Fréttatíminn - 19.08.2016, Blaðsíða 26

26 | FRÉTTATÍMINN | Föstudagur 19. ágúst 2016
Aldursaðgreining
Vestræn samfélög eru upptekin af
því að flokka fólk eftir aldri og greina
svo hópana vandlega í sundur. Ein
djúpstæðasta tvíhyggja í þessum
samfélögum er andstæðuparið:
Æska og elli. Þessu tvennu viljum
við alls ekki blanda saman. Hóp­
arnir tveir eiga helst ekki að hittast
of mikið og við smíðum alls konar
klisjur um það hvernig einstaklingar
innan þeirra eiga að haga sér.
Samt er í raun ekkert merkilegt
við aldur. Að eldast er það sem við
gerum alveg frá því að við drögum
fyrsta andardráttinn. Ástandið varir
alla ævi og því nærri óskiljanlegt
hvað við erum upptekin af neikvæð­
um hliðum þess að eldast, í ljósi þess
um hve eðlilegt ferli er um að ræða.
„Hagaðu þér eftir aldri!“ er stund­
um sagt við þá sem virðast ekki vilja
gangast við því að hafa náð ákveðn­
um aldri og vilja haga sér eins og
unglingar langt fram eftir lífi. Slíkt
getur stundum verið vandræðalegt
en klisjur um aldur, sem eins og
aðrar klisjur hjálpa okkur að skilja
heiminn, þarf að uppfæra á hverj­
um tíma. Til dæmis mun þeim eldri
konum fækka sem tilbúnar eru til að
fara í peysufötin og róa fram í gráðið.
Er drottningin með þetta?
Þó að Elísabet Englandsdrottning sé
tæpum 20 árum eldri en rokkgoðin
tvö sem eftir lifa úr hljómsveitinni
The Who, Roger Daltrey og Pete
Townshend, þá teljast þau öll þrjú
til eldri borgara Bretlands í dag. Á
meðan rokkararnir leiddu æskulýð­
inn með lögum sínum í gamla daga,
þá tilheyrði drottningin alltaf heimi
hinna fullorðnu og þá einhvers kon­
ar öfga útgáfu af þeim heimi, slík var
reglufestan og hefðablætið.
Elísabet drottning er, eins og
heimsbyggðin veit, nýorðin ní­
ræð. Þar bættist við einn tugur í
viðbót hjá henni sem hún hefur þó
varla haft miklar áhyggjur af því.
Kannski er það of seint og kannski
hefur hún ekki áhyggjur af neinu
nema fjölskyldunni, þegnum sín­
um og kannski ríkjasambandinu nú
til dags.
Í gegnum tíðina hefur Elísabet
auðvitað ekki þurft að hafa áhyggj­
ur af mörgu í því sem einkennir dag­
legt lífs þorra fólks. Hún þarf ekki að
skipuleggja ferðir sínar, velta fyrir
sér verði á lestarferðum eða flugmið­
um. Hún þarf ekki að þrífa klósettið
eftir allt of langa bið áður en gestir­
nir koma í heimsókn og þarf ekki að
vaska upp svo hún geti með góðri
samvisku eldað nýrnaböku fyrir sig
og sína. Hún er með fólk í þessu öllu.
Elísabet kann að virka lítt hófstillt
manneskja við fyrstu sýn, opinbera
útgáfan af henni er nú einu sinni
með demantsetta kórónu á höfði.
Samt kann drottningin að lifa lífinu.
Þó að líklega hafi nú dregið göngu­
túrum hennar í seinni tíð þá gekk
hún áratugum saman um landar­
eignir sínar, yfir þýft landslagið í
vönduðum og skjólgóðum úti vistar­
fatnaði, tweet­fötum og vaxborn­
um jökkum. Þar fylgdist hún með
fuglum af stóískri ró og naut nátt­
úrunnar sem allt of margir þegnar
hennar ná ekki nægum tengslum
við í  borgum Bretlands. Göngutúrar­
nir, ásamt hestamennskunni og hóf­
stilltu mataræði (ef litið er framhjá
kóngaveislunum), hafa líklega reynt
hæfilega mikið á stoðkerfið. Ketil­
bjölluæfingar og spandex­hjól reiðar
hafa ekki verið hennar tebolli, frekar
en rokk og ról. Fjölmargir hund­
ar hafa líka haldið drottningunni
félags skap enda er líklega oft æði
einmanalegt á toppnum.
