Morgunblaðið - 22.11.2016, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 22. NÓVEMBER 2016
Iðnaðareiningar
í miklu úrvali
Funahöfða 7, 110 Reykjavík, s. 577 6666
Viðar Guðjónsson
vidar@mbl.is
Katrín Jakobsdóttir, formaður
Vinstri grænna, segir að gott hljóð
hafi verið í fulltrúum flokka í
stjórnarmyndunarviðræðum eftir
fundi í fjórum málefnahópum sem
fram fóru í gær. Hún segir mestan
samhljóm um úrbætur á heilbrigð-
iskerfinu en helsti ásteytingarsteinn-
inn snúi að skattamálum og sjávar-
útvegi.
Í hverjum málefnahópi situr
fulltrúi hvers flokks og formenn
flokkanna fara á milli hópanna til
þess að fylgjast með því sem þar fer
fram. „Það er ekkert fast í hendi eftir
daginn, en gott hljóð í fólki og mikil
vinna farin af stað,“ sagði Katrín um
sjöleytið í gærkvöldi. Einn hópur
ræðir efnahagsmál, annar
heilbrigðismál, menntamál og mál-
efni öryrkja, sá þriðji um atvinnu- og
umhverfismál og fjórði hópurinn um
stjórnarskrá, jafnréttismál, alþjóða-
mál og fleira.
Fundað verður í málefnahóp-
unum aftur í dag klukkan 10 en for-
mennirnir munu hittast fyrir fundinn
og ræða saman.
Heilmikil vinna fram undan
„Þó að gott hljóð sé í fólki eru
heilmörg verkefni eftir,“ segir Katr-
ín. Hún og Guðni Th. Jóhannesson
forseti ræddu saman á sunnudag um
stöðu mála og munu þau ræða aftur
saman síðar í vikunni að sögn Katr-
ínar. Hún segist þó búast við því að
línur taki að skýrast betur eftir há-
degi í dag. „Mér heyrist að í hópunum
sé mjög mikill samhljómur um for-
gangsröðun er varðar heilbrigðismál.
En það er meira tekist á um skatta-
og sjávarútvegsmál. Því er heilmikil
vinna fram undan,“ segir Katrín.
Þingflokkarnir funduðu hver í
sínu lagi að málefnafundum loknum.
Ekki flóknari viðræður
Ekki náðist í fulltrúa Viðreisnar
og Bjartrar framtíðar í gærkvöldi.
Birgitta Jónsdóttir hjá Pírötum
vildi ekki tjá sig eftir daginn. Logi
Már Einarsson, formaður Samfylk-
ingarinnar, tekur í svipaðan streng
og Katrín og segir viðræður ganga
vel. Hann segir að viðræður séu ekki
flóknar þó að fleiri flokkar séu við
borðið en áður. „Þetta eru jafn marg-
ir einstaklingar og voru í síðustu við-
ræðum. Það geta verið mörg sjón-
armið innan hvers flokks,“ segir
Logi.
Spurður hvort gengið hafi vel
með einhverja sérstaka málaflokka
segir Logi: „Það gengur bara ágæt-
lega með þetta allt saman.“
Segir gott hljóð í fólki en
mikla vinnu fram undan
 Skatta- og sjávarútvegsmál helsti ásteytingarsteinninn
Morgunblaðið/Golli
Málefnavinna Jón Þór Ólafsson, Pírötum, Svandís Svavarsdóttir, Vinstri
grænum, og Birgitta Jónsdóttir, Pírötum, tóku þátt í fundum gærdagsins.
BAKSVIÐ
Agnes Bragadóttir
agnes@mbl.is
Það vakti athygli margra í gær þegar
Katrín Jakobsdóttir, formaður
Vinstrihreyfingarinnar – græns fram-
boðs, sagði í hádegisfréttum Ríkisút-
varpsins að mögulega myndi það
skýrast í dag hvort flokkarnir fimm
sem hún reynir að leiða saman til
myndunar ríkisstjórnar myndu ná
saman. Ekki síður vakti það athygli að
þessi ummæli lét formaður VG falla
meira en hálftíma áður en hinar form-
legu viðræður hófust, sem var kl. 13 í
gær.
Bent er á að ef VG ætli að standa við
„hótanir sínar“ og ráðast í stórfelldar
skattahækkanir hljóti slík áform að
reynast Viðreisn þung í skauti og
kosta mikil átök í baklandi Viðreisnar
og áreiðanlega líka meðal einhverra
sjö þingmanna Viðreisnar.
Katrín er sögð harðákveðin í því, og
það hafi komið skýrt fram í þeim við-
ræðum sem þegar hafa farið fram, að
viðhalda hátekjuskatti, koma aftur á
auðlegðarskatti og sömuleiðis er hún
sögð áhugasöm um hækkun fjár-
magnstekjuskatts.
Þingmaður Sjálfstæðisflokksins
sem rætt var við í gær taldi útilokað að
Viðreisn gæti samþykkt skattahækk-
unaráform VG. „Það er ekki auðvelt
að sjá það fyrir að bakhjarlar Við-
reisnar, þeir Helgi Magnússon og
Þórður Magnússon, muni taka því
þegjandi og hljóðalaust að auðlegðar-
skattur verði tekinn upp að nýju,“
sagði hann.
