Dagblaðið Vísir - DV - 29.12.2015, Side 58

Áramótablað 29. desember 201512 Völvuspáin 2016
sjónarspil og hálfgerður glund­
roði skapast í tengslum við þessa
miklu veislu. Athöfnin sjálf fer fram
á Þingvöllum og hefur íslenskur
almenningur ekki orðið vitni að
annarri eins öryggisgæslu eins og
við þetta tækifæri. Hjónin gefa út
yfirlýsingar í kjölfarið og þakka Ís­
lendingum gestrisnina og dásama
fegurð lands og þjóðina sjálfa.
Íslenskir ferðaþjónustufrömuð­
ir meta landkynninguna, sem þessu
fylgir, á margar milljónir dollara.
Hneyksli
Hneykslismálin verða
nokkur á þessu
ári. Völvan dæs­
ir. Smæðin og
tengslin eru svo
erfið í þessu litla
landi okkar. Eitt
hneykslismálið
tengist Landeyja­
höfn. Þar munu
kom fram upplýs­
ingar sem varpa nýju
ljósi á framkvæmdina og
margt henni tengt.
Lögreglan á höfuð­
borgarsvæðinu mun
þurfa að glíma við
erfið mál. Þar munu
verða tilfærslur á
nokkrum af toppun­
um. Þeim er ekki sagt
upp en þeim verður
ýtt út í kuldann. Ýms­
ir úr þeirra röðum þola
ekki að taka við skipunum
úr hendi kvenna. Það jafn­
gildir uppsögn þó að það heiti eitt­
hvað allt annað.
Utanríkisþjónustan mun glíma
við erfitt mál og ógeðfellt. Þar munu
embættismenn þurfa að verja gjörð­
ir sínar á kostnað skattgreiðenda.
Verktakagreiðslur úr tíð síðustu
ríkisstjórnar munu
koma upp á yfirborðið og
þar mun koma í ljós hversu margir
fengu háar greiðslur fyrir mismerki­
lega aðstoð við ríkisstjórnina. Vin­
ir ríkisstjórnarinnar fengu margir
greitt fyrir ólíklegustu viðvik. Þessi
umræða mun varpa nýju ljósi á svo
margt og útskýra tengsl og hags­
muni. Þetta mun auka enn á sundr­
ung og vandræði á vinstri væng
stjórnmálanna. Jafnframt verður
kastljósinu í kjölfarið beint að
vildarvinaráðningum þessarar ríkis­
stjórnar og þolir ekki allt þar mikla
skoðun.
Endurkoma útrásarvíkings mun
verða afskaplega umdeild, en út
spyrst að hann hafi eignast dágóðan
hluti í Íslandsbanka. Þetta fer mjög
öfugt ofan í marga.
Fjölmiðlar
Ríkisútvarpið á undir högg að sækja
á árinu. Bruðl og óábyrg fjármála­
stjórn verður gagnrýnd. Uppsagn­
ir verða á fyrri hluta árs. Skoðana­
kannanir sýna dvínandi traust
til RÚV. Kastljós, sem ver­
ið hefur flaggskip RÚV,
verður aflagt í þeirri
mynd sem tíðkast
hefur um langt
skeið. Helgi Selj­
an flytur sig yfir
á Skjá Einn og
hyggur á land­
vinninga þar.
Hraðfréttir deyja
drottni sínum og
niðurskurðurinn
verður ákaflega sýni­
legur. Þetta er ár hnignunar
hjá RÚV. Á sama tíma mun mennta­
málaráðherra, Illugi Gunnarsson,
eiga í vök að verjast. Óhikað mun
Ríkisútvarpið sækja áfram að hon­
um og hagsmunabaráttan verður
grímulaus. Báðir málsaðilar munu
skaðast vegna þessa. Fréttastofa
RÚV verður enn og aftur gagnrýnd
harkalega fyrir að gæta ekki hlut­
leysis. Það dregur úr trausti almenn­
ings á stofnunina.
Magnús Geir er ekki líklegur til
að verða útvarpsstjóri út árið. Leit­
að verður til Eyþórs Arnalds um að
taka við keflinu. Hann gæti blómstr­
að í nýju hlutverki, enda óhræddur
að taka slaginn.
Fréttatíminn kemur inn á fjöl­
miðlamarkaðinn með látum í byrj­
un árs. Gunnar Smári fer mikinn
og sankar að sér öflugum blaða­
mönnum. Útgáfudögum verð­
ur fjölgað og Gunnar Smári fer
í beina og harða samkeppni
við Fréttablaðið – sitt gamla
hugarfóstur. Sú samkeppni
verður blóðug og hörð enda
harðskeyttir kaupsýslumenn í
eigendahópi beggja miðla.
Fréttatíminn kaupir upp
nokkra af smærri fjölmiðlunum.
Kjarninn og Stundin ásamt fleir­
um koma upp í hugann, enda
aðsókn dræm og tekjur litlar.
Tvær grímur renna hins vegar á
nýja eigendur blaðsins eftir því sem
ráðningum Gunnars Smára fjölgar.
Hann er betri í að eyða peningum
en afla þeirra, þótt margt sem hann
geri sé mjög sniðugt. Kostnaðurinn
er við að sliga blaðið þegar líður á
árið. Uppgjör verður í lok árs. Það
verður harkalegt.
Allir fjölmiðlar á Íslandi berjast
í bökkum. Sjónvarpsstöðvarnar
eru eins og beljur á svelli. Neyslu­
mynstur hefur breyst svo hratt að
þær hringsnúast og vita ekki sitt
rjúkandi ráð. Reksturinn er þungur
hjá 365 og Morgunblaðinu. Áfram
verða uppsagnir hjá 365 og mikla
athygli mun vekja þegar Jón
Gnarr hættir óvænt.
Viltu vita hvað
gerist hjá DV?
Já, auðvitað. –
Þar verður hagn­
aður á næsta ári
í fyrsta sinn frá
því elstu menn
muna. Það mun
sannarlega þykja
saga til næsta
bæjar.
„Ætli hún sé að
stríða mér?“
Verða að selj ánn Þetta fólk
stendur í stórræðum á árinu.
Helgi Seljann færir sig yfir til 365.
TERTUR
PAKKAR
RAKETTUR
SMÁVARA
OPNUNARTÍMAR
28.- 29.- 30. des. 10–22
31. desember 9–16
www.stjornuljos.is