Dagblaðið Vísir - DV - 28.08.2015, Blaðsíða 12

Helgarblað 28.–31. ágúst 201512 Fréttir
Þegar þú teflir í klukkutíma notarðu
jafn mikla orku og skákklukka þarf
til að ganga í næstum 100 ár
Opið 10-17 alla daga.
Leiðarlýsingar á landsvirkjun.is/heimsoknir
Það er kraftur í þér. Gagnvirk orkusýning Landsvirkjunar
við Ljósafoss varpar ljósi á orkuna sem býr í öllum hlutum.
Ljósafossstöð er í um 45 mínútna akstursfjarlægð
frá Reykjavík. Verið velkomin.
A
ðalmeðferð í máli tímenn­
inganna sem höfðuðu
skaðabótamál gegn ríkinu
vegna handtöku sinnar
í Gálgahrauni árið 2013,
hefst 21. september í Héraðsdómi
Reykjavíkur. Teknar verða vitna­
skýrslur eins og hefðbundið er í mál­
flutningi sem þessum. Búist er við að
dómur verði kveðinn upp fljótlega
eftir að málið verður tekið til dóms.
Hver og einn úr hópnum krefst
tveggja milljóna króna í skaðabætur
vegna þeirrar meðferðar sem hann
fékk af hálfu lögreglu. Ekkert af þessu
fólki var ákært fyrir mótmæli sín.
Skaðabótamál, ekki sakamál
„Þetta er ekki sakamál, heldur skaða­
bótamál. Fólkið er að sækja rétt sinn
á hendur ríkinu fyrir þá meðferð sem
það hlaut í hrauninu þennan dag,“
segir Ragnheiður Elfa Þorsteins­
dóttir, lögmaður tímenninganna
sem voru að mótmæla framkvæmd­
um vegna nýs Álftanesvegar yfir
Gálgahraun.
Ómar vill tvær milljónir
Málin tíu voru höfðuð fyrir um ári
á hendur ríkinu til greiðslu miska­
bóta vegna ólögmætrar handtöku,
frelsissviptingar og vistunar í fanga­
klefa. Þeir sem höfðuðu málið voru
Eydís Lára Franzdóttir, Kári Waage,
Lárus Vilhjálmsson, Margrét Péturs­
dóttir, Ómar Þ. Ragnarsson, Ragnar
Unnarsson, Reynir Ingibjartsson,
Sigmundur Einarsson, Sverrir Kr.
Bjarnason og Sævar Siggeirsson.
Fordæmalaus meðferð
Spurð hvernig hún meti möguleika
þeirra í málinu segir Ragnheiður að
erfitt sé að segja til um það. „Þetta
snýst um það að hljóta ekki svona
meðferð bótalaust af hálfu ríkis­
ins. Við eigum rétt á því að vera ekki
handtekin og vistuð í fangageymslum
að ósekju. Meðferðin á þessu fólki
er fordæmalaus og það er ekki að
ástæðulausu sem farið er út í aðgerð­
ir af þessu tagi,“ segir hún.
Varði fimm „nímenninga“
Ragnheiður var verjandi fimm af ní­
menningunum sem voru ákærðir
fyrir mótmæli sín í Gálgahrauni og
dæmdi Hæstiréttur Íslands í því
máli í maí síðastliðnum. Nímenn­
ingarnir fengu skilorðsbundna
dóma til tveggja ára, sem þýðir að ef
þeir halda skilorð fellur 100 þúsund
króna sektargreiðslan, sem hver og
einn þeirra var dæmdur til að greiða
í Héraðsdómi Reykjaness, niður.
„Allur lemstraður á eftir“
Ragnhildur Jónsdóttir, formaður
samtakanna Hraunavina, er einn af
nímenningunum sem voru dæmdir.
Eiginmaður hennar og elsti sonur
hennar eru á meðal tímenninganna
sem nú krefjast bóta. „Margir voru
svolítið meiddir eftir þetta. Þó að það
hafi í sjálfu sér ekki verið neitt ofbeldi
gagnvart okkur, þá var verið að bera
mann um hraunið og maður var all­
ur lemstraður á eftir,“ segir Ragnhild­
ur. „Maðurinn minn var hálf beraður
fyrir framan myndavélar. Buxurnar
hans rifnuðu og gleraugun brotnuðu.“
Þakkar þeim sem söfnuðu
Hún vill koma á framfæri kæru þakk­
læti frá Hraunavinum til þeirra sem
tóku þátt í að safna fyrir málskostn­
aði nímenninganna. „Það voru
tvennir tónleikar þar sem allir gáfu
vinnu sína og það var myndlistar­
uppboð. Það safnaðist fyrir kostnað­
inum nánast upp á krónu. Við erum
mjög þakklát öllum fyrir þann stuðn­
ing, hann var ómetanlegur,“ segir
hún en kostnaðurinn nam 150 þús­
und krónum á mann. n
n Aðalmeðferð í máli tímenninganna í Gálgahrauni að hefjast
Miskabóta-
krafa Ómars
Í stefnu Ómars Ragnarssonar má lesa
um miskabótakröfu hans: „Eins og lýst
er hér að framan voru aðgerðir lögreglu
alvarlegt brot á réttindum stefnanda
og annarra þeirra sem safnast höfðu
saman þennan dag til friðsamlegra
mótmæla. Gerræðisleg framkoma
lögreglu var niðurlægjandi og særandi
og hefur hún valdið stefnanda sem er
grandvar og heiðvirður borgari miklu
tilfinningalegu raski og varanlegum
miska. Því er gerð krafa um miskabætur
að upphæð kr. 2.000.000.“
Álftanesvegur
verður tilbúinn
í september
Framkvæmdum við Álftanesveg á að
ljúka í september. Sigurður Ragnarsson,
framkvæmdastjóri framkvæmda hjá
ÍAV, segir verkefnið vera á lokametr-
unum. Verið er að ljúka við kafla frá
Engidal að nýju hringtorgi sem búið var
til. Fyrirtækið fær um 750 milljónir króna
fyrir verkið. Það er ekki heildarkostnað-
urinn heldur liggur viðbótarkostnaður
hjá Vegagerðinni og Garðabæ.
Sigurður segir að verkið hafi gengið
vel. „Eftir erfiðleika í byrjun með mót-
mæli og annað slíkt hefur þetta gengið
ágætlega,“ segir hann og nefnir að
fyrirtækið hafi verið góðu sambandi við
álfana í hrauninu en tveir 60–70 tonna
klettar voru fluttir til eins og greint var
frá á sínum tíma.
Freyr Bjarnason
freyr@dv.is
„Fordæmalaus
Ragnheiður Elfa Þorsteinsdóttir
Skjólstæðingar hennar krefjast tveggja
milljóna króna í bætur, hver og einn.
Sigurður Ragnarsson Framkvæmdum
lýkur í september.
Halda á Ómari
Lögreglumenn bera
fjölmiðlamanninn Ómar
Ragnarsson út í bíl.
Mynd SigtRygguR ARi
meðFerð á Fólki“