Fréttatíminn - 29.04.2016, Side 40

Einar Skúlason, göngu-
garpur og leiðsögumaður,
mælir með fimm göngu-
leiðum fyrir þá sem ætla
að reima á sig gönguskóna í
sumar
„Almennt séð er gott að hafa
stígandi í gönguferðum og það er
gott fyrir sjálfstraustið þegar þú
nærð markmiðum þínum og kemst
þangað sem þú ætlar þér. Eins er
skemmtilegt að skoða fjölbreytta
staði, fjöllin eru mörg og leiðirnar
svo margar þannig að það er óþarfi
að fara alltaf sömu leiðina,“ segir
Einar Skúlason, göngugarpur og
leiðsögumaður.
Einar, sem skrifað hefur þó
nokkrar göngubækur, mælir hér
með fimm fjöllum sem henta vel
fyrir byrjendur. „Leiðirnar má fara
í þessari röð og í framhaldinu er
hægt að fara til dæmis á Helgafell í
Hafnarfirði, Þyril og Brekkukamb
í Hvalfirði, upp að Steini í Esjunni,
Skálafell við Hellisheiði, tinda Akra-
fjallsins og fleira.“
VÍFILSSTAÐAVATN OG
GUNNHILDARVARÐA
Þetta er mjög góð ganga fyrir byrj-
endur til að prófa gönguskóna, taka
nokkra kílómetra og ná smávegis
hækkun í leiðinni. Byrjað er á því
að ganga einn hring í kringum
vatnið og svo er gengið upp að
Gunnhildarvörðunni. Þaðan blasa
Vífilsstaðir við og það þótti einmitt
gríðarlegur áfangi í bataferlinu þeg-
ar berklasjúklingi tókst að komast
upp að vörðunni. Þegar komið er
niður aftur má taka annan hring í
kringum vatnið, ef fólk er í stuði.
Gangan tekur 1,5 klukkustund.
BÚRFELLSGJÁ OG BÚRFELL
Búrfellsgjáin er ein af perlum
höfuðborgarsvæðisins. Þarna rann
hraunið forðum sem við þekkjum
úr Hafnarfirði og Garðabæ. Gengið
er um Hjallamisgengið og um Búr-
fellsgjána eftir að hafa staldrað við
hjá Vatnsgjá og Gjáarrétt. Með því
að ganga upp á Búrfellið og hring-
inn í kringum gíginn fæst ágætis
hækkun.
Gangan tekur 2,5 klukkustundir.
HELGAFELL Í MOSFELLSBÆ
Það er fínt næsta skref að fara á
Helgafellið í Mosfellsbæ til að sjá
yfir sundin blá, en ekki gleyma
að taka líka einhverja vegalengd í
leiðinni og það er upplagt að halda
áfram áleiðis í Skammadal þar sem
skemmtileg þyrping lítilla sumar-
húsa er í kringum matjurtagarða
borgarinnar og ganga svo niður
meðfram Varmá í sömu göngu.
Þannig næst þó nokkur hækkun og
mjög fjölbreyttur gönguhringur um
svæði sem kemur á óvart.
Gangan tekur 2 klukkustundir.
MOSFELL Í MOSFELLSBÆ
Mosfellið sker sig frá öðrum fellum
á svæðinu að því leyti að það er
langyngst. Þetta er unglingur með-
al öldunga og hentar því vel frísku
fólki. Hækkunin er líka góð og fal-
legt að sjá Esjuna í nærmynd, þá
sérstaklega Kistufellið og Mosfells-
dalinn allan. Aldrei að vita nema að
þið sjáið glitta í silfur Egils einhvern
tímann í ferðinni og andi Halldórs
Kiljan Laxness svífur yfir vötnum.
Gangan tekur 2 klukkustundir.
ÞORBJÖRN Í GRINDAVÍK
Þorbjörninn er þannig að hann
kemur þeim skemmtilega á óvart
sem fara þar í fyrsta skipti. Neðan
frá virkar hann eins og hvert annað
fell, en hver hefði ímyndað sér að
uppi séu leifar af herstöð og hin
djúpa og fallega Þjófagjá sem á sér
svo skemmtilega þjóðsögu. Það er
upplagt að byrja í skógræktinni
og fara niður að sunnanverðu um
Gyltustíg og fylgja svo Reykjavegi
vestan megin við fellið aftur í skóg-
ræktina.
Gangan tekur 2,5 klukkustundir.
Farðu í gönguferð
með Wappinu
Wappið er smáforrit fyrir snjall-
síma í eigu Einars Skúlasonar.
Wappið hefur að geyma safn
fjölbreyttra GPS leiðarlýsinga
um allt Ísland með upplýsingum
um örnefni, sögur, náttúru og
umhverfi til
þess að njóta
ferðarinnar
sem best. Allar göngurnar sem
Einar mælir með hérna eru í
Wappinu. Forritið er sótt með
því að fara inn á Wapp – Walking
app í Appstore eða Playstore.
Það kostar ekkert að hlaða
Wappinu inn, en til þess að hlaða
inn gönguleiðum með korti og
leiðarlýsingu þarf að vera með
reikning hjá Itunes eða Playstore.
Leiðirnar kosta ýmist 150-300
krónur eða eru í boði einhvers.
5 fjöll fyrir
byrjendur
Einar Skúlason
og synir hans,
Emil Skúli,
Gabríel Gauti
og Steinn Ingi,
gengu Lauga-
veginn í fyrra.
Útivist
40 | FRÉTTATÍMINN | HELGIN 29. APRÍL–1. MAÍ 2016