Fréttatíminn - 27.08.2016, Side 16

16 | FRÉTTATÍMINN | Laugardagur 27. ágúst 2016
Birna Rún Kolbeinsdóttir er
17 ára. Þegar hún varð fyrst
skotin í Justin Bieber hélt
hún að þau væru sálufélagar
og ættu eftir að giftast. Ást
hennar á Bieber hefur breyst
og þroskast.
Hvaða tilfinningar berðu til Justin
Bieber?
„Mér finnst hann mjög flottur
gæi. Bara frábær gaur. Ég hef verið
skotin í honum síðan ég var 11 ára.“
Myndirðu segja að þú værir
ástfangin af honum?
„Já, ég myndi segja það.“
Hvernig er að vera skotin í mann-
eskju sem þú hefur ekki hitt?
„Ég hugsa mjög mikið um hann
og þegar ég var yngri hélt ég í
alvöru að hann myndi giftast mér.
Ég eyddi öllum peningunum mín-
um í að kaupa plaköt, boli, spil og
tímarit með myndum af honum. Ef
ég sá hann í einhverju blaði, gat ég
verið mjög lengi að safna mér fyrir
því. Ég þakti alla veggi í herberginu
heima hjá mér með myndum af
honum. Ég tók þær reyndar niður
þegar ég byrjaði í 8. bekk.“
Voru þetta raunverulegar tilfinn-
ingar?
„Já, ég hélt innilega að við værum
sálufélagar og að við myndum gift-
ast hvort öðru. Mér fannst við hafa
alveg sérstaka tengingu. Allt sem
hann sagði í viðtölum lét mér líða
þannig. Til dæmis var uppáhalds-
maturinn hans var spagettí og pítsa
og það var líka uppáhaldsmaturinn
minn á þeim tíma. Hann var svo
einlægur og góður. Ég hugsaði að
þetta gæti ekki verið tilviljun.
That should be me var uppá-
haldslagið mitt og ég fór alltaf að
gráta yfir því. Hann var ekki bú-
inn að gera myndband við það og
ég ímyndaði mér alltaf að ég myndi
leika í því. Hann var þá að syngja
um stelpu sem hann langaði til að
vera með en hún var með einhverj-
um öðrum.“
Fór það í taugarnar á þér að aðrar
stelpur væru skotnar í honum?
„Já, en ég hugsaði að þær ættu
ekkert í mig, mér fannst ég elska
hann miklu meira og ég þyrfti ekki
einu sinni að sýna það. Ég upplifði
raunverulega tengingu.“
Hvenær stóð þetta sem hæst?
„Svona í sjöunda bekk. Þá bað ég
vinkonur mínar oft að koma heim
til mín að klippa út myndir af Justin
Bieber.“
Hefur ást þín til hans þróast?
„Já, ég er ekki heltekin lengur.
En mér finnst hann ennþá mjög
sætur og skemmtilegur og búa til
góða tónlist. Ég efast til dæmis
um að ég eigi eftir að giftast hon-
um. Ég er ekki lengur með hann
upp um alla veggi og ég eyði ekki
lengur öllum peningunum mínum
í hann. En ég er auðvitað einlægur
aðdáandi. Ég held mest uppá One
time og languppáhalds lagið mitt er
Favorite girl. Eða Pick me.“
Verður maður aldrei of gamall til að
hlusta á hann?
„Nei, hann er ennþá í takt við
tímann og kemur með nýja góða
tónlist. Ég er alltaf mjög spennt að
heyra nýjustu lögin hans.“
Hvernig verður að hitta hann?
„Ég veit það ekki, ég bara veit
ekki hvað ég mun gera. Ég á örugg-
lega eftir að fara að gráta.“
Anna Schalk, 16 ára, hefur
borið sterkar tilfinningar til
Justin Bieber frá því hún var
barn. Hún segir þau bæði
hafa þroskast undanfarið.
Hvaða tilfinningar berðu til Justin
Bieber?
„Hann var einn af fyrstu skot-
unum mínum svo ég ber mjög
sterkar tilfinningar til hans. Ást og
væntumþykju. Og þakklæti. Hann
er fallegasti maður sem uppi hefur
verið, hann syngur eins og engill og
er með risastórt hjarta.“
Ertu ástfangin af honum?
„Ég myndi allavega mjög gjarn-
an vilja kynnast honum, þó ég viti
helling um hann. Þetta er einskonar
ást. Ekki alveg platónsk en samt að
einhverju leyti. Mjög einlæg.“
Hugsarðu oft til hans?
„Ég hugsa oft um hvað hann sé
að gera þá og þá stundina og með
hverjum. Ég hugsa um hvernig ég
var þegar ég byrjaði að hlusta á
hann og fylgjast með honum og
hvernig ég hef breyst og hvern-
ig tónlistin hans hefur breyst og
hvernig við höfum þroskast.“
Hvernig hafið þið þroskast?
„Við höfum bæði fengið okk-
ar eigin stíl og öðlast rökhugsun,
orðið kynþroska, orðið ástfangin,
sem hann talar mikið um í lögun-
um sínum sem ég tengdi mikið við
þegar ég gekk í gegnum það sama
og hann. Og hvernig við höfum gert
mistök og lært af þeim.“
Justin Bieber
var fyrsta ástin í
lífi Önnu Schalk
og hún ber enn
sterkar tilfinn-
ingar til hans.
Birnu Rún Kolbeins-
dóttur fannst hún
eiga alveg sérstaka
tengingu við Justin
Bieber og sá fyrir
sér að hún myndi
leika í myndbandi
við uppáhalds lagið
sitt með honum.
Höfum bæði lært af mistökum
Á eftir að fara að gráta
20-70%
AFSLÁTTUR
Síðumúla 30 - Reykjavík | Sími 533 3500
Hofsbót 4 - Akureyri | Sími 462 3504
Ruggustóll Dawood
Púðar
Yankee Candle
Handklæði
Ruggustólar
Rúmteppi
Sængurver
Hvíldarstólar
Gjafavara
Sængurver