Dagblaðið Vísir - DV - 28.08.2015, Blaðsíða 14

Helgarblað 28.–31. ágúst 201514 Fréttir
Þú leigir hjá okkur sendibíl
í stærð sem hentar fyrir
þig, með eða án lyftu,
og keyrir sjálfur.
Hafðu samband
í síma 566 5030
Cargobilar.is
Ertu að flytja?
Vantar þig
sEndibíl?
Komdu
til oKKar
...Eða leigðu lyftu og
gErðu við bílinn sjálf/ur
auðbrEkku 25 (DalbrEkku mEgin) - s. 445-5562
Við gerum
Við bílinn
faglegar
Viðgerðir
Sprenging í fjölda
ferðamanna frá Kína
n Álíka margir til Íslands í lok júlí og allt árið í fyrra n Kynningarstarf Íslandsstofu skilar árangri
Á
líka margir Kínverjar höfðu
heimsótt Ísland í lok júlí og
á öllu síðasta ári. Samtals
höfðu um 24.500 kínverskir
ferðamenn komið til lands-
ins í mánuðinum á meðan saman-
lagt komu rúmlega 26 þúsund hing-
að í fyrra.
Í lok júlí 2014 höfðu tæplega
13.900 Kínverjar komið til Íslands,
samkvæmt tölum Ferðamálastofu,
og nemur aukningin því tæpum 77
prósentum á milli ára. Á sama tíma í
fyrra voru Kínverjar ellefti fjölmenn-
asti ferðamannahópurinn á landinu
en það sem af er þessu ári er hann sá
sjötti fjölmennasti.
„Þetta er gríðarlega hraður
vöxtur,“ segir Þorleifur Þór Jónsson,
sem sér um viðburðarskipulagningu
erlendis fyrir Íslandsstofu.
Koma Íslandi á kortið í Kína
Íslandsstofa hefur lagt töluverða
áherslu á kynningarstarf í Kína á
ferðum til Íslands. Í apríl síðastliðn-
um fengu yfir 300 ferðaþjónustu-
aðilar í Kína kynningu á Íslandi og
Grænlandi sem áfangastað.
„Okkar starf í Kína er fyrst og
fremst að koma okkur á kortið hjá
kínverskum ferðaskrifstofum og
reyna að skapa tengsl þannig að þær
skipti beint við íslenska aðila,“ segir
Þorleifur Þór og tekur fram að engin
markaðssetning sé í gangi gagnvart
almenningi. „Það væri óðs manns
æði fyrir okkar litla land að standa í
því. Við erum fyrst og fremst í því að
fá ferðaskrifstofur til að bjóða Ísland
sem valkost til sinna viðskiptavina.“
Það hefur gengið vel, eins og of-
angreindar tölur sýna. Einnig lýs-
ir velgengnin sér í því að ferðaskrif-
stofan Iceland Travel, sem er hluti af
fyrirtækinu Icelandic Group, hefur
opnað skrifstofu í Peking.
Vegabréfsáritanir í sendiráðinu
Fríverslunarsamningur sem tók gildi
á milli Íslands og Kína í fyrra hefur
einnig hjálpað til við að auka áhuga
Kínverja á landinu. „Hann hjálp-
ar verulega til í öllum samskipt-
um og liðkar fyrir þótt hann sé fyrst
og fremst vörusamningur. Það sem
skiptir kannski enn meira máli er sú
staðreynd að sendiráð Íslands í Pek-
ing er eitt af fáum sendiráðum Ís-
lands sem gefur sjálft út vegabréfs-
áritanir. Það liðkar verulega fyrir,“
segir Þorleifur.
Beint flug til Asíu mikilvægt
Ferðamenn frá Kína voru í tíunda
sæti yfir þá ferðamenn sem komu til
Íslands allt árið í fyrra. Þótt fjöldinn
fari ört vaxandi er kínverski ferða-
mannamarkaðurinn þó enn einn af
þeim smæstu hérlendis. Til saman-
burðar höfðu í lok júlí komið rúm-
lega 37 þúsund bandarískir ferða-
menn til landsins á móti þeim
tæplega 7.500 Kínverjum sem hing-
að komu.
Markaðurinn gæti orðið töluvert
viðameiri ef tekið yrði upp beint flug
á milli Peking og Íslands, eins og hef-
ur verið af og til í umræðunni. „Þetta
verður einn af okkar smærri mörk-
uðum þangað til við verðum komin
með beint Asíuflug,“ segir Þorleifur.
Dregur úr ferðalögum í kreppu
Óvissuástandið í kínverskum efna-
hagsmálum, eftir að stjórn Xi Jin-
pings forseta ákvað að lækka gengi
júansins um 2%, gæti orðið til þess
að eitthvað muni draga úr þeirri
aukningu Kínverja sem koma til Ís-
lands. Þorleifur segir erfitt að segja til
um hvort og þá hvaða áhrif ástandið
í Kína muni hafa á ferðir Kínverja til
Íslands.
„Það þarf að sjá hvað þessi kreppa
verður djúp og löng áður en maður
getur gert sér einhverja grein fyrir
því,“ segir hann. „En auðvitað, eins
og í öllum venjulegum samfélögum,
eru ferðalög eitt af því sem er fljót-
lega skorið niður þegar fer að kreppa
verulega að, eins og menn upplifðu á
Íslandi eftir hrunið.“ n
Freyr Bjarnason
freyr@dv.is
„Okkar starf í Kína
er fyrst og fremst
að koma okkur á kortið
hjá kínverskum ferða-
skrifstofum og reyna að
skapa tengsl þannig að
þær skipti beint við ís-
lenska aðila
Þorleifur Þór Jónsson Aukin áhersla hef-
ur verið á kínverskan markað undanfarin ár.
Erlendir ferðamenn Kínverskum ferðamönnum hefur fjölgað gífurlega að undanförnu.
Kínverjar á Íslandi
síðastliðin fimm ár
Brottfarir Kínverja um Flugstöð Leifs
Eiríkssonar frá 2010 til 2014:
2014: 26.037
2013: 17.597
2012: 14.036
2011: 8.784
2010: 5.194
HEimilD: FErðAmálAstoFA