Dagblaðið Vísir - DV - 10.04.2015, Side 50

46 Menning Helgarblað 10.–13. apríl 2015
GÓLFMOTTUR
Við leigjum út gólfmottur í anddyri.
Haltu fyrirtækinu hreinu og minnkaðu
ræstingakostnað.
Við sækjum og sendum.
Fáðu verðtilboð!
511 1710
svanhvit@svanhvit.is
www.svanhvit.is H
önnunarhornið fagnar því
að DV skuli aftur komið með
rauðar rendur á kjöl forsíð­
unnar. Rendurnar voru því
miður aflagðar fyrir fáeinum árum,
en hafa nú endurheimt sess sinn
að nýju. Forsíður helstu fjölmiðla
heims skipta lesendur miklu máli og
minnstu breytingar vekja umtal og
deilur. Rendurnar á DV eru því hluti
af íslenskri hönnunarsögu og mik­
ið fagnaðarefni að hugað sé að því
að endurvekja það sem er gamalt og
gott með þessum hætti. n
Haldið í sögulegar hefðir
Fjársjóðurinn
liggur í gömlum
íslenskum hefðum
Aldís Rún er hæfileikaríkur fatahönnunarnemi á öðru ári í Listaháskólanum
A
nnars árs nemar fata­
hönnunardeildar Lista­
háskóla Íslands áttu
sviðið í Hörpu í vikunni
á tískusýningu þar sem
hver nemandi sýndi þrenns kon­
ar heildarútlit og var þetta útkoma
6 vikna námskeiðs sem kennt er í
LHÍ.
Samtals sýndu tíu nemendur
verk sín, þar af þrír skiptinemar.
Þar sem þessi tískusýning er sú allra
fyrsta sem flestir nemendur taka
þátt í er sýningin yfirleitt talin bjóða
upp á meira krassandi „catwalk“
og nemendur þora að taka meiri
áhættu. Tískusýningin er iðulega
talin vera undirbúningur fyrir út­
skriftarsýninguna sem koma skal.
Svefnlausar nætur
Aldís Rún Ingólfsdóttir er 25
ára og afar hæfileikaríkur fata­
hönnunarnemi sem hugsar út fyrir
kassann. Hún er einn þeirra nem­
enda sem sýndu verk sitt í Hörpu.
Hönnunarhornið ræddi við Aldísi,
sem hefur sótt sér innblástur víða
að. Hún býr í vesturbænum, hef­
ur ferðast víða um heiminn, lært
japönsku, unnið í París, og notar
sykur til að vinna efnið í flíkunum
sem hún býr til. Hún segir vinnuna
sem liggur að baki flíkunum oft
strembna og stundum valda svefn­
lausum nóttum. En að lokum, þegar
flíkin er tilbúin, þá kemur ofsa­
gleðin!
Af hverju ákvaðst þú að læra fata-
hönnun?
„Ég hef alltaf haft djúpstæðan
áhuga á fatnaði og efnum, alveg frá
því að ég fékk í raun að klæða mig
sjálf. Mér finnst þetta svo mikil­
vægur partur af mannlífinu, fatn­
aður segir svo margt um mann­
eskjuna og hvað hún vill gefa frá
sér, eiginlega snýst fatavalið mikið
um það að tjá persónuleika. Annars
finnst mér listir skipa svo stóran
sess í samfélaginu, en fólk gleym­
ir oft að fatahönnun er listform og
fatahönnuðir skapa list með fatn­
aði sínum. Að baki hverri flík liggur
mikil tækni, samsetning, speki og
fagurfræði þar sem samspilið er oft
flókið og vandasamt. Fatahönnuð­
ir spýta ekki út stuttermabolum og
stuttbuxum heldur skapa þeir list.
Föt eru ekki bara föt og í stuttu máli
langaði mig að skapa list sem hefur
tilgang.”
Formin einkenna línuna
Hvað einkennir línuna þína?
„Það sem einkennir mína línu
eru formin á flíkunum ásamt
sérstöku „manipulation“ á
efninu. Ég notaði alls kyns
tækni til að ná fram
áhrifum á efninu
eins og ég vildi.
Það heppnaðist
ekki alltaf í fyrstu
eða annarri til­
raun en að lok­
um varð ég
ánægð. Þetta
er í raun
endalaus
prufuvinna.
Ég notaði
til dæmis
sykur til
þess að stífa
efnið til að
geta plíserað
það á þann
hátt sem ég
vildi og not­
aði margs kon­
ar aðferðir við
að lita efnið.
Ég endaði með
að mála part
af efninu með
akrýlmáln­
ingu.“
Íslenskir úpp-
áhaldsfata-
hönnuðir?
„Ég á
engan uppá­
haldshönnuð,
en það eru
margir hönnuð­
ir sem ég dáist að og
finnst hafa náð fram mögn­
uðum hlutum. Ég var mjög
hrifin af nýju línunni hjá
MAGNEA og finnst
þær hafa undan­
farið gert frábæra
hluti. Einnig finnst mér
samnemendur mínir í fata­
hönnun í LHÍ vera að gera
marga alveg magnaða hluti
– líklega verða einhverj­
ir af þeim uppáhaldshönnuðirnir
mínir.“
Uppáhalds erlendir fatahönnuðir?
„Ég á engan uppáhalds, en marga
sem ég dáist að og veita mér inn­
blástur. Þeir sem ég hrífst mikið
af þessa stundina er Faustine
Steinmetz, franskur
hönnuður sem hand­
gerir hverja flík alveg
frá grunni, hún vefar,
handlitar og málar
verk sín. Einnig
finnst mér Junya
Watanabe alveg
mögnuð. Vinnu­
aðferðir sem hún
notar eru sprottin
af djúpstæðri
þekkingu á sníða­
gerð hjá japönsk­
um hönnuðum.“
Enn lítil fjöl-
breytni á Íslandi
Hver verða helstu
„trendin“ á Íslandi í
sumar?
„Ég veit ekki hvað á eft­
ir að vera „trendið“ á Ís­
landi, líklega það sem
verður trendið í Dan­
mörku eða Svíþjóð, sem
mér þykir leiðinlegt. Það
verður svo lítil fjölbreytni í
tísku og allir verða eins, en
vonandi fer það að breyt­
ast og fjölbreytileiki mun
sjást í trendum á Íslandi.“
Hver er munurinn á ís-
lenskri og erlendri fata-
hönnun?
„Íslenskir fatahönnuðir búa
því miður ekki yfir fjölda þeirra
möguleika sem standa til boða er­
lendis í sama geira bæði í efna­
úrvali og tæknigerð. Vonandi mun
það breytast og bætast
með tímanum. Svo
finnst mér við búa
yfir ótrúlegum fjár­
sjóði í hannyrðum eða „hand­craft“
og ég held að við ættum að kíkja
meira til gamalla hefða og gera þær
ferskar og kúl.“ n
Hönn-
unar-
Horn
Kolfinna Von Arnardóttir
kolfinna@artikolo.is
Hæfileikarík
Aldís Rún er ein
þeirra sem sýndu
verk sín í Hörpu í
vikunni.
Mynd SigtRygguR ARi
„Ég hef alltaf
haft djúpstæðan
áhuga á fatnaði og efn-
um, alveg frá því að ég
fékk í raun að klæða mig
sjálf.
góður hópur Tískusýning var haldin í Hörpu í vikunni þar sem annars árs nemar í fata-
hönnun við Listaháskólann sýndu verk sín. Mynd SigtRygguR ARi
Fallegar flíkur
Stífaði efni með
sykri og málaði
með akrýlmáln-
ingu. Mynd SigtRygguR ARi