Morgunblaðið - 22.11.2016, Blaðsíða 17
FRÉTTIR 17Erlent
MORGUNBLAÐIÐ ÞRIÐJUDAGUR 22. NÓVEMBER 2016
Jólahlaðborð
Marentzu Poulsen
Borðapantanir í síma 553 8872
Frekari upplýsingar og matseðil
má finna á www.floran.is
Selhella 13 | 221 Hafnarfjörður | Sími 564 1400 | kerfi@kerfi.is | kerfi.is
Fagleg & persónuleg þjónusta
Dæmi:
SAECO PHEDRA
Frábær kaffivél fyrir
meðalstór fyrirtæki
5.400,- án VSK
Þjónusta- & leigugjald á mán.
Drykkjarlausnir
fyrir þitt fyrirtæki
Hagkvæmara en þú heldur!
París. | AFP. Francois Fillon sigraði í
forkosningum hægrimanna um for-
setaefni Repúblikana í kosningunum
í Frakklandi á næsta ári. Úrslitin
komu á óvart. Alain Juppe, sem tal-
inn var sigurstranglegri, hafnaði í
öðru sæti. Nicolas Sarkozy varð í
þriðja sæti og er úr leik.
Fillon fékk 44,1% atkvæða, Juppe
22,8% og Sarkozy 20,6%. Þar sem
Fillon náði ekki hreinum meirihluta
verður kosið aftur á milli tveggja
efstu næstkomandi sunnudag.
Fillon er aðdáandi Margaretar
Thatcher og boðar umfangsmiklar
umbætur í efnahagsmálum komist
hann til valda. Hefur hann heitið að
fækka opinberum störfum um hálfa
milljón á fimm árum.
Fillon var forsætisráðherra
Frakklands í forsetatíð Sarkozys
2007 til 2012. Ósigur Sarkozys fyrir
Fillon, sem hann kallaði á sínum
tíma „herra ekki neitt“, gæti markað
endalok 40 ára pólitísks ferils hans.
Juppe var forsætisráðherra í
forsetatíð Jacques Chirac. Hann
hefur líka heitið umbótum í efna-
hagsmálum.
Búist er við að Francois Hollande,
forseti Frakklands, tilkynni hvort
hann gefi kost á sér til endurkjörs af
hálfu sósíalista þegar úrslitin eru
ljós í forkosningum hægrimanna.
Ljóst er að Marine Le Pen, leið-
togi Þjóðfylkingarnar, mun gefa
kost á sér og benda kannanir til að
hún muni komast í aðra umferð.
Hollande er óvinsæll og ekki mun
hjálpa honum að Emmanuel Mac-
ron, fyrrverandi fjármálaráðherra í
stjórn hans, ætlar að gefa kost á sér
sem óháður frambjóðandi.
Sarkozy úr leik eftir
óvæntan sigur Fillons
AFP
Reifur Francois Fillon þykir líklegt
forsetaefni franskra hægrimanna.
Kosið milli
Fillons og Juppe
Lögreglan í Frakklandi telur sig
hafa komið í veg fyrir hryðjuverk
þar í landi eftir umfangsmikla að-
gerð sem leiddi til handtöku sjö ein-
staklinga í Strassborg og Marseille
um helgina, en innanríkisráðherra
Frakklands greindi frá þessu í gær.
Hinir handteknu eru með ríkis-
fang í Frakklandi, Marokkó og Afg-
anistan, en að sögn Bernards Caze-
neuve innanríkisráðherra var með
aðgerðinni hægt að „koma í veg fyrir
úthugsað hryðjuverk“ og vinna sér-
fræðingar nú að því að rannsaka
hvort til hafi staðið að framkvæma
árás á nokkrum stöðum samtímis.
Skotmarkið ekki Strassborg
Einn vinsælasti og fjölsóttasti við-
burður í Evrópu fyrir hver jól, jóla-
markaðurinn við gömlu dómkirkj-
una í miðborg Strassborgar, hefst
næstkomandi föstudag. Roland
Ries, borgarstjóri í Strassborg,
sagði við fréttaveitu AFP ekkert
benda til þess að vígamenn hefðu
ætlað að láta til skarar skríða þar í
borg. Að sögn hans bendir allt til
þess að skotmörk ódæðismannanna
megi finna í hverfum Parísar.
„Aldrei fyrr hefur jafn mikil hætta
verið á hryðjuverkum og nú,“ sagði
Cazeneuve innanríkisráðherra. „Það
er ekki hægt að tryggja ástand þar
sem hættan er engin. Allir þeir sem
lofa því eru að ljúga að frönsku þjóð-
inni,“ sagði hann enn fremur í sjón-
varpsviðtali. khj@mbl.is
Telja sig hafa
komið í veg fyr-
ir hryðjuverk
Sjö voru handteknir í Strassborg og
Marseille í miklum aðgerðum lögreglu
AFP
Öryggi Hermenn standa vaktina á
torgi við dómkirkjuna í Strassborg.
Kristján H. Johannessen
khj@mbl.is
„Ég er ekki bjartsýnn þegar kemur
að skammtímahorfum Sýrlands. Eft-
ir að Rússar og Íranir ákváðu að
styðja við Assad [Sýrlandsforseta]
með grimmilegum lofthernaði varð
ljóst að mjög erfitt yrði fyrir
stjórnarandstæðinga að halda velli,“
sagði Barack Obama Bandaríkjafor-
seti er hann var spurður álits á mál-
efnum Sýrlands, en forsetinn fráfar-
andi var þá staddur á leiðtogafundi
Asíu- og Kyrrahafsríkja sem haldinn
var í Líma, höfuðborg Perú.
Obama hitti þar einnig Vladimír
Pútín Rússlandsforseta, en sam-
kvæmt fréttavef Guardian hvatti
hann Pútín til að finna friðsama lausn
á átökunum í Sýrlandi. Var þetta
fyrsti fundur forsetanna frá því í
september síðastliðnum.
„Forsetinn lagði áherslu á að utan-
ríkisráðherrarnir [John] Kerry og
[Sergei] Lavrov héldu áfram þeirri
vinnu sinni, í samvinnu við alþjóða-
samfélagið, að draga úr ofbeldi og
lina þjáningar sýrlensku þjóðarinn-
ar,“ sagði talsmaður Hvíta hússins.
Á sama tíma í Damaskus í Sýrlandi
hittust Staffan de Mistura, erindreki
Sameinuðu þjóðanna í málefnum
landsins, og Walid Muallem, utanrík-
isráðherra Sýrlands. Mistura gaf lítið
færi á sér við fjölmiðla eftir fundinn
en sagði Sýrlendinga og heimsbyggð-
ina vera að „renna út á tíma“ og að
hann óttaðist aukin hernaðarumsvif í
austurhluta Aleppo, stærstu borgar
landsins.
„Þegar jólin ganga í garð munum
við, vegna aukins hernaðar, horfa
fram á algert hrun á því sem eftir er
af austurhluta Aleppo. Þá gætu um
200 þúsund manns verið á leið til
Tyrklands – slíkt myndi jafngilda
hamförum í mannúðarmálum.“
Öll sjúkrahús nú óstarfhæf
Ástandið versnar með degi hverj-
um á svæði uppreisnarsveita í
austurhluta Aleppo, þar sem um 250
þúsund almennir borgarar hafast við.
Fréttaveita AFP greinir frá því að
starfsemi allra sjúkrahúsa í borgar-
hlutanum sé nú algerlega lömuð
vegna hernaðarátaka. Enn má þó
finna þar starfandi heilsugæslu.
„Engin sjúkrahús eru starfandi í
þessum hluta borgarinnar. Það eru
því yfir 250 þúsund manns, konur og
börn, sem hafa ekkert aðgengi að
sjúkrahúsþjónustu,“ hefur AFP eftir
fulltrúa frá Alþjóðaheilbrigðismála-
stofnuninni (WHO).
AFP
Borgarhluti Aleppo, stærsta borg Sýrlands, er að stórum hluta rústir einar eftir langvarandi hernaðarátök.
Algeru hruni spáð í
austurhluta Aleppo
Bandaríkjaforseti ekki bjartsýnn fyrir Sýrlands hönd
Stjórnarher Bashars al-Assad
Sýrlandsforseta sótti hart gegn
hópum uppreisnarsveita í
austurhluta Aleppo í gær. Fengu
sveitirnar aðstoð frá rússnesk-
um orrustuþotum og þyrlum og
hafa uppreisnarhópar í kjölfarið
þurft að hörfa á nokkrum stöð-
um í borginni.
Uppreisnarmenn hafa stjórn-
að borgarhlutanum allt frá árinu
2012 og leggur Sýrlandsstjórn
nú allt kapp á að ná honum aftur
á sitt vald. Sýrlenska dagblaðið
Al-Watan, sem hliðhollt er rík-
isstjórn Assads forseta, segir
eitt mikilvægasta hverfi orrust-
unnar vera Hanano, en það var
eitt af þeim fyrstu sem féll í
hendur uppreisnarmönnum á
sínum tíma. Nái herinn þar yf-
irráðum á ný yrði það stærsti
sigur hans í stríðinu.
Yrði stærsti
sigur Assads
HANANO-HVERFI