Fréttatíminn - 15.04.2016, Síða 48

Skyr.is próteindrykkur
– próteinrík og
kolvetnaskert nýjung
Handhægt og hollt fyrir fólk á ferðinni
Unnið í samstarfi við MS
Öll vitum við að mataræði og næring skiptir miklu máli til að viðhalda góðri heilsu og gera okkur kleift
að takast á við þau ólíku verkefni
sem okkar bíða í hinu daglega lífi.
Lykillinn að góðum og varanlegum
árangri og heilbrigðum lífsstíl er
finna gott jafnvægi milli hreyfingar
og mataræðis. Jafnvægið snýst
um að endurtaka góðar og hollar
ákvarðanir á kostnað hinna óhollu
og hafa það ætíð hugfast að góð
heilsa og gott líkamlegt form er
ekki áfangastaður eða einhver
endapunktur, heldur lífsstíll sem við
viljum temja okkur til að vera betur
í stakk búin til að takast á við lífið í
öllum sínum myndum.
„Skyr.is próteindrykkur er nýr
kolvetnaskertur drykkur frá MS
sem inniheldur 25% meira prótein
en hefðbundnir skyrdrykkir og er
að auki fitulaus,“ segir Björn S.
Gunnarsson, næringarfræðingur og
vöruþróunarstjóri MS. „Vöruþróun
MS tekur mið af kalli og óskum
neytenda og bjóðum við því stolt
upp á þessa nýjung sem íslenskir
neytendur munu vonandi taka
fagnandi enda gæðavara og rík af
próteini, kalki, vítamínum og öðrum
steinefnum,“ segir Björn og bætir
við að sífellt sé unnið að því hjá
fyrirtækinu að fjölga valkostum fyrir
neytendur og m.a. lögð rík áhersla á
að draga úr viðbættum sykri.
Drykkirnir eru seldir í 300 ml
fernum og verða fáanlegar í þremur
ljúffengum bragðtegundum til
að byrja með: með suðrænum
ávöxtum, jarðarberjum og ban-
önum og loks drykkur með mangó,
spínati og engifer. „Umbúðirnar eru
endurvinnanlegar með skrúftappa,
sem hefur mælst vel fyrir meðal
neytenda, en þær draga úr sóun þar
sem hægt er að loka fernunni og
klára úr henni seinna,“ segir Björn.
Skyr.is próteindrykkur er hollur og
góður valkostur sem hentar fullkom-
lega sem morgunmatur eða millimál
og mætti í raun kalla drykkina hand-
hægt boozt sem hægt er að grípa
með sér þegar maður er á ferðinni,
í skóla eða vinnu, á leiðinni í fjall-
göngu eða aðra útivist.
Kynningar | Matartíminn
Þarf alltaf
að vera kjöt?
mt. Anita Briem og eiginmaðurinn, Constantine.
Girnilegt kjötlaust chilli úr smiðju
Anitu Briem og Sollu
Leikkonan Anita Briem var að senda frá sér
huggulega matreiðslubók sem hún vann með
Sollu Eiríks, sem oftast er kennd við veitinga-
staðinn Gló. Bókin kallast Mömmubitar og fjallar
um mat og hollustu á meðgöngu. Anita og eigin-
maður hennar, Constantine Paraskevopoulus,
eignuðust dóttur fyrir tveimur árum og kviknaði
hugmyndin að bókinni á meðgöngunni.
Chilli sin Carne með súkkulaði, toppað með avókadó og jógúrt
400 g soðnar svartar baunir
eða 1 dós niðursoðnar
2 msk góð olía eða ghee (skírt
smjör)
til steikingar
1 rauðlaukur, smátt saxaður
4 hvítlauksrif, pressuð
2 rauð chilialdin, smátt söxuð
2 tsk cuminduft
1 tsk reykt paprika eða chipotle-
pipar
1 tsk óreganó
1 lárviðarlauf
1 kanilstöng
500 g blandað grænmeti (gulrætur,
rauð paprika, sæt kartafla, sell-
erístönglar)
4 msk tómatpúrra
800 ml maukaðir tómatar eða
tómatpassata
1½ tsk sjávarsaltflögur
40 g lífrænt 70% dökkt súkkulaði

Ofan á:
grísk jógúrt, nokkrar avókadósneið-
ar,kóríanderlauf og límónubátur

Leggðu baunirnar í bleyti yfir nótt
og sjóddu þær samkvæmt leiðbein-
ingum, eða notaðu niðursoðnar
baunir. Hitaðu olíu í potti og settu
rauðlauk, hvítlauk, chili og krydd
út í og láttu krauma í 3-5 mínútur,
eða þar til það er farið að mýkjast.
Skerðu grænmetið í bita, bættu
því út í og láttu malla í nokkrar
mínútur. Hrærðu tómatpúrrunni
saman við ásamt maukuðum tóm-
ötum og láttu sjóða við vægan hita
í 25 mínútur. Bragðbættu með salti
eftir smekk. Skerðu súkkulaðið í
litla bita, bættu því út í og hrærðu
í þar til það hefur bráðnað. Stráðu
kóríanderlaufi yfir og berðu fram
með grískri jógúrt, nokkrum avó-
kadósneiðum og límónubátum.
48 | FRÉTTATÍMINN | HELGIN 15. APRÍL–17. APRÍL 2016