Dagblaðið Vísir - DV - 10.04.2015, Side 8

Helgarblað 10.–13. apríl 20158 Fréttir
English Pub lok-
að í Hafnarfirði
Skemmtistaðurinn English Pub
í Hafnarfirði hefur verið seldur
og mun hann skipta um nafn á
næstu vikum. John Mar Erlings­
son keypti staðinn af bræðrunum
Hermanni og Ingvari Svendsen
en söluverðið er trúnaðarmál.
„Þetta var bara orðið gott í bili
þarna. Við vildum einbeita okkur
að Miðbænum,“ segir Ingvar, sem
rekur American Bar í Austurstræti
í Reykjavík með bróður sínum.
Þeir áttu einnig hlut í English
Pub í Austurstræti en hafa selt
hann. Tæp fjögur ár eru liðin
síðan English Pub var opnaður
í Flatahrauni í Hafnarfirði. Þá­
verandi eigandi, Arnar Þór Gísla­
son, er einn af eigendum English
Pub í Austurstræti.
A
lls munu fimm skólastjórn­
endur grunnskóla í Reykjavík
láta af störfum í vor. Grunn­
skólar borgarinnar eru 37 tals­
ins og því er um óvenju hátt hlutfall
að ræða. Skólastjórnendurnir starfa
í Austurbæjarskóla, Breiðagerðis­
skóla, Réttarholtsskóla, Seljaskóla og
Vesturbæjarskóla. Allir sem nú láta af
störfum eru að nýta sér svokallaða 95
ára reglu en samkvæmt henni mega
starfsmenn fara á eftirlaun ef starfs­
aldur og aldur viðkomandi er saman­
lagt 95 ár eða hærri.
Samkvæmt heimildum DV hef­
ur álag á yfirstjórnir grunnskólanna
aukist verulega síðan gripið var til
stórtækra niðurskurðaraðgerða
eftir hrun. Erfitt er þó að greina hver
niðurskurðurinn var nákvæmlega í
krónum. Sigrún Björnsdóttir, upp­
lýsingafulltrúi Skóla­ og frístunda­
sviðs, gaf þessi svör: „Fyrir liggur að
á tímabilinu 2008–2013 lækkuðu
heildarútgjöld á hvert grunnskóla­
barn um 8% að raungildi vegna ým­
issa hagræðingaraðgerða. Úthlutun
fjármagns til stjórnunar í grunnskól­
um byggir á því, að skv. lögum um
grunnskóla ber að vera skólastjóri við
hvern skóla, auk staðgengils sem oft­
ast er aðstoðarskólastjóri eða deildar­
stjóri þar sem ekki er aðstoðarskóla­
stjóri. Auk þess er veitt fjármagn til
kennara og sérkennara, en engin sér­
stök úthlutun er vegna deildarstjóra
eða annarra millistjórnenda.“
Það rímar við heimildir DV um
að ákall sé frá skólastjórnendum um
aukið fjármagn til þess að hægt sé
að ráða millistjórnendur, t.d. í formi
deildarstjóra yfir ákveðnum bekkj­
ardeildum. Slíkir deildarstjórar létta
álaginu verulega á yfirstjórnendum.
Viðmælendur DV eru einnig sam­
mála um að skólaumhverfið hafi
þyngst verulega undanfarin ár.
Það skal þó ekki fullyrt að aukið
starfsálag spili eitthvað inn í ákvörðun
skólastjórnendanna sem nú láta af
störfum. Þeir sem DV náði tali af
þvertóku fyrir það og sögðu að um eðli­
lega endurnýjun væri að ræða. Sumir
tóku hins vegar undir það að álag hefði
vissulega aukist síðustu ár. n
bjornth@dv.is
Álag á yfirstjórnum
grunnskólanna
Fimm skólastjórnendur í Reykjavík láta af störfum í vor
Telur „fyllstu ástæðu“ til
að rannsaka bankaleka
S
tjórnendur Borgunar hf.
íhuga að krefjast rannsókn­
ar á því hvort bankaleynd
hafi verið rofin þegar upp­
lýsingar um úttekt greiðsl­
umiðlunarfyrirtækisins af reikningi
hjá Sparisjóði Vestmannaeyja röt­
uðu í fjölmiðla í lok síðasta mánað­
ar. Þetta staðfestir Haukur Oddsson,
forstjóri Borgunar, í samtali við DV.
„Þessi leki er þess eðlis að okkur
þykir fyllsta ástæða til að hann verði
rannsakaður,“ segir Haukur og bæt­
ir við að stjórnendur fyrirtækisins
ætli að fara yfir málið á næstu dög­
um.
