Fréttatíminn - 19.02.2016, Blaðsíða 66

66 | fréttatíminn | Helgin 19. febrúar–21. febrúar 2016
Mynd | Hari
Dans Föstudaginn 19. febrúar klukkan, 11.45 í Hörpu
Dansbyltingin Milljarður
rís verður haldin í Hörpu
til samstöðu gegn ofbeldi á
konum. Skrekksstelpurnar
úr Hagaskóla opna hátíðina
með nýju atriði.
Svanhildur Kristjánsdóttir
svanhildur@frettatiminn.is
„UN Woman bauð okkur að vera
með opnunaratriði dansbylt-
ingarinnar Milljarður rís í Hörpu
í dag, föstudag. Þetta er með
svipuðu sniði og í Skrekk-atriðinu
nema með nýjum áherslum,“ seg-
ir Una Torfadóttur, ein af þremur
höfundum verksins. „Þetta
verður tileinkað konum á flótta
en við flytjum sama lokaerindið
og í Skrekk,“ bætir Erna Sóley Ás-
grímsdóttir, annar höfunda við.
Dansbyltingin Milljarður rís
er nú haldin í fjórða sinn. Í ár
verður dansinn tileinkaður kon-
um á flótta sem leggja líf sitt að
veði í leit að öruggara lífi fyrir sig
og börnin sín. DJ Margeir spilar
undir dansi sem hefst klukkan
11.45 og eru allir velkomnir. Yfir
200 lönd taka þátt í byltingunni
og dansa gegn kynbundnu of-
beldi. Höfundar atriðisins „Elsku
stelpur“ sem sigraði fyrir hönd
Hagaskóla í Skrekk í fyrra, flytja
opnunaratriðið. Skrekksatriði
stúlknanna fór sem eldur um
sinu á netheimum er þær fluttu
svokallað „slam-ljóð“ um raun-
heim unglingsstúlkna í íslensku
samfélagi.
„Við erum gríðarlega spenntar
fyrir þessu og gaman að fá að
taka þátt. Við verðum allar með
„Fokk ofbeldi“ húfurnar frá UN
Women en mér skilst að þær séu
að verða uppseldar, það er slegist
um þær,“ segir María Einarsdótt-
ir, þriðji höfundurinn í hópnum.
Tveimur nýjum meðlimum
hljómsveitarinnar Innblástur
Arkestra var nýlega synjað
um dvalarleyfi á Íslandi.
Einskonar byltingarhljómsveit
kemur reglulega saman með þann
tilgang að vekja athygli á ýmsum
samfélagsmálum og spila á mót-
mælum. Hljómsveitin er alltaf opin
fyrir nýjum meðlimum. Ekki er
skilyrði að kunna á hljóðfæri til að
vera með. Nú liggur hljómsveitinni
á hjarta það óréttlæti sem þeim
finnst felast í Dyflinnar-reglugerð-
inni, enda var tveimur nýjum með-
limum sveitarinnar nýlega synjað
um dvalarleyfi á Íslandi.
Annar þeirra meðlima er íransk-
ur sálfræðingur sem hefur tekið
sér hið íslenska nafn Bogi, enda
merkir íranskt nafn hans „regn-
bogi“. Bogi hefur verið á Íslandi
í fimm mánuði. Bogi hraktist frá
Íran vegna þátttöku sinnar í bar-
áttu minnihlutahópa. Hann fékk
stöðu hælisleitanda í Þýskalandi
en þar segist hann hafa orðið fyrir
ofbeldi og mannréttindabrotum
og flúið til Svíþjóðar. Þar eignaðist
Bogi sænska konu, en fékk ekki að
dvelja í landinu þrátt fyrir það og
tók á það ráð að reyna að komast til
Kanada, en var stöðvaður á Íslandi
á leið þangað með falsað vegabréf.
Síðan hremmingar Boga hófust í
Þýskalandi segist hann hafa lést
mikið, átt erfitt með svefn og glímt
við áfallastreituröskun.
Ámír, vinur hans, er búinn
að vera á Íslandi í átta mánuði. Í
síðustu viku fékk hann þær fréttir
að senda ætti hann til Ítalíu á þeim
forsendum að þar hafi hann þegar
stöðu flóttamanns. Þangað vill
hann þó ekki fara, enda varð hann
þar fyrir kynferðisofbeldi og lög-
regla tók af honum dvalarleyfis-
pappíra, auk þess sem hann hefur
ekki möguleika á húsnæði og vinnu
þar. Ámír vann áður sem rakari í
Íran en ástríða hans er að hanna
kvenmannsföt. Ámír spilar ekki
á hljóðfæri en dansar heldur með
hljómsveitinni. Bogi spilar venju-
lega á saxófón en daginn sem okk-
ur bar að garði hafði Bogi staðið í
ströngu allan daginn að túlka fyrir
fréttamann sem vildi taka viðtal
við Ámír. Hann hafði því ekki tíma
til að ná í saxófóninn heim og spil-
aði á bassatrommu.
Hljómsveitin kallar sig Innblástur
Arkestra og næst spilar hún á aðal-
fundi Samtakanna ‘78. Áður hefur
hún komið fram á mótmælafundi
við Landsbankann vegna Borg-
unarmálsins og öðrum smærri
mótmælafundum.
Hesturinn Skuggi er líklega með
færari hestum landsins. Hann hef-
ur komist í fréttir fyrir að kunna
ýmislegt sem venjulega er bundið
við mannfólkið. Hann kann meðal
annars að mála, telja, sparka í
bolta, brosa og kyssa. Skuggi býr í
hesthúsi í Hafnarfirði ásamt fleiri
hestum. Hann hefur nú eignast
lærisvein. Hesturinn Bylur fór
nefnilega að taka upp eftir Skugga
ýmis trix þegar hann
tók eftir að Skuggi
fékk nammi fyrir slíka
viðleitni. Nú sparkar
Bylur einnig í bolta,
brosir og kyssir.
Þetta getur verið
mikil skemmtun fyrir
þjálfara hestanna og
hestana. Þeir eru
farnir að spila fótbolta
oft í viku. Báðir þykja
hestarnir mjög nám-
fúsir og miklir vinir, þó það hefði
ekki verið raunin fyrst þegar þeir
kynntust. Skuggi þykir stríðinn
og notar trixin sem honum eru
kennd oft til ein-
hvers misjafns, eins
og að taka húfuna
af þjálfara sínum. Svo
virðist sem Skuggi hafi
einlæglega gaman af því
að mála, enda vill hann oft frekar
taka pensilinn aftur í
staðinn fyrir nammi,
sé hvort tveggja í
boði. Það er ekki þar
með sagt að hann hafi
mikinn áhuga á að
mála á striga, heldur
vill hann miklu frekar
mála gólfið, umhverfi
sitt eða óheppna sem
slysast nálægt honum
þegar hann heldur á
penslinum. | sgþ
Lúðrar gegn óréttlæti
Innblástur Arkestra er opin hljómsveit og ekki er
skilyrði að kunna á hljóðfæri til að vera með.
Líf mitt sem hestur
Kjarval íslenskra hesta
Elsku stelpur á Milljarður rís
Þær Erna, Una og María, höfundar sigur-
atriðis Skrekks „Elsku stelpur“ verða með
opnunaratriði á Milljarður rís.
 Myndband á
frettatiminn.is
Pollar og pæjur fá mismunandi sleikjó
Framkvæmdastjóri Ís-
lenskrar dreifingar svarar
gagnrýni. Kvennahús og
kvennakirkja fá að starfa án
gagnrýni.
„Það eru nú haldin Polla- og Pæju-
mót í Vestmannaeyjum og ekki er
það gagnrýnt,“ segir Hafþór Guð-
mundsson, framkvæmdastjóri
Íslenskrar dreifingar, aðspurður
um gagnrýni neytenda á svokall-
aða Polla- og Pæjusleikjóa fyrir-
tækisins.
Þó nokkrir hafa dreift myndum
af sleikjópokunum á samfélags-
miðlum og gagnrýnt að sleikjóar
ætlaðir pæjum séu með ávaxta-
bragði en þeir sem ætlaðir eru
pollum með lakkrís- og kólabragði.
Hafþór vill ekki tjá sig um hvort
fyrirtækið kynjaskipti sælgætis-
pokunum, það sé neytenda og
blaðamanns að túlka.
Sjálfur tengi hann orðin „pollar“
og „pæjur“ þó ekki við sérstakt kyn
og finnst þröngsýnt að gera það.
Þrátt fyrir að Hafþór neiti því að
Íslensk dreifing ætli sælgætið sitt
hvoru kyninu segir hann furðu-
legt að kynjaskipting sælgætis sé
yfirleitt gagnrýnd. Starfrækt séu
kvennahús og kvennakirkjur án
þess að fjallað sé um það í fjölmiðl-
um og finnst honum misræmi í því.
Íslensk dreifing komst einnig í
fréttir fyrr í vikunni fyrir að selja
bæjarskrifstofum Seyðisfjarðar
útrunnið nammi, sem ætlað var
börnum á öskudag. | salka
Sælgætið sem framkvæmdastjóra
Íslenskrar dreifingar finnst ekki
ástæða til að gagnrýna.
Fataverslunin Húrra hefur sölu á
Yeezy Boost skónum í dag, föstu-
dag. Skórnir eru hannaðir af Kanye
West í samstarfi við Adidas og kosta
34.990 krónur. Skórnir eru að fara á
allt að 1000 til 2000 dollara í endur-
sölu. Aðfararnótt fimmtudags voru
tíu manns mættir fyrir utan Húrra
og mynduðu röð í bið eftir skónum.
Stemningin var góð, samkvæmt
upplýsingum Jóns Gunnars Zoëga,
en hann var ellefti í röðinni. „Ég
mætti klukkan hálf 11 fyrir hádegi
á fimmtudaginn. Þeir fyrstu voru
mættir klukkan þrjú í nótt. Ég er í
úlpu og með svefnpoka, við erum
einnig búnir að koma upp tjaldi til
þess að sofa í.“ | sgk
Tjalda í tvær nætur í bið eftir skóm
Sala á skóm Kanye West hefst í dag.