Það fer mikið eftir því hvort rætt er
við þingmenn utan af landi eða af höf-
uðborgarsvæðinu hver afstaða þeirra
er til stjórnarmyndunartilraunar
Katrínar Jakobsdóttur.
Þingmenn af landsbyggðinni virð-
ast vera mun neikvæðari í garð til-
raunarinnar en þeir sem eru af höfuð-
borgarsvæðinu.
Hluti af leikriti VG?
„Við áttum okkur ekki alveg á því
hvort þessi þáttur er nauðsynlegur
hluti af leikriti sem Katrín er að setja á
svið eða hvort hún ætlar í alvöru að
reyna að mynda borgríkisstjórn „a la
Reykjavíkurlistinn“,“ sagði lands-
byggðarþingmaður í gær.
Annar landsbyggðarþingmaður
sagðist telja að tilraun Katrínar nyti
nánast eindregins stuðnings þing-
manna flokkanna fimm á höfuð-
borgarsvæðinu en öðru máli gegndi
um þingmenn flokkanna úti á landi.
„Það er augljóst í mínum huga að
markmið Viðreisnar er fyrst og fremst
að komast í valdastóla. Þeir eiga eftir
að fórna málefni eins og ESB án þess
að blikna,“ sagði þingmaður.
Viðhorf landsbyggðarþingmanna er
m.a. það að ef þessir fimm flokkar nái
saman um málefnasamning sé ljóst að
hluti slíks samnings verði að ráðast í
mikinn uppskurð á landbúnaðar- og
sjávarútvegskerfi landsmanna og eðli-
lega hafi þeir því áhyggjur. „Bakland
VG og Samfylkingar (ef um bakland
er hægt að ræða) á landsbyggðinni
mun láta mjög ófriðlega, fari menn í
kerfisbreytingar á landbúnaði og sjáv-
arútvegi, eins og Viðreisn, Píratar og
Björt framtíð hafa boðað,“ sagði
landsbyggðarþingmaður og bætti við
að slík ríkisstjórn væri líkleg til þess
að dýpka gjána á milli landsbyggðar
og höfuðborgarsvæðis.
Enginn spenntur fyrir Pírötum
Þingmenn sem rætt var við í gær
telja að hvorki VG, Viðreisn, Bjartri
framtíð né Samfylkingu hugnist í raun
og veru ríkisstjórnarsamstarf við Pír-
ata. „Það er ekki það að Píratar muni
setja fram einhverja afarkosti fyrir
fram, því eins og við höfum séð und-
anfarna daga eru þeir á harðahlaupum
að bakka út úr stefnumálum sínum og
kröfum. Þeir munu hins vegar halda
áfram að hlaupa út undan sér og koma
reglulega með nýjar uppákomur, sem
myndi svo taka tímann sinn að vinda
ofan af. Það er a.m.k. okkar trú,“ sagði
þingmaður.
VG vill stórfelldar skattahækkanir
 Ekki víst að Viðreisn sé tilbúin að kyngja áformum um miklar skattahækkanir  Þingmenn lands-
byggðarinnar sagðir órólegir vegna áforma um kerfisbreytingar í landbúnaði og sjávarútvegi
Morgunblaðið/Golli
Málefnahópar Fulltrúar frá VG, Bjartri framtíð, Viðreisn, Pírötum og Samfylkingu hófu í gær málefnavinnu í tengslum við stjórnarmyndun þessara
flokka. Vinnan fór fram á nefndasviði Alþingis og stóð fram á kvöld. Steimgrímur J. Sigfússon, fyrrverandi fjármálaráðherra, er fyrir miðri mynd.
Umboð formanns VG
» Katrín Jakobsdóttir, for-
maður VG, fékk umboð til
stjórnarmyndunar úr hendi
forseta Íslands sl. miðvikudag,
þann 16. nóvember.
» Katrín sagði í hádegis-
fréttum RÚV gær að það gæti
skýrst í dag hvort tilraunin til
þess að mynda fimm flokka
ríkisstjórn VG, Viðreisnar,
Bjartrar framtíðar, Pírata og
Samfylkingar næði fram að
ganga.
Menn frá tæknideild Lögreglunnar
á höfuðborgarsvæðinu hefja í dag
rannsókn á tildögum bruna á bæn-
um Miðhrauni á sunnanverðu Snæ-
fellnesi. Í miklum eldsvoða sem
þar varð í fyrrinótt brunnu til tvö
stór stálgrindahús til grunna, en í
þeim voru þurrkaðir fiskhausar og
annað slíkt hráefni. Þriðja húsið,
sambærileg hinum tveimur, var
einnig nýtt undir þessa starfsemi
en því tókst slökkviliðinu að
bjarga.
Það var um klukkan 4.40 í fyrri-
nótt sem tilkynning um eldinn
barst til Neyðarlínunnar frá flutn-
ingabílstjóra sem átti leið framhjá.
Slökkvilið af Snæfellsnesi, úr
Borgarnesi og frá Akranesi fór á
vettvang. Slökkvistarf stóð fram
eftir morgni og vakt var á staðnum
fram eftir degi í gær. sbs@mbl.is
Stórtjón í eldsvoða á Snæfellsnesi
Morgunblaðið/Alfons Finnsson
Miðhraun Eldhafið var mikið og fiskþurrk-
unarhúsin tvö eru rústir eftir brunann.