þyrlan TF-LÍF 39 mönnum
úr sjávarháska.
10 mönnum var bjargað af Þor-
steini GK, sem rak vélarvana upp í
Krýsuvíkurberg. Þá bjargaði þyrlan
19 mönnum af flutningaskipinu
Víkartindi þegar það strandaði aust-
ur af Þjórsárósi en einn mann tók út
af varðskipinu Ægi þegar það reyndi
að bjarga skipinu. Loks bjargaði
áhöfn þyrlunnar 10 mönnum af
flutningaskipinu Dísarfelli eftir að
skipið fórst 100 sjómílur suðaustur
af Hornafirði, mitt á milli Íslands og
Færeyja. Tveir skipverjar á Dísar-
felli fórust. Benóný Ásgrímsson var
flugstjóri við björgun skipverjanna
af Víkartindi og Dísarfelli.
Skipverjarnir á Dísarfelli voru um
tvo klukkutíma í sjónum eftir að
skipinu hvolfdi í vonskuveðri aðfara-
nótt 9. mars 1997. Þótti björgun
þeirra frækilegt afrek enda voru að-
stæður mjög erfiðar, 8-10 metra
ölduhæð og mikið brak í sjónum og
hann löðrandi í olíu.
„Við vorum allan tímann sann-
færðir um að okkur yrði bjargað.
Það er ekki hægt að lýsa því þegar
þyrlan birtist. Það var eins og al-
mættið kæmi þarna og rétti okkur
hjálparhönd,“ sagði Valdimar Sig-
þórsson, háseti á Dísarfelli, í viðtali
við Morgunblaðið.
Í áhöfn þyrlunnar voru Benóný
flugstjóri, Hermann Sigurðsson
flugmaður, Auðunn F. Kristinsson,
stýrimaður og sigmaður, Hilmar
Ægir Þórarinsson, flugvirki og spil-
maður, og Óskar Einarsson læknir.
Kafli úr bókinni Útkall TF-Líf eft-
ir Óttar Sveinsson birtist í Morgun-
blaðinu á sínum tíma og þar má
glögglega sjá hve aðstæður við
björgun voru erfiðar:
„Nú varð Hilmar spilmaður að
hugsa um marga hluti á sömu sek-
úndunni: Um leið og ég væri búinn
að slaka Auðuni niður í sjóinn varð
ég að halda bugt á vírnum með ann-
arri hendi til að hafa upp á að hlaupa
ef snöggur rykkur kæmi á vírinn
þegar sigmaðurinn færi niður í öldu-
dal. Að öðrum kosti myndi hann
kippast jafnskjótt upp úr sjónum.
Ég mátti heldur ekki slaka of mikið
þannig að vírinn flæktist í þyrlunni.
Það var mjög erfitt að láta þetta allt
koma heim og saman. Ég gætti þess
að tala stöðugt við Benóný á meðan
ég hafði auga með Auðuni og öld-
unum.“
Benóný segir að það hafi skipt
sköpum að TF-LÍF var komin til
sögunnar á þessum tíma. TF-SIF
hefði ekki ráðið við þetta verkefni.
sisi@mbl.is
Frækileg björgun á reginhafi
Ljósmynd/Landhelgisgæslan
Sjávarháski Þessi sjón blasti við áhöfn TF-LÍF þegar hún kom að Dísar-
fellinu. Skipverjarnir héldust í hendur og þeir voru hífðir upp einn af öðrum.
 TF-LÍF bjarg-
aði 39 mönnum á
sex dögum 1997
Sigtryggur Sigtryggsson
sisi@mbl.is
„Það sem er svo gefandi og hvetj-
andi er allt þakklætið sem maður
hefur fengið,“ segir Benóný Ás-
grímsson.
Í tilefni af þessum orðum er gam-
an að rifja upp frétt sem birtist í
Morgunblaðinu 28. júlí 2013.
„Í hvert sinn sem Viktoría Líf
Þorleifsdóttir sér þyrluna TF-LIF
sveima um loftið kallar hún á móður
sína: „Mamma, þetta er þyrlan mín!“
Þetta eru orð að sönnu hjá Viktoríu
Líf því hún er skírð í höfuðið á þyrl-
unni sem bjargaði lífi hennar fyrir
tíu árum er hún var flutt frá Vest-
mannaeyjum til Reykjavíkur.
Í gær voru 10 ár liðin frá því að
þyrlan fór í útkall til Vestmannaeyja
og sótti þangað nýfætt barn sem
varð fyrir miklum súrefnisskorti í
fæðingu. Stúlkan náði undraverðum
bata eftir meðferð á vökudeild
barnaspítalans. „Ef þyrlan hefði
ekki verið kölluð út fyrir 10 árum
sæti dóttir okkar ekki hérna hjá
okkur í dag,“ segir Þorleifur Kjartan
Jóhannsson, faðir Viktoríu Lífar.
