Fréttatíminn - 01.10.2016, Blaðsíða 51

LAUGARDAGUR 1. OKTÓBER 2016 3 GÓLFEFNI
Helga Guðrún Lárusdóttir er ný­
flutt til Dalvíkur úr 101 Reykjavík
ásamt manni sínum, Árna Reyni
Óskarssyni, og syni þeirra, Lárusi
Henrý, þar sem þau eru að gera
upp gamalt hús ásamt tengdafor­
eldrum hennar.
„Tengdaforeldrar mínir keyptu
hús hér sem við leigjum af þeim og
erum smátt og smátt að gera upp í
sameiningu,“ segir Helga. Allt gólf­
efni í húsinu er þó nýlegt, nema
í einu herbergi. Þar ákváðu þau
að fara ansi djarfa leið og máluðu
parketið blátt með sérstakri gólf­
málningu.
„Bláa gólfið í fataherberginu var
upprunalega mín hