Dagblaðið Vísir - DV - 16.06.2015, Page 9

Fréttir 9
þurfti vinninga til Reykjavíkur í
stað þess að millifæra þá eins og
nú tíðkast. „Það var einn sem fékk
stóran vinning fyrir austan sem
sótti hann ekki fyrr en eftir ár. Þá
var ég búinn að hringja tvisvar í
umboðsaðilann. Þetta var bóndi
sem hafði bara ekkert erindi átt
í bæinn en hann skilaði sér fyrir
rest,“ segir Sigurður og hlær. „Þetta
voru þrjár milljónir.“
Ef vinningar eru ekki sóttir
innan árs eru þeir afskrifaðir hjá
samtökunum. Þó er hægt að gera
undantekningu á því ef viðkom-
andi hefur verið lengi í viðskipt-
um hjá okkur. „Við erum ekkert
að standa í einhverju stríði, við
bara leysum vandamálin.“ Dreg-
ið er vikulega í Happdrætti DAS,
og eru um 80 þúsund miðar í boði.
Í hverjum mánuði seljast um 40
þúsund miðar.
2,8 milljónir færðust til tekna
Daði Hreinsson, framkvæmdastjóri
Félags heyrnarlausra, segir að þeir
vinningar sem eru ekki sóttir færist
til tekna í bókhaldi félagsins eftir
að eins árs fyrningarfrestur rennur
út. Oftast eru þetta um 15 prósent
seldra miða. Í ársreikningi fyrir
árið 2013 kemur fram að andvirði
ósóttra miða úr vor- og hausthapp-
drætti félagsins hafi numið tæpum
2,8 milljónum króna.
„Reglurnar eru þannig að 16,67
prósent af heildarandvirði útgef-
inna miða þarf að fara í vinninga.
Við gefum út mjög fáa miða, tutt-
ugu þúsund, þannig að við verðum
að auglýsa miða að andvirði 7,6
milljóna króna. Á meðan gefa aðr-
ir út kannski 150 þúsund miða og
eru með stærri vinninga en þá eru
mun minni líkur á að þeir gangi út,“
útskýrir Daði.
Atvinnuskapandi
fyrir heyrnarlausa
Um 13 til 15 þúsund miðar eru
seldir í vor- og hausthappdrætti
Félags heyrnarlausra. „Við höfum
verið mjög stöðug í sölu á happ-
drættinu hjá okkur. Við erum með
fólk sem fer út að selja á meðan
aðrir birta happdrættið á netinu
eða í heimabanka. Þetta er dálítið
atvinnuskapandi fyrir okkar fólk.
Við gefum því kost á að búa sér til
aukatekjur.“
Missir ekki af
vinningum á netinu
Hjá Íslenskri getspá, sem hefur
Lottó, Eurojackpot og Víkingalottó
á sinni könnu, er mjög lítið um
ósótta vinninga og engir þeirra eru
stórir. „Nú er orðið svo mikið um
að fólk kaupi á netinu með korti
eða áskrift. Ef þú kaupir á netinu
missirðu aldrei af vinningum,“ seg-
ir Inga Huld Sigurðardóttir, mark-
aðsstjóri Íslenskrar getspár.
Ef vinningarnir eru ósótt-
ir innan eins árs þá renna þeir til
eignaraðila Íslenskrar getspár, þ.e.
Íþrótta- og ólympíusambands-
ins, Öryrkjabandalagsins og Ung-
mennafélags Íslands.
Auglýsa eftir vinningshöfum
Inga Huld segir að tvisvar hafi það
gerst á síðustu árum að ekki hafi
náðst innan viku í þann sem vann
stóra vinninginn í Lottóinu. „En
þegar miðar eru keyptir kemur það
oftast í ljós strax eftir helgina eða
innan viku. Við auglýsum alltaf eft-
ir vinningshöfum og það fær alltaf
svo svakalega umfjöllun í fjölmiðl-
um ef vinningshafinn finnst ekki.“
Nokkur hundruð þúsund á ári
Í kringum tíu til fimmtán þúsund
manns kaupa miða annars vegar í
vor- og hins vegar í hausthappdrætti
Blindrafélagsins.
„Þetta er mikilvægasta fjáröflunin
okkar,“ segir Kristinn Halldór Einars-
son framkvæmdastjóri. Hann segir að
alltaf sé eitthvað um að vinningsmið-
ar séu ekki sóttir. Verðmæti þeirra tel-
ur hann nema nokkur hundruð þús-
und krónum á hverju ári.
Vinningar ekki
keyptir fyrirfram
Kristinn bætir við að vinningarnir
séu ekki keyptir fyrirfram þótt þeir
séu auglýstir. Þeir séu keyptir eft-
ir að vinningsmiðanum er fram-
vísað. „Eins og með ferðavinninga
þá gefum við út gjafabréf. Viðkom-
andi fer með gjafabréfið og fær
vinninginn afhentan. Svo fáum við
reikning og borgum hann.“
Gefa út 30 þúsund
happdrættismiða
Guðmundur Löve, fram-
kvæmdastjóri SÍBS, segir að það sé
bundið í lög að happdrættið greiði
út 50 prósent af tekjum í vinninga.
Mjög lítið sé um að fólk sæki ekki
vinningana sína. Samkvæmt lög-
um fyrnast vinningarnir eftir eitt ár
en SÍBS hefur ekki fylgt þeirri reglu
heldur reynir að hafa uppi á vinn-
ingshöfum eftir þann tíma.
Sjálfsbjörg gefur út 30 þúsund
happdrættismiða tvisvar sinn-
um á ári og af þeim seljast fjögur
til fimm þúsund miðar, eða um 10
prósent. Þó að afskrifa skuli vinn-
inga eftir eitt ár gerir Sjálfsbjörg
það ekki fyrr en mörgum árum síð-
ar. Vinningarnir eru þá tekjufærðir
hjá samtökunum. n
Vikublað 16.–18. júní 2015
Hvað verður um ósóttu vinningana?
hér á landi n Erfitt getur verið að hafa uppi á þeim sem detta í lukkupottinn
Hver á númerið
33395-H?
Happdrætti Háskóla Íslands leitar að
eiganda miða með númerið 33395-H.
4.000 króna vinningur með þessu
númeri féll til í aðalútdrætti í september
2004 og er þetta elsti vinningurinn sem
happdrættið hefur ekki náð að koma
út. DV hvetur vinningshafann, sem talið
er að búi erlendis, eindregið til að gefa
sig fram.
Skafmiði Happdrætti Háskóla Íslands seldi um 270 þús-
und skafmiða sem kosta 200 krónur á síðasta ári.
Launamiðinn Níu hafa fengið hæsta vinninginn í
Launamiðanum á síðustu fimmtán árum. „Nú er orðið svo
mikið um að fólk
kaupi á netinu með korti
eða áskrift. Ef þú kaupir á
netinu missirðu aldrei af
vinningum.
Inga Huld Sigurðardóttir,
markaðsstjóri Íslenskrar getspár