Foreldrar hennar fóru með hana í
óvænta heimsókn til Landhelg-
isgæslunnar í gær þar sem Viktoría
Líf heilsaði upp á björgunarmenn og
virti fyrir sér þyrluna á afmælisdag-
inn sinn.“
Þá voru enn starfandi fjórir
starfsmenn Landhelgisgæslunnar
sem voru í umræddu flugi. Þrír
þeirra eru með Viktoríu Líf á mynd-
inni, þeir Magnús Örn Einarsson
stýrimaður, Benóný Ásgrímsson
flugstjóri og Tómas Vilhjálmsson
flugvirki. Björn Brekkan Björnsson
flugmaður var fjarverandi þegar
myndin var tekin. Þá var Hlynur
Þorsteinsson læknir einnig í áhöfn-
inni en hann hafði látið af störfum.
Benóný Ásgrímsson segir að-
spurður að hann sé mjög ósáttur
með það hvernig staðan er í þyrlu-
málum Íslendinga í dag og styður
heils hugar kröfurnar um að ís-
lenska ríkið kaupi nýjar björg-
unarþyrlur. „Þegar Varnarliðið fer
árið 2006 ákveða íslensk stjórnvöld
að þau ætli að sinna íslenskum sjó-
mönnum með sama öryggi og var
þegar varnarliðið var til staðar á
Keflavíkurflugvelli. Þá er ákveðið að
við förum í samvinnu við Norðmenn
en þeir höfðu ákveðið að endurnýja
allan sinn þyrluflota. Við áttum að
fylgja þeim í endurnýjun okkar
þyrluflota. Áætlunin var sú að við
ættum að vera komnir með nýjar og
fullkomnar þyrlur árið 2012. Árið
2006 var ákveðið að leigja þrjár þyrl-
ur til að brúa þetta bil, sem var
ósköp eðlilegt. Þarna var komin
markmiðssetning og áætlun. Síðan
verður efnahagshrunið 2008 og þá
verða miklir erfiðleikar á mörgum
sviðum. Við þurftum að losa okkur
við eina leiguþyrluna en við héldum
áfram samvinnunni við Norðmenn.
Síðan er ákveðið að hætta þessari
samvinnu við Norðmenn og við erum
enn í sömu sporum, árið 2016, ekk-
ert markmið um að endurnýja þyrlu-
flotann. Það þætti ekki góður at-
vinnurekandi sem væri að leigja
svona dýr tæki og hefði engin áform
um að eignast þau sjálfur.“
Benóný segir að nú þegar sé ríkið
búið að borga í leigu fyrir þyrlur
upphæð sem hefði dugað til að
kaupa eina og hálfa björgunarþyrslu
af fullkomnustu gerð. „Nú eru mjög
hagstæðar aðstæður í kjölfar olíu-
kreppunnar til að kaupa þyrlur og
ríkissjóður stendur vel að vígi en það
er ekkert að gerast, því miður. Það
er eins og einhver doði sé ríkjandi
hjá stjórnvöldum. Þetta þykir mér
sárt að horfa uppá.“
„Þakklætið gefandi og hvetjandi“
 Benóný Ásgrímsson er mjög ósáttur með það hvernig staðan er í þyrlumálum Íslendinga í dag
Morgunblaðið/Árni Sæberg
Lífgjafar Viktoría Líf hitti þá Magnús Örn, Benóný og Tómas á 10 ára afmælinu sínu. Í baksýn má sjá nöfnu hennar.
Kristján Jónsson,
fyrrverandi skip-
herra hjá Land-
helgisgæslunni,
hefur þekkt Ben-
óný í meira en
hálfa öld. Krist-
ján var stýri-
maður á gamla
Ægi þegar Ben-
óný kom um borð
sem viðvaningur í ágúst 1966.
Kristján var síðan skipherra á
þyrlunum um 10 ára skeið frá 1994
á móti Sigurði Steinari Ketilssyni.
Á þessum árum flaug hann mikið
með Benóný.
„Hann var afar nettur flugmaður
eins og við kölluðum og sérstaklega
góður í því að hitta á rétta staðinn
ef þurfti að láta menn síga,“ segir
Kristján. Algengt var að læknar
væru látnir síga um borð í skip þeg-
ar þurfti að sækja sjúklinga.
Þrír stýrimenn af varðskipunum
fóru að læra flug að áeggjan Péturs
Sigurðssonar forstjóra, en auk Ben-
ónýs voru það Bogi Agnarsson og
Hermann Sigurðsson. „Maður fann
það að þessir strákar nutu þess að
hafa verið á sjó. Þeir voru mjög
næmir á umhverfið. Ef þyrlurnar
þurftu að fljúga með ströndinni
höfðu þeir algerlega á hreinu
hvernig vindar blésu af landi og
kringum fjöll.“
Kristján segir að Benóný hafi
alltaf sett sig vel inni í hlutina.
„Hann var ekki mikið að taka þátt í
kjaftatörnum í kaffitímunum. Hann
fór frekar að lesa sér til. En upp úr
stendur hvað Benni var góður fé-
lagi.“
Kristján lét af störfum hjá Gæsl-
unni árið 2009 eftir áratuga þjón-
ustu. Tekið var á móti honum með
viðhöfn þegar Ægir kom að
bryggju og var þremur fallbyssu-
skotum skotið honum til heiðurs.
sisi@mbl.is
Hitti alltaf
á rétta
staðinn
Kristján Jónsson
 Kristján vann með
Benóný í áratugi