Fréttatíminn - 19.08.2016, Blaðsíða 10

10 | FRÉTTATÍMINN | Föstudagur 19. ágúst 2016
skýrslur á heimasíðu hjálpar-
samtakanna.
Í opinberri skráningu Hjálp-
arsamtaka bágstaddra barna er
Gunnar Bender skráður formaður.
Fréttatíminn hafði þá samband
við Eggert Skúla og tók við hann
stutt viðtal sem birtist í blaðinu 5.
ágúst. Að viðtalinu loknu hringdi
Eggert svo sérstaklega í Frétta-
tímann, til að hnykkja á því að
Gunnar Bender væri sannarlega
formaður samtakanna. Þeir hefðu
rætt saman í síma og það væri al-
veg á hreinu.
Í samtali við Fréttatímann
sagði Eggert Skúli að til stæði að
fyrsta úthlutun samtakanna yrði
í október. Þremur dögum eftir
umfjöllun blaðsins um nafnlausa
peninga söfnun Hjálparsamtak-
anna, var tilkynnt að heimasíðu
þeirra að þau hefðu styrkt Mæðra-
styrksnefnd með skóladóti fyrir sex
ára börn. Þá var heimasíða uppfærð
strax eftir samtöl við Fréttatímann,
símanúmer samtakanna skráð á
já.is og nöfn Gunnars og Eggerts
Skúla skráð á síðuna.
Á heimasíðunni stóð meðal
annars:„Allt okkar starf byggir á
frjálsum framlögum“. Ekkert starf
var þó hafið hjá samtökunum þegar
heimasíðan, með þessum orðum,
var opnuð. Skömmu síðar var þess-
um orðum breytt á síðunni.
Ekki er vitað til þess að Gunnar
Bender og Eggert Skúli hafi áður
komið nálægt hjálparstarfi.
Vill endurgreiðslu frá Hjálparsam-
tökunum
Aðstandandi fyrirtækis á höfuð-
borgarsvæðinu var einn þeirra
sem hreifst af framtaki Hjálpar-
samtaka bágstaddra barna. „Eftir
að hafa lesið frá þeim tölvupóst
ákvað ég að fyrirtækið myndi
styrkja söfnunina um nokkra tugi
þúsunda og lagði inn á reikning
samtakanna. Það gerði ég í góðri
trú. Svo þegar við fórum að skoða
málið betur, fannst okkur mjög
skrítið að ekki væri neinstaðar
nöfn á þeim sem voru með söfnun-
ina. Ég hafði meira að segja deilt
færslu frá samtökunum á Face-
book-síðu fyrirtækisins og hvatt
aðra til að styrkja þá líka. Ég fékk
auðvitað sjokk þegar ég fattaði að
þetta væri eitthvað skrítið, tók út
færsluna og svo höfðum við sam-
band við lögguna.“ Konan segir að
Úr samþykktum
Hjálparsamtaka
bágstaddra barna.
hún ætli að krefjast endurgreiðslu
frá samtökunum. Fréttatíminn
hefur kvittanir fyrir millifærslun-
um undir höndum.
Harðfiskframleiðendur saka Egg-
ert um svik
Viðskiptasaga Eggerts Skúla er
nokkuð skrautleg en hann virðist
tengjast mörgum fyrirtækjum
án þess endilega að vera skráður
tengdur aðili. Meðal þess má nefna
Fisksöluna ehf. Alexandra ehf,
K100, H32 og Icelandic Market and
sale ehf svo eitthvað sé nefnt. Tvö
þessara fyrirtækja eru vánúmer
sem ríkisskattstjóri hefur afskráð
með sérstökum úrskurði.
Nokkrir harðfiskframleiðend-
ur segja í samtölum við Frétta-
tímann, að Eggert Skúli hafi svikið
þá og ekki greitt fyrir fiskinn sem
hann fékk frá þeim til endursölu
fyrir nokkrum árum. Þar á meðal
Ver ehf í Þorlákshöfn og harðfisk-
sala á Vestfjörðum.
Fréttatíminn ræddi einnig við
mann sem var í forsvari fyrir harð-
fiskframleiðanda á Akranesi fyrir
nokkrum árum. Eggert Skúli sagð-
ist geta komið harðfisknum á stór-
an markað í Noregi og vildi fá að
kaupa af honum fisk. Eftir nokkra
mánuða viðskipti, þar sem Eggert
Skúli borgaði samviskusamlega
fyrir harðfiskinn sem hann fékk,
fóru málin að breytast. Þá vildi
hann fá meira magn og einnig fóru
sögur af því að harðfiskurinn væri
seldur í hús á Íslandi. Dag einn kom
Eggert Skúli til harðfiskframleið-
andans, sagðist hafa landað stórum
samningi og vildi fá eins mikinn
fisk og til væri á lager. Hann hafði
af framleiðandanum talsvert magn
af harðfiski, fyrir um það bil eina
og hálfa milljón, en borgaði aldrei
fyrir. Harðfiskframleiðandinn seg-
ir Eggert Skúli hafa gefið á þessu
loðnar skýringar og aldrei hafa gert
upp skuldina. „Þegar ég lokaði á
hann, sneri hann sér hinsvegar að
næsta framleiðanda sem fór verr út
úr þessu en við.“
Stærði sig af tengslum við
Vítisengla
Sigurður Jóhannsson tengdist með
fjölskylduböndum útgerðarfélaginu
Hvammi ehf í Hrísey, sem meðal
annars seldi harðfisk. Hann seg-
ist hafa slæma reynslu af Eggerti
Skúla, sem hann kynntist lítillega
fyrir fáeinum árum. Þá setti Eggert
Skúli sig í samband við fyrirtækið
og bauðst til að selja harðfiskinn í
Noregi. „Það varð úr og Eggert Skúli
fékk nokkrar sendingar af harðfiski
til að fara með út. Í þessum bransa
er algengt að greiðsla fyrir slíkar
pantanir berist um einum og hálf-
um mánuði eftir að fiskurinn hefur
verið afhentur. Eggert Skúli fékk að
minnsta kosti í þrígang um hundrað
kíló af fiski, sem þá voru kannski
700 þúsund króna virði. Svo kom
að því að hann vildi fá meira magn.
Það endaði með því að hann fékk
tvær sendingar með stuttu millibili
fyrir samtals 1600 þúsund krónur.
Hann hafði staðið í skilum á fyrstu
sendingunum svo við höfum enga
ástæðu til að vantreysta honum.
En eftir að hann fékk tvær stórar
sendingar, sáum við aldrei peninga
frá honum. Hann sagði okkur alltaf
að þeir væru á leiðinni, en svo borg-
aði hann ekkert. Fyrir rest var hann
ekkert nema kjaftur. Hann vissi að
ég hafði búið í Noregi og státaði sig
meðal annars af því að hafa tengsl
við Vítisengla á svæðinu. Ég svaraði
honum fullum hálsi og eftir þetta
var eins og hann hyrfi af yfirborði
jarðar. Hann lét ekkert ná í sig og
skráði sig út af Facebook. Svo fór
hann af stað aftur með Fisksöluna
ehf.
Sigurður Jóhannsson
segir Eggert Skúla
hafa hlaupist á brott
eftir að hafa fengið
harðfiskpöntun frá
Hvammi ehf í Hrís-
ey, fyrir meira en
eina og hálfa milljón
króna. Þegar gengið
hafi verið eftir
greiðslunni, á Eggert
Skúli að hafa stært
sig af tengslum við
Vítisengla í Noregi.
Davíð Gísli Karlsson,
lögfræðingur hjá
Ábyrgðasjóði launa,
segir það vekja
grunsemdir þegar
fólk vinnur lengi hjá
fyrirtækjum án þess
að fá greitt fyrir.
Gunnar Bender vill
að Ábygðasjóðurinn
greiði sér peninga
vegna þess að fyrir-
tæki tengt Eggerti
hafi ekki borgað
honum laun í marga
mánuði.