Dagblaðið Vísir - DV - 29.12.2015, Síða 6

Áramótablað 29. desember 20156 Fréttir
Safna frí-
merkjum
Samband íslenskra
kristniboðsfélaga í samstarfi við
Póstinn, hefur nú hafið söfnun
á notuðum frímerkjum. Heiti
verkefnis er: Hendum ekki
verðmætum. Söfnunin stendur
til 31. janúar 2016 og er tekið
við frímerkjum og umslögum
á pósthúsum um land allt.
Skorað er á einstaklinga og
fyrirtæki að skila notuðum
frímerkjum í safnkassa sem eru
á öllum pósthúsum. Æskilegt
er að fá frímerkin á umslögum
en einnig er tekið við stökum
frímerkjum. Allur ágóði verður
notaður í þróunarstarf á sviði
menntunar barna, unglinga og
fullorðinna í Eþíópíu og Keníu.
Í fyrra söfnuðust 3,6 milljónir
króna sem meðal annars voru
notaðar við uppbyggingarstarf
og byggingu framhaldsskóla.
Erill vegna
hálkuslysa
Talsverður erill hefur verið á
bráðamóttöku Landspítala
undanfarna daga vegna hálku-
slysa. Gangandi vegfarendur og
bílstjórar hafa fundið fyrir leys-
ingum og hláku. Mikið var um að
fólk dytti og slasaði sig illa, sér-
staklega á úlnliðum og einnig var
mikið um ökklabrot. Einnig var
talsvert um minniháttar umferð-
arslys með tilheyrandi áverkum.
Eldra fólk getur farið sérstak-
lega illa út úr svona árferði og
hálkuslysum. Þarf því að huga að
því að vera með mannbrodda og
fara gætilega.
Ríkið gefur og ríkið tekur
n DV skoðar helstu breytingarnar sem taka gildi strax í ársbyrjun 2016
S
trax í byrjun janúar taka gildi
margvíslegar breytingar á
opinberum gjöldum, bæði
til hækkunar og lækkunar,
auk þess sem ýmsar aðrar
aðgerðir sem snerta fjölmarga Ís-
lendinga með beinum eða óbeinum
hætti verða innleiddar eða aflagð-
ar. DV tók saman nokkur dæmi um
það sem nýja árið mun bera í skauti
sér og þær breytingar sem vænta má
strax í upphafi janúar. Sem dæmi
má nefna er að tollar á fatnað og skó
verða afnumdir, fleiri börn munu fá
aðgang að gjaldfrjálsum tannlækn-
ingum og breytingar verða á skatt-
kerfinu. Hafa ber í huga að listinn er
þó hvergi nærri tæmandi. n
Sigurður Mikael Jónsson
mikael@dv.is
Tollar á fatnað
og skó afnumdir
Að jafnaði er tollurinn 15% Dæmi um
vörur sem lækka í verði: Buxur, jakkar, bolir,
íþróttafatnaður, íþróttaskór, nærfatnaður,
vinnufatnaður og vinnuskór, hlífðarfatnaður.
n Dæmi 1: –Barnaúlpa sem kostaði í
smásölu 10.590 krónur lækkar um 1.381
krónu í verði og mun kosta 9.209 krónur
eftir breytingarnar.
n Dæmi 2: Snjógalli sem kostaði 25.000
krónur lækkar um 3.261 krónu og mun kosta
21.739 krónur eftir breytingarnar. Í báðum
dæmum nemur lækkun 13 prósentum.
Með breytingar í hendi sér Margar af helstu breytingunum sem taka gildi árið 2016 má
rekja til fjárlaga Bjarna Benediktssonar, fjármála- og efnahagsráðherra. MynD Sigtryggur Ari
Fleiri fá
gjaldfrjálsar
tannlækningar
Frá 1. janúar munu sex og sjö ára börn bætast í
hóp þeirra barna sem eiga rétt á gjaldfrjálsum
tannlækningum samkvæmt samningi Sjúkra-
trygginga Íslands og tannlækna. Þar með nær
samningurinn til allra barna á aldrinum 6–17
ára auk þriggja ára barna. Skilyrði fyrir því að
barn eigi rétt á gjaldfrjálsum tannlækningum
er að það hafi verið skráð hjá heimilistannlækni
með samning við Sjúkratryggingar Íslands.
Þann 15. desember síðastliðinn höfðu 55.555
börn verið skráð hjá heimilistannlækni, af þeim
falla 42.372 börn undir samninginn. Alls eru 80 þúsund börn undir 18 ára aldri búsett
á Íslandi. 32.303 börn falla ekki undir samninginn vegna aldurs.
Persónuafsláttur
hækkar um 2%
Í upphafi árs ber lögum samkvæmt að
hækka persónuafslátt hvers einstak-
lings í samræmi við hækkun vísitölu
neysluverðs. Árið 2016 verður persónu-
afsláttur einstaklings 623.042 krónur,
eða 51.920 krónur á mánuði. Persónu-
afsláttur hækkar um 12.217 krónur á
ársgrundvelli eða 1.018 krónur á mánuði.
Hækkunin nemur 2%.
Á haustþingi voru lögfestar breytingar
á tekjuskattskerfi einstaklinga þar sem
skattþrepum er fækkað úr þremur í tvö
í tveimur áföngum. Fyrri áfangi
kemur til framkvæmda á árinu
2016. – Skatthlutfall tekju-
skatts í fyrsta þrepi lækkar um
0,18%, úr 22,86% í 22,68%. –
Skatthlutfall tekjuskatts í öðru
þrepi lækkar um 1,4%, úr 25,3%
í 23,9%. – Þriðja þrepið helst
óbreytt í 31,8%.
Mánaðarleg tekjumiðunarmörk þrepa
verða 336.035 krónur í fyrsta þrepi,
500.955 krónur í öðru þrepi og 836.990
krónur í þriðja þrepi fyrir tekjur ársins 2016.
Við þessi hlutföll bætist útsvar sem er
mishátt eftir sveitarfélögum. Hámarks-
útsvar er óbreytt, 14,52%, en lágmarks-
útsvar er 12,44%. Af 74 sveitarfélög-
um leggja 57 á hámarksútsvar, þrjú
sveitarfélög leggja á lágmarks-
útsvar. Meðalútsvar á árinu 2016
verður 14,45% og hækkar um
0,01% frá árinu 2015.
Staðgreiðsluhlutfall ársins 2016 í
heild, þ.e. bæði vegna tekjuskatts og út-
svars, verður þríþætt eftir fjárhæð tekna.
37,13% í fyrsta þrepi, 38,35% á tekjur í
öðru þrepi og 46,25% í þriðja þrepi.
Hærri álögur
á eldsneyti
Ríkið mun hækka álögur sínar á eldsneyti
nú um áramótin, en hækkun á bensín- og
kolefnisgjaldi gæti hækkað lítraverð
bensíns um rúmar 2 krónur á meðan
hækkun á olíu- og kolefnisgjaldi gætið
hækkað lítraverðið af dísilolíu um tæpar 2
krónur. Hinn umdeilda hlutdeild opinberra
gjalda í bensínverðinu verður kominn í 56
prósent en 53 prósent í dísilolíu.
9,7% hækkun
bóta almanna-
trygginga
Eins og fram hefur komið í ítarlegri um-
fjöllun DV um málefni og stöðu öryrkja
og ellilífeyrisþega að undanförnu var
hámarkslífeyrir almannatrygginga fyrir
árið 2015 hjá einstaklingi, með engar
aðrar tekjur, 193.962 krónur á mánuði.
Það gerir ráðstöfunartekjur upp á
172.516 krónur. Með heimilisuppbót,
sem aðeins um 30% lífeyrisþega fá,
ná ráðstöfunartekjur rétt rúmum 190
þúsund krónum á mánuði. Formaður
Öryrkjabandalags Íslands hefur bent á
að þessi hækkun sem verður í ársbyrjun
muni hafa lítil sem engin áhrif og aðeins
hækka ráðstöfunartekjur þeirra tekju-
lægstu um kannski 12 þúsund krónur.
Skattleysismörk
hækka um 2,5%
Skattleysismörk tekjuskatts og útsvars
verða 145.659 krónur á mánuði árið
2016 að teknu tilliti til 4% lögbundinnar
iðgjaldagreiðslu launþega í lífeyrissjóð.
Í fyrra var upphæðin 142.153 krónur á
mánuði. Hækkunin nemur því 2,5%.
Verðbreytingar á
áfengi og tóbaki
Sumar áfengis- og tóbakstegundir munu
hækka í verði og aðrar lækka vegna
breytinga sem taka gildi nú um áramótin.
Áfengi verður fært í 11% virðisaukaskatts-
þrepið, en áfengisgjaldið
hækkað með þeim hætti
að tekjur ríkissjóðs verði
sem næst óbreyttar á
næsta ári og verðlagn-
ing einstakra tegunda
áfengis raskist eins lítið
og kostur er. Rökin fyrir að-
gerðinni eru að einfalda virðisaukaskattskil
veitingahúsa og minnka hvata og tækifæri
til undanskota. Áhrif breytinganna gætu
orðið mismunandi en samkvæmt fjárlaga-
frumvarpinu getur mesta lækkunin orðið
13,4% en mesta hækkunin tæp 8%.
Morgunblaðið greindi frá því á dögunum
að breytingin, hækkun á tóbaksgjaldi
um 2,5%, gæti leitt til 1,5% hækkunar
heildsöluverðs, miðað við að ekki verði
hækkanir frá birgjum.
Tekjuskattur lækkar lítillega