Fréttatíminn - 29.04.2016, Blaðsíða 2
Fjölskyldan jók hlutaféð í
Langasjó með 250 milljón
krónum úr félagi sem hún átti
á Möltu. Síðan hefur félagið
greitt eigendum sínum vel á
annan milljarð króna með
kaupum félagsins á hlutafé og
lækkun hlutafjár.
Gunnar Smári Egilsson
gunnarsmari@frettatiminn.is
Systkinin sem eiga Matfugl, Gunnar
Þór, Guðný Edda, Halldór Páll og
Eggert Árni Gíslabörn, létu félag í
sinni eigu, sem skráð er á Möltu,
kaupa um tvo þriðju hluta Langa-
sjávar árið 2011 fyrir rúmlega 250
milljónir króna. Ekki fylgir sög-
unni hvernig þau eignuðust þetta
félag, en Malta er skattaskjól. Og
var það enn frekar en undanfarin
ár hafa OECD og Evrópusambandið
mjög þrýst á stjórnvöld á Möltu að
herða skattalöggjöf sína. Lengst af
hafa félög skráð á Möltu ekki þurft
að greiða neina skatta af tekjum
sem verða til utan Möltu né af út-
greiðslum sem renna til aðila utan-
lands eða sem varið er til neyslu
utan eyjunnar.
Gunnar Þór Gíslason, fram-
kvæmdastjóra Langasjávar, sagð-
ist í samtali við Fréttatímann ekki
kannast við að Malta væri skatta-
skjól og sagðist ekki þekkja skatta-
reglur þar. Hann sagði að Coldrock
borgaði skatta þar ytra og ef til þess
kæmi að félagið greiddi eigendum
sínum arð myndu þau systkinin
borga skatta hér heima.
Gunnar lýsti aðkomu Coldrock
Investment að Langasjó í blaða-
grein fyrir rúmu ári, löngu áður
af landsfélög urðu að almennu
fréttaefni á Íslandi. Þar sagði
Gunnar Þór: „Við systkinin erum
endanlegir eigendur að Coldrock
Investments Limted. Skýringin
á tilvist félagsins í hluthafahópi
Langasjávar ehf. er að eitt af dótt-
urfélögum Langasjávar ehf. þurfti
fjárhagslegan stuðning árið 2011 og
við nýttum fjármuni sem við áttum
erlendis til að auka eigið fé fyrir-
tækjanna á Íslandi.
Ekki kemur fram í grein Gunnars
hvernig systkinin fluttu féð til Möltu
og hann vildi ekki til greina frá því
í samtali við Fréttatímann. „Eitt af
fyrirtækjunum lenti í vandræðum
vegna gengislána og við öfluðum
peninga. Við áttum peninga erlend-
is og þeir voru í Coldrock. Þeir pen-
ingar voru fluttir til Íslands,“ sagði
Gunnar.
Þau systkinin eru umsvifamikil í
íslensku viðskiptalífi og landbúnaði.
Auk Matfugls á Langisjór grænmet-
issölufyrirtækið Mata, Síld og fisk
og Salathúsið.
Frá því að Coldrock Investment
greiddi inn rúmar 250 milljónir
króna í Langasjó hefur fyrirtækið
greitt umtalsvert fé út til eigenda
sinna. Það hefur verið gert með
kaupum á eigin hlutabréfum og
með því að lækka hlutafé. Í árs-
reikningi fyrir árið 2014 kemur
fram að vegna þessara viðskipta
hafi greiðsla til hluthafa verið rúm-
lega 800 milljónir króna. Þar sem
maltverska félagið er skráð sem 60
prósent hluthafi hefur það fengið
góðan hluta þessara upphæðar eða
um 485 milljónir króna. Greiðslur
til hluthafa, samkvæmt reikningum
fyrir árin 2013 og 2012, námu sam-
tals um 357 milljónum króna á verð-
lagi áranna. Samtals nema greiðslur
til hluthafa á þessum þremur árum
um 1,2 milljörðum króna á núvirði,
samkvæmt þessum ársreikningum.
Coldrock Investment hefur því
fengið framlag sitt margfalt til baka
á skömmum tíma.
Langisjór fær um 2,5 milljarða
króna í neytendastuðning árlega
GISTÆNÆTUR
SJÚKRATRYGGÐRA
6.968
GISTÆNÆTUR
AÐSTANDANDA
803
GISTÆNÆTUR
AÐSTANDANDA
7.771
Engar upplýsingar um arðgreiðslur til einkafyrirtækja í heilbrigðisþjónustu
Sinnum fékk 171 milljón til að reka sjúkrahótel
Fyrirtækið Sinnum fékk
171 milljón frá ríkinu í fyrra
til að reka sjúkrahótel við
Ármúla 9. Þetta kemur fram í
svari heilbrigðisráðherra við
fyrirspurn Katrínar Jakobs-
dóttur alþingismanns um
kostnað sjúkratrygginga
við einkarekna heilbrigðis-
þjónustu.
Katrín Jakobsdóttir spurði ráðherra
um arðgreiðslur til einkarekinna
heilbrigðisfyrirtækja en hann segir
að ekki sé fylgst með arðgreiðslum
að hálfu ríkisins. „Það finnst mér að
ætti að vera hluti af heildarmynd-
inni: Þarna er fólk að veita þjónustu
fyrir opinbert fé. Það hlýtur að vera
skylda ríkisins að vita hvert pening-
arnir fara.“
„Það er greinilega miklu meiri
peningur í túristum,“ segir Anna
Sigrún Baldursdóttir, aðstoðar-
maður forstjóra Landspítalans, en
fyrirtækið Sinnum ætlar að hætta
starfsemi í maí og ætlar að einbeita
sér að gistingu fyrir ferðamenn.
Miklar deilur voru milli Landspít-
alans og Sinnum á sínum tíma um
þjónustuna enda vísaði fyrirtækið
sjúklingum oft frá sjúkrahótelinu
til að þjónusta ferðamenn.
Anna Sigrún Baldursdóttir segir
að upphaflega hafi verið tekið fé frá
spítalanum til að verja í samning-
inn við fyrirtækið. Hugmyndin hafi
verið að fólk sem þyrfti minniháttar
stuðning og aðhlynningu gæti dval-
ið á sjúkrahóteli til að minnka álag á
spítalanum. Sinnum og sjúkratrygg-
ingar hafi hinsvegar viljað að þeir
sem legðust inn fengju heimahjúkr-
un utan úr bæ. Fólk geti hinsvegar
alveg dvalið heima hjá sér ef það fái
hjúkrunarþjónustu. Því hafi þetta
fallið um sjálft sig og spítalinn notað
þetta minna og minna.
Auk sjúklinga á Landspítalanum
átti fyrirtækið að sinna þeim sem
væru að fara í aðgerðir á öðrum
heilbrigðisstofum eða læknastofum.
Ekkert annað fyrirtæki hefur lýst
sig reiðubúið til að taka við starf-
seminni þar til nýtt sjúkrahótel rís
á lóð Landspítalans árið 2017. | þká
Fréttatíminn
líka á laugar-
dögum
Og nýtt blað fylgir með
Frá og með næstu viku mun
Fréttatíminn koma út tvisvar í
viku, á föstudögum sem fyrr en
einnig á laugardögum. Fyrsti út-
gáfudagur Fréttatímans á laugar-
dögum verður 7. maí.
„Við erum að auka þjónustu við
lesendur og auglýsendur,“ segir
Valdimar Birgisson, framkvæmda-
stjóri Fréttatímans. „Lesendur fá
fleiri góð blöð að lesa og auglýs-
endur fá kost á að auglýsa í nýju og
spræku helgarblaði.“
Samhliða þessu mun útgáfufé-
lagið Morgundagur hefja útgáfu
nýs blaðs. Það verður borið út með
Fréttatímanum bæði á föstudög-
um og laugardögum.
„Þetta verður líflegt tímarit
í dagblaðabroti sem fjallar um
fólk og fjölskylduna, heimilið og
heilsuna, matinn og munúðina og
margt fleira,“ segir Gunnar Smári
Egilsson útgefandi. „Nýja blaðið
verður með annan karakter og
svip en Fréttatíminn og Fréttatím-
inn mun hafa áhuga á öðru efni og
fjalla með öðrum hætti um það.
Þetta verða tvær sjálfstæðar pers-
ónur sem taka sér far með sama
blaðberanum heim til fólks.“
Aðspurður um hvort þetta sé
fyrsta skrefið að því að breyta
Fréttatímanum í dagblað neitaði
Gunnar Smári því. Auglýsinga-
markaðurinn ber aðeins fríblöð
þrjá daga í viku,“ sagði Gunnar
Smári.
Móðurfélag Matfugls er Langisjór en aðaleigendi þess er Coldrock Investment Limited
Helsti kjúklingabóndi landsins
er aflandsfélag á Möltu
Kjúklingarækt nýtur ríkulegs stuðnings með verndartollum. Íslendingar borga allt að helmingi hærra verð fyrir kjúklinginn
sinn en þeir myndu gera ef ríkið verndaði ekki tiltölulega fá kjúklingabú. Matfugl er eilítið minni en Reykjagarður en saman
ná þessir tveir stærstu ræktendur yfir um 75 prósent markaðarins.
Kjúklingarækt nýtur, sem kunnugt er, ríkulegs stuðnings stjórnvalda.
Þótt kjúklingabændur fái ekki beina styrki úr ríkissjóði fær atvinnu-
greinin stuðning af tollvernd. Í nýlegri grein Guðjóns Sigurhjartarsonar
viðskiptafræðings og Jóhannesar Gunnarssonar, formanns Neytenda-
samtakanna, áætluðu þeir verðgildi þessa stuðnings upp á tæplega
5,2 milljarða króna.
Samkvæmt mati Samkeppnisstofnunar nemur markaðshlutdeild
Matfugls um 35 til 40 prósent af markaðnum. Samkvæmt því nemur
styrkur neytenda til Matfugls í gegnum of hátt verð um 1,8 til 2,1
milljarðs króna á ári.
En Coldrock Investment á líka Síld og fisk í gegnum Langasjó. Mark-
aðshlutdeild Síldar og fisks er um 40 til 45 prósent í sölu svínakjöts,
samkvæmt mati Samkeppnisstofnunar. Stuðningur ríkisins við þá
grein er ívið minni að mati Guðjóns og Jóhannesar, eða um tæplega
1,8 milljarðar á ári. Hlutur Síldar og fisks í þeim stuðningi er um 715 til
800 milljónir króna.
Samanlagt er því stuðningur neytenda við fyrirtæki Langasjávar í
gegnum tollvernd og hátt verð um 2,5 til 2,9 milljarðar króna árlega.
Það verður að teljast kostulegt í ljósi frétta síðustu vikna að lang-
stærsti eigandi Langasjávar er aflandsfélagið Coldrock Investment.
2 | FRÉTTATÍMINN | HELGIN 29. APRÍL–1. MAÍ 2016