Birtist í Morgunblaðinu
Borgun, sem er meðal annars í
eigu Íslandsbanka, var innstæðu­
eigandi í Sparisjóði Vestmannaeyja
(SV) þegar fréttir bárust af slæmri
stöðu sjóðsins þann 26. mars síð­
astliðinn. Fyrstu vísbendingar
rannsóknar á lánasafni SV lágu þá
fyrir en þær sýndu mikla virðis­
rýrnun safnsins sem hefði á end­
anum getað leitt til gjaldþrots
sparisjóðsins. Sama dag hófu við­
skiptavinir SV áhlaup á sjóðinn
sem nam tæpum 700 milljónum
króna og rýrði laust fé hans um
helming. Í kjölfarið ákvað Fjár­
málaeftirlitið (FME) að heim­
ila samruna SV og Landsbankans
enda fullnægði eiginfjárgrunnur
sparisjóðsins ekki 14,7 prósenta
eiginfjárkröfu FME. Landsbank­
inn yfirtók því allar eignir og skuld­
bindingar sjóðsins.
Þann 31. mars, tveimur dög­
um eftir að samruninn var heimil­
aður, birtist frétt í Morgunblaðinu
um að Borgun hefði tekið rúm­
ar 200 milljónir króna út úr SV í
áhlaupinu eða rétt um þriðjung
heildarupphæðarinnar. Var þess
ekki getið hvaðan upplýsingarnar
komu heldur vitnað til ónafn­
greindra heimilda.
Færi til FME
Haukur vildi að öðru leyti ekki
tjá sig um málið í gær þegar eft­
ir því var leitað. Ljóst er að beiðni
um rannsókn á því hvort stjórn­
endur eða starfsmenn SV hafi rof­
ið þagnarskyldu myndi enda á
borði FME. Samkvæmt núgildandi
lögum um fjármálafyrirtæki eru
stjórnarmenn, framkvæmdastjór­
ar, endurskoðendur, starfsmenn
og aðrir sem taka að sér verk í
þágu fjármálafyrirtækja bundnir
þagnarskyldu um upplýsingar sem
þeir afla við störf sín og varða við­
skipti eða einkamálefni viðskipta­
vina. Þagnarskyldan helst þótt látið
sé af starfi eða fjármálafyrirtæki
falli eins og í tilviki sparisjóðsins.
SV átti 0,4 prósenta hlut í Borg­
un þegar samruninn við Lands­
bankann gekk í gegn. Íslandsbanki
er stærsti eigandi greiðslumiðlun­
arfyrirtækisins með 63,47 prósenta
hlut. Eignarhaldsfélagið Borgun
slf. á 25,48 prósent. n
Borgun íhugar að krefjast rannsóknar á því hvernig viðskipti fyrirtækisins við SV rötuðu í fjölmiðla
Sparisjóðurinn Greiðslumiðlunar-
fyrirtækið Borgun hf. átti innstæðu í
Sparisjóði Vestmannaeyja þegar fyrstu
fréttir bárust af slæmri stöðu sjóðsins.
Mynd EyjaFréttir
Haraldur Guðmundsson
haraldur@dv.is
„Þessi leki er
þess eðlis að
okkur þykir fyllsta
ástæða til að hann
verði rannsakaður
Forstjóri Borgunar
Haukur Oddsson segir
stjórnendur fyrirtækisins
ætla að fara yfir það á
næstu dögum hvort ósk-
að verði eftir rannsókn
á því hvort bankaleynd
hafi verið rofin.
Afþakkaði
viðtal
Í dag birtir DV umfjöllun Björns
Jóns Bragasonar um íslenskan
mann sem hvarf á dularfullan
hátt í Bandaríkjunum árið 1988.
Tólf árum síðar birtist hann aftur,
eftir að hafa verið úrskurðaður
látinn á Íslandi og syrgður af fjöl­
skyldu sinni. Maðurinn, Halldór
Heimir Ísleifsson, býr á Íslandi í
dag en þrátt fyrir margar tilraunir
fjölmiðla hefur hann aldrei tjáð
sig um málið opinberlega. Við
vinnslu blaðsins hafði blaðamað­
ur samband við Halldór Heimi og
bauð honum í viðtal, hann neit­
aði og sagðist ekki hafa í hyggju
að tjá sig um málið, hvorki nú né
síðar. Sjá ítarlega umfjöllun um
málið á síðu 24.
7 manna bíll - Leðurinnrétting - Sjálfskiptur - 17” Álfelgur
- Bakkskynjarar - Spólvörn og stöðugleikakerfi - Sæti fellanleg
ofaní gólf - Miðstöð afturí - Mikið litað gler í afturgluggum
- ofl. lúxus. - Eyðsla í blönduðum akstri er 7,9 L
Nývirði 10.4 milljónir
þennan færðu á 2 milljónum
minna eða 8.380 þús.
Nýr Chrysler Town & Country DIESEL eftirársbíll ←