Hugsað um aldur
Margir eru hræddir við aldur og
það að eldast. Menningin elur á
þeim ótta. Ellin og það að eldast
er umfjöllunarefni sem við viljum
oft mála sterkum og dökkum litum
í listum og fjölmiðlum. Útlits dýrkun
og auglýsingamennska í kringum
hana er líka risavaxið vandamál
sem elur á óhamingju margra, fær
þá til að klípa í aukakíló frammi
fyrir speglum og telja hrukkur á
enni. Sölumenn alls konar krema og
aldursmildandi lausna vita þetta vel
og þeir nýta sér þann ótta, skiljan­
lega. Aldur er þannig iðnaður og
risavaxin hagstærð.
Við þurfum við að temja okkur
opnari hugmyndir um aldur og það
að eldast, reyna að vinna til dæm­
is gegn félagslegri aðgreiningu milli
kynslóðanna. Við þurfum að brjóta
niður klisjur um aldur eða alla vega
uppfæra þær í samtímanum.
Lagið góða, My Generation, sem
þeir félagar í The Who sungu og léku
árið 1965 er eins konar þjóðsöngur
enskrar unglingamenningar. Í text­
anum segir á einum stað „I hope
I  die before I get old.“ Svo liðu
árin. Á sextugs afmælinu sínu, árið
2005, lýsti höfundur lagsins, Pete
Townshend, því yfir að hann væri
miklu hamingjusamari en hann var
þegar hann gerði þessi orð ódauð­
leg. Townshend er allt önnur mann­
gerð en Elísabet drottning. Ætli það
sé ekki best að finna sér fyrirmynd
einhvers staðar mitt á milli þeirra.
Höfundur er að reyna að skrifa
sig frá „tímamótum“ sem eru
fram  undan.
Að ganga um í náttúrunni, skoða fugla og leika sér við hundana hefur skilað Elísabetu II langt.
„Að eldast er það sem við
gerum alveg frá því að við
drögum fyrsta andardrátt-
inn. Ástandið varir alla ævi
og því nærri óskiljanlegt
hvað við erum upptekin af
neikvæðum hliðum þess
að eldast, í ljósi þess um
hve eðlilegt ferli er um að
ræða.“
volundarhus.is · Sími 864-2400
VERÐTILBOÐ - GESTAHÚS 25 m²
með 9 m² yfirbyggðri verönd
kr. 1.699.900,- án fylgihluta.
kr. 1.999.900,- með fylgihlutum og
byggingarnefndar teiknisetti.
Grunnmynd og nánari
upplýsingar á heimasíðu
volundarhus.is
www.volundarhus.is
Vel valið fyrir húsið þitt
SUMARTILBOÐ
Á GESTAHÚSUM OG GARÐHÚSUM
V
H
/1
6-
03
34 mm bjálki / Tvöföld nótun
TILBOÐ - GARÐHÚS 4,7m²
m/opnanlegum glugga
kr. 189.900,- án fylgihluta
kr. 219.900,- m/fylgihlutum
70 mm bjálki / Tvöföld nótun
TILBOÐ - GARÐHÚS 9,7m²
kr. 299.900,- án fylgihluta
kr. 359.900,- m/fylgihlutum
TILBOÐ - GARÐHÚS 4,4m²
kr. 169.900,- án fylgihluta
kr. 199.900,- m/fylgihlutum
34 mm bjálki / Tvöföld nótun
50% afsláttur
af flutningi á
GARÐHÚSUM og
GESTAHÚSUM
á allar þjónustu-
stöðvar Flytjanda.
GESTAHÚS og
GARÐHÚS
sérhönnuð fyrir
íslenskar aðstæður
Sjá fleiri
GESTAHÚS og
GARÐHÚS á tilboði
á heimasíðunni
volundarhus.is ATH! 34 mm bjálki / Tvöföld nótun