Fréttatíminn - 19.02.2016, Blaðsíða 28

Fæst í apótekum og heilsubúðum
P
R
E
N
TU
N
.IS
@OptiBac
www.facebook.com/optibaciceland
Bestu meltingargerlar
sem ég hef prófað
”
“
Víðir Þór Þrastarsson,
íþrótta- og heilsufræðingur
frá Háskóla Íslands.
Mynd | Hari
Vatn
Elva Gísladóttir, næringarfræðingur hjá embætti
landlæknis, skrifar árið 2014 leiðbeiningar til al-
mennings með yfirskriftinni: „Vatn er besti svala-
drykkurinn“. Þar segir m.a.: „Við búum við þau
forréttindi hér á landi að geta drukkið vatn beint úr
krananum og bragðgæðin eru mikil. Í vatni er enginn
viðbættur sykur, engin sætuefni, engin sítrónusýra
(E330), engin rotvarnarefni og engin bragðefni. [...]
Stærstur hluti mannslíkamans er vatn og er nægilegt
magn vökva nauðsynlegt fyrir eðlilega líkamsstarf-
semi.“
Við erum vatn. Vatnið er formlaust en getur birst
okkur í ólíkum myndum. Vatnið er alltumlykj-
andi og allt um kring. Vatnið er undirstaða fram-
leiðslu okkar á orku sem við með hugviti um-
breytum í ljós og hita, nútíma eld. Vatnið getur
einnig sefað eld, nært jörð og litað loft. Vatnið
er að mínu viti jafn mikilvægasta náttúruaflið.
Vatnið er eins og kærleikurinn. Það er um-
burðarlynt, leitar ekki sjálfs sín og finnur
sér alltaf farveg. Vatnið er svo margt
fyrir okkur. Það er misjafnt hvernig við
mennirnir metum það. Allt háð birt-
ingarmynd þess og aðstæðum. Vatn er
þyrstum líf. Öldur geta ógnað lífi og
jafnvel tekið það. Sjórinn, hinn van-
máttugi, altumvefjandi herra sem er
þó í raun þjónn himintunglanna, er
vatn. Árnar sem eru uppfullar af vatni
geta verið viðsjárverðar og stöðuvötnin á
fallegum sumardegi, stillt sem sálarspegill,
minna okkur á hvernig vitund okkar getur verið; djúp
og stillt eins og vatnið.
Við Íslendingar metum heitt jarðvatnið mikils. Það
nærir líf okkar. Sundlaugarnar eru athvarf okkar. Þar
hreyfum við okkur. Leiðum innri orku okkar í vatnið
sem tekur við henni og stillir alla okkar vitund. Að
loknum góðum sundspretti, setjumst við í heitan
pott og látum líða úr okkur. Háræðarnar þenjast út
og vellíðan og höfgi færist yfir meðvitund okkar. Nú
er móðins að skella sér í kalt vatn í sundlaugunum og
stunda jafnvel víxlböð. Að umvefja sig heitu og köldu
vatni til skiptis. Menn sem reynt hafa eru sammála
um að slíkt hafi góð áhrif á lundarfar, „herði“ líkam-
ann og geti styrkt ónæmiskerfið.
Svo er það mannsvatnið, tárin. Eitt birtingar-
forma tilfinninga okkar. „Rúðupiss sálar-
innar“, eins og Ragnar Helgi Ólafsson skáld
kemst að orði í einu ljóða sinna í verðlaunuðu
ljóðabókinni: Til hughreystingar þeim sem
finna sig ekki í samtíma sínum.
En vatnið þarf ekki að finna sig, það bara er
og verður. Vatnið er forréttindi. Vatnið er for-
senda.
Mynd af vatni
Vatnið breiðir vitund kalda,
virkjar málm og magnar raf.
Hvetur líf úr faldi fjalla,
færir straum um hauð og haf.
Í borg og sveit ljær vatnið varma,
veitir unað, elur bjarma,
lýsir tár á steinum hvarma. (hu)
Utan hringsins
Héðinn Unnsteinsson
Lífsreynslan
Magnea Arnardóttir þroskaþjálfi ákvað
að eiga sitt annað barn heima hjá sér
með aðstoð ljósmæðra Bjarkarinnar.
Átti barn í stofunni heima
Halla Harðardóttir
halla@frettatiminn.is
„Þegar ég fann að fæðingin var að
byrja sendi ég sms til ljósmóður-
innar sem ég þekkti orðið mjög
vel, ólíkt því sem var þegar ég átti
mitt fyrsta barn,“ segir Magnea
Arnardóttir sem átti sitt annað
barn í uppblásinni sundlaug á
stofugólfinu heima hjá sér. Sitt
fyrsta barn hafði Magnea átt á spít-
ala en var ekki ánægð með þá upp-
lifun og ákvað því að eiga næsta
barn heima. „Ég hefði ekki haldið
að ég væri þessi týpa að fæða
heima en eftir að hafa upplifað
hversu stofnanavædd fæðingin
er og hversu litla stjórn ég hafði á
ferlinu á spítalanum ákvað ég að
prófa þetta.“
„Ljósmóðirin spurði mig um leið
hvernig mér liði og hvað ég vildi
gera, hvort þær ættu ekki bara
að koma en þær vinna alltaf tvær
saman. Við sendum dóttur okkar í
pössun til ömmu sinnar og afa og
stuttu síðar komu svo tvær saman
heim og fengu sér kaffi og beyglur
með okkur. Ég var alls ekkert viss
um að fæðingin væri að bresta
á strax en þær sögðust ekki fara
neitt því barnið væri á leiðinni.
Það var svo magnað að upplifa
hvernig þær mældu aldrei neitt lík-
amlegt, þær bara hlusta og horfa
og vita þannig hvað er að gerast.“
Fyrir dömur og herra
Kringlunni, 2. hæð - 103 Reykjavík | S: 568 9111 | www.augad.is
„Við settum svo „Stingum af“
með Mugison á fóninn og mað-
urinn minn lét vatn renna í upp-
blásna laug á stofugólfinu. Ég
var farin að finna sársaukann
nokkuð stöðugt en ég upplifði
enga hræðslu heldur fannst ég
svo örugg. Fæðingin gekk eins og
í sögu og sonur minn var fæddur
áður en diskurinn með Mugison
var búinn. Ég var alveg í mínum
heimi á meðan þessu stóð, stjórn-
aði algjörlega öllu ferlinu og þær
bara fylgdust með og ráðlögðu
okkur.“
„Eftir fæðinguna lágum við
með nýfæddan son okkar í
fanginu í hjónarúminu á meðan
þær athuguðu hvort það væri
ekki allt í lagi. Það gerðist allt á
okkar hraða og þetta var bara
dásamleg lífsreynsla. Það halda
allir að það séu bara hippatýpur
sem eiga heima en það er alls
ekki þannig. Þetta snýst um að
vera öruggur í sínu umhverfi og
að hafa stjórn á aðstæðum. Ef
ég eignast annað barn þá kemur
ekkert annað til greina en að
eiga það heima.“
Tangarhöfða 2 • 110 Reykjavík • Sími 533 1020 • aman@aman.is
Við erum fluttir í nýtt og glæsilegt húsnæði
að Tangarhöfða 2, 110 Reykjavík.
Hlökkum til að sjá þig.
Áman – víngerðarverslunin þín!
www.aman.is
Áman flytur!
28 | fréttatíminn | Helgin 19. febrúar–21. febrúar 2016