Dagblaðið Vísir - DV - 29.12.2015, Blaðsíða 25

Áramótablað 29. desember 2015 Fréttir Innlendur fréttaannáll 25
á landsvæði Palestínumanna var­
ir. Um er að ræða síðustu tillögu
Bjarkar Vilhelmsdóttur sem borg­
arfulltrúi og fagnar hún ákvörðun­
inni ákaft á samfélagsmiðlum.
Ákvörðunin fellur í grýttan jarðveg
og síðar í mánuðinum dregur borg­
arstjórn ákvörðunina tilbaka.
16. september
Nagdýr um borð í
vél Icelandair
Nafnlaus ábending
berst DV um að
rotta sé um borð
í vél Icelandair.
Vélin er tekin úr
umferð og yfirfar­
in. Í samtali við DV
segist Guðjón Arn­
grímsson telja að um
hamstur sé að ræða,
sem sennilega hafi komist
um borð í vélina á flugvelli erlend­
is. Síðar í mánuðinum er staðfest að
rotta hafi verið á vappi í vélinni.
19. september
Tveimur milljörðum
varið í að aðstoða
flóttamenn
Ríkisstjórn Íslands tilkynnir um
áætlanir sínar um að verja tveimur
milljörðum króna til að aðstoða
flóttamenn og hælisleitendur á
næstu tveimur árum. Fénu verður
meðal annars varið til fjárstuðnings
við alþjóðastofnanir og hjálpar­
samtök og til móttöku flóttafólks og
hælisleitenda til Íslands. Forsætis­
ráðherra, Sigmundur Davíð Gunn­
laugsson, segir að framlagið standist
allan samanburð við það sem aðrar
þjóðir hafa gert.
21. september
Bieber-æði
Justin Bieber kem­
ur til landsins og
vekur gríðarlega
athygli. „Ég er í fríi
og það eru afskap­
lega fáir sem vita
að ég er staddur
hér á landi. Ég
er ekki að milli­
lenda heldur er ég að
taka tvo daga í frí á Ís­
landi áður en ég flýg til
Bandaríkjanna,“ segir
söngvarinn í tímamóta­
viðtali við blaðamann
DV. Meðan á dvöl söngv­
arans stendur hafa atorku­
samar íslenskar stúlkur uppi á
honum eins og frægt varð.
21. september
Mynddreifing af
banaslysi
Banaslys á sér stað við Rauðhóla.
Fljótlega eftir slysið, áður en
lögregla kemur á vettvang,
tekur kona ljósmynd af
brennandi bílnum og
deilir á samfélags­
miðlum. Fleiri deildu
myndinni, líklega án
þess að gera sér grein
fyrir því að þarna hefði
maður látið lífið. Kallað
er eftir vakningu um notk­
un snjallsíma á slysstað og
tillitssemi.
22. september
Bubbi í stríð við
Útvarp Sögu
Bubbi Morthens bannar Útvarpi
Sögu að spila lög eftir sig í kjölfar
umdeildrar könnunar á heimasíðu
útvarpsstöðvarinnar. „Treystir þú
múslimum?“ er spurningin sem fer
fyrir brjóstið á Bubba og fjölmörg­
um öðrum landsmönnunum. Í kjöl­
farið er sett inn könnunin: „Treystir
þú Bubba Morthens?“ á vef útvarps­
stöðvarinnar. Bubbi bregst ókvæða
við og spyr hvort næsta spurning
sé hvort að eigandi útvarps­
stöðvarinnar sé fyllibytta.
28. september
„Ég er komin
með nóg“
Sigrún Norðfjörð Þorvaldsdóttir
stígur fram og segir frá hrotta­
legu líkamlegu og andlegu ofbeldi
sem þáverandi kærasti hennar
hafði beitt hana. „Ég hræðist hann
kannski á einhvern hátt, en ég dæmi
hann ekki, mér þykir vænt um hann
og vil honum allt það besta. Hann
hefur bara farið af sporinu sem
krakki eða unglingur sem hefur
gert skap hans og hegðun kannski
öðruvísi en hjá flestum öðrum,“ seg­
ir hún og bætir við. „Ég vil
ekki að þegja lengur. Ég er
komin með nóg.“
OKTÓBER
7. október
Morð á
Akranesi
Hæstiréttur Íslands staðfesti í
dag gæsluvarðhald yfir karlmanni
á fertugsaldri sem varð Karli Birgi
Þórðarsyni að bana föstudaginn 2.
október. Við skýrslutökur hjá lög­
reglu nokkrum dögum síðar játar
árásarmaðurinn að hafa hert að
hálsi Karls með berum höndum og
skóreim. Játningin kemur heim og
saman við lýsingu vitna á vettvangi
sem DV hafði þá rætt við. Reimin
fannst í frystikistu í eldhúsi íbúðar­
innar ásamt blóðugu og hvítu belti.
10. október
Útrýma lifrarbólgu C
Ríkisstjórnin samþykkir á fundi að
Kristján Þór Júlíusson heilbrigðis­
ráðherra gangi frá samkomulagi
um samstarfsverkefni heilbrigðis­
yfirvalda og lyfjafyrirtækis­
ins Gilead um átak til að
útrýma lifrarbólgu C á
Íslandi. Þetta kemur
fram á blaðamanna­
fundi í húsakynnum
Landspítalans.
Þar kemur fram að
einstaklingum sem eru
smitaðir af lifrarbólgu
C muni bjóðast meðferð
með nýjum lyfjum sem geta
læknað sjúkdóminn í allt að 95
til 100% tilvika.
22. október
Vopnað skartgriparán
Lögreglan á höfuðborgarsvæðinu
leitar tveggja manna sem frömdu
rán í Gullsmiðjunni við Lækjargötu í
Hafnarfirði. Ræningjarnir, sem voru
grímuklæddir og ógnuðu starfs­
manni með bareflum og gasbyssu,
brutu upp hirslur og höfðu á brott
með sér umtalsverð verðmæti. Þeir
fundust og voru síðar úrskurðaðir
í gæsluvarðhald. Þetta var í annað
skiptið á tæpum mánuði sem Gull­
smiðjan varð fyrir barðinu á
skartgriparæningjum og
þriðja skartgriparán­
ið í Hafnarfirði á
skömmum tíma
en það var í ágúst
sem maður á fer­
tugsaldri játaði á
sig milljóna króna
þjófnað úr verslun í
Firðinum.
22. október
Morð við
Miklubraut
Maður er hand­
tekinn grunaður
um morð eftir að
átök brjóstast út á milli
manna í búsetukjarna fyr­
ir fatlaða við Miklubraut. Karlmað­
ur um sextugt fannst látinn þegar
lögreglumenn komu á staðinn og
var lagt hald á eggvopn. Meintur
árásarmaður var úrskurðaður í
gæsluvarðhald.
27. október
Handtekinn í Noregi
Kaj Anton Arnarsson, 23 ára Ís­
lendingur, er handtekinn af lög­
reglunni í Stavenger í Noregi grun­
aður um að hafa veitt tveggja ára
barni alvarlega áverka. Kaj kom
sjálfur með barnið á sjúkrahús
en samkvæmt heimildum
DV hafði honum verið
treyst fyrir barninu á
meðan móðir þess,
sem er íslensk, sótti
vinnu. Saksóknari
lögreglunnar í
Stavenger ítrekar
við Aftonbladet,
sem vann að frétta­
flutningi um málið í
samstarfi við DV, að hún
líti málið alvarlegum augum.
Sameinuð rannsóknardeild henn­
ar lögreglunnar í Rogaland sá um
rannsókn þess.
NÓVEMBER
2. nóvember
Perlan sekkur
Sanddæluskipið Perlan sekkur í
Reykjavíkurhöfn. Verið var að sjó­
setja skipið þegar slysið varð en um
borð voru 13 þúsund lítrar af olíu.
Ekki tókst að ná skipinu upp fyrr en
þann 16. nóvember og var þá ljóst
að ekki yrði hægt að sigla
því aftur. Stjórnendur
Borgunar, eiganda
skipsins, lýstu
í kjölfarið yfir
altjóni.
9. nóvember
Fjölmenn
mótmæli
Töluverður fjöldi
fólks mótmælir fyrir utan
lögreglustöðina við Hverfisgötu
vegna ákvörðunar um að krefjast
ekki gæsluvarðhalds yfir tveimur
mönnum sem grunaðir eru um
hrottalegar nauðganir. Fréttablað­
ið hafði þá greint frá því að annar
mannanna hefði haft til umráða
íbúð sem að sögn blaðsins var „út­
búin til nauðgana“. Facebook logaði
í kjölfarið og mennirnir voru nafn­
greindir.
12. nóvember
Létust í flugslysi
Tveir menn, Hjalti Már Baldursson
og Haukur Freyr Agnarsson, missa
lífið þegar lítil kennsluflugvél Flug­
skóla Íslands brotlendir í hraun­
inu við Vallahverfið í Hafnarfirði.
Þeir voru báðir kennarar við skól­
ann en aðstæður til björgunarstarfa
á vettvangi voru erfiðar. Flugvélin
var af gerðinni Tecnam og var ein
af fimm nýju vélum Flugskóla Ís­
lands sem komu til landsins í upp­
hafi mánaðarins. Samband við vél­
ina rofnaði upp úr klukkan þrjú en
lögreglu barst tilkynning um slysið
um klukkan 15.10. Flak hennar
fannst hálftíma síðar
7. nóvember
Goðsögn
fellur frá
Hryllingsmyndagoð­
sögnin Gunnar Han­
sen andast á heimili sínu
í Maine í Bandaríkjun­
um. Gunnar, sem var 68 ára,
var þekktastur fyrir að hafa leikið
Leðurfés í goðsagnakenndu hryll­
ingsmyndinni Texas Chainsaw
Massacre. Hann hafði barist við
krabbamein í brisi.
23. nóvember
Margrét segir upp
Margrét Frímannsdóttir, fangelsis­
stjóri á Litla­Hrauni, hefur sagt
upp störfum. Þetta hefur DV hefur
heimildum en Margrét hefur gegnt
embættinu undanfarin sjö ár. Eins
og kom fram í helgarviðtali DV við
Margréti var henni ekki fleygt á dyr
eða hurðum skellt. Ákvörðunin var
tekin að vel ígrunduðu máli,
eftir að hún hafði ráðfært sig
við fjölskyldu sína.
30. nóvember
#Nakinníkassa
Almar Atlason, 23 ára
myndlistarnemi við Lista­
háskóla Íslands, fer inn í
glerkassa sem hann ætlar
að dvelja í næstu vikuna. Upp­
átæki hans vekur mikla athygli og
landsmenn fylgjast með beinni út­
sendingu af gjörningnum á Youtu­
be. Skiptar skoðanir eru um ágæti
verksins og skólanum berast