Fréttatíminn - 11.03.2016, Qupperneq 98

98 | fréttatíminn | Helgin 11. mars–13. mars 2016
* E f g r e i t t m e ð N e t g í róm a í - j ú n í & s e p t . - o k t .
WASHINGTON, D.C.
19.999 kr.f rá *
Salvör Gullbrá Þórarinsdóttir
salka@frettatiminn.is
Sindri Ploder er gott dæmi um að æfingin skapar meistar-ann. Hann teiknar nær stans-laust frá því hann vaknar á morgnana þangað til hann sofnar á kvöldin, við eld-
húsborð sem uppi í rúmi. Verk Sindra
vekja víða athygli þessa dagana. Auk
þess að verk hans njóti sín í tékknesk-
íslenskri uppsetningu á Skugga-Baldri
Sjóns, hefur hönnuðurinn Mundi látið
gera prjónateppi upp úr teikningum
hans. Móðir Sindra segir hann ekki
virðast velta nýfenginni velgengni
mikið fyrir sér, heldur haldi hann
framleiðslunni áfram eins og ekkert
hafi í skorist.
Sindri er ekki fyrir að taka leið-
beiningum um hvað skuli teikna, en
vill helst teikna einhverskonar verur,
skrímsli og hauskúpur. Það eru einmitt
þessar fígúrur sem skreyta prjónateppi
Munda. Mundi fékk teikningar Sindra
sendar frá forsvarsmönnum Listar án
landamæra og varð agndofa yfir þeim.
„Hann á meiri heiður af myndverkinu
en ég. Ég hef ekki hitt Sindra ennþá en
hann virðist vera alveg magnaður.“
Sýning með verkum Sindra hangir
nú uppi í leikhúsi Prag í Tékklandi, þar
sem Skugga-Baldur var frumsýndur.
Sindri tók þátt í listasmiðju ungs
fólks með Downs-heilkenni í aðdrag-
anda uppsetningar á Skugga-Baldri og
var í framhaldinu fenginn til liðs við
sýninguna sem listrænn stjórnandi.
Jón Sæmundur, listrænn stjórnandi
sýningarinnar, eða Nonni í Nonna-
búð, er sjálfur þekktur fyrir einkenn-
andi hauskúpuverk sín og eiga þeir
Sindri því hauskúpuáhugann sam-
eiginlegan. „Sindri er svo einlægur og
duglegur listamaður. Mig langar að
vera með sýningu með verkum hans í
galleríinu mínu í sumar, auk þess sem
Sindri leikur í nýju tónlistarmyndbandi
Dead Skeletons.“ Samstarf þeirra sé
því hvergi nærri lokið. Um kallana sem
Sindri teiknar segir Nonni: „Mér dettur
helst í hug að skrímslamyndirnar hans
séu skrímslið í honum.“ Skrímslið
sem býr innra með flestum komi í það
minnsta ekki fram í viðmóti Sindra, en
auk listrænna hæfileika þykir Sindri
einn sá allra ljúfasti að vinna með.
Sýning með prjónateppum Sindra og
Munda var opnuð síðastliðinn miðviku-
dag á Hlemmi Square.
Verurnar
hans Sindra
Sindri Ploder teiknar kalla, skrímsli og hauskúpur alla daga.
Teikningar hans hafa nú ratað á prjónateppi og á sýningu í Tékklandi.
Sindri er ekki fyrir að taka leið-
beiningum um hvað skuli teikna,
en vill helst teikna einhverskonar
verur, skrímsli og hauskúpur. Mynd | Rut
Ágústa Ýr Guðmundsdóttir stund-
ar nám við ljósmyndun og mynd-
bandagerð í School of Visual Arts í
New York. Myndbönd hennar hafa
ratað á vefsíðu MTV og the Fader.
Sjálf hefur hún setið fyrir hjá Ryan
McGinley, þekktum ljósmyndara
sem fann hana í gegnum Instag-
ram. „Ég var látin hlaupa um
borgina í litlu bikiníi í snjó. Hann
tók myndirnar ofan af þökum og
ég varð að fylgja skipunum að-
stoðarmanna, hoppa í snjónum og
hlaupa. Þetta var örugglega kald-
asti dagur lífs míns.“
Ágústa hefur verið dugleg að
koma sér á framfæri og segir ekk-
ert annað duga í þessum bransa.
Á tímabili starfaði hún hjá leik-
konunni Blake Lively við gerð vef-
síðunnar Preserve. Fyrir skömmu
gerðu hún og vinkona hennar
tónlistarmyndband fyrir tónlistar-
mann sem þær fundu í gegnum
Instagram. „Hann var mjög til í
þetta, myndbandið heppnaðist
vel og endaði á MTV og the Fader.
Það er nauðsynlegt að nýta sér
samfélagsmiðla til að koma sér á
framfæri.“
Um þessar mundir er Ágústa
að einbeita sér að myndböndum
og segir ljósmyndageiran hallast
þangað. Stíllinn hennar er nýstár-
legur og undir áhrifum nýmiðla.
„Stíllinn minn einkennist af popp-
kúltúr, samfélagsmiðlum og „cy-
ber“ femínisma. Völdin sem kona
líkt og Kim Kardashian hefur, að
geta birt eina mynd og allur heim-
urinn talar um það. Ég hef gaman
af svoleiðis viðfangsefnum og leik
mér með það.“ | sgk
Allt Instagram að þakka
Ágústa kemur sér á
framfæri í New York með
hjálp samfélagsmiðla
Ágústa heldur mikið upp á stórstjörnuna Kim
Kardashian og leikur sér að myndunum hennar.
„Ég var látin hlaupa
um borgina í litlu
bikiníi í snjó. Hann
tók myndirnar ofan
af þökum og ég varð
að fylgja skipunum
aðstoðarmanna, hoppa
í snjónum og hlaupa.“
Þennan morguninn er Halldór Kossi Ange,
kallaður Angi, á leið í leikskólann. Berglind Erna,
stóra systir hans, í Listaháskólann og foreldrarnir
Steinunn og Tryggvi í vinnuna. Þriðja systkinið,
Vésteinn, er í heimsreisu. Angi byggir fugla-
hreiður með strompi yfir hafragrautnum. Þegar
Berglind spyr hvað sé á teikningu Anga sem
hangir á eldhúsveggnum svarar hann öruggur:
„Tækifæri.“ Eftir frekari umhugsun bætir hann
svo við: „Byssukafbátatækifæri.“
Morgunstund í
Bólstaðarhlíðinni
Mynd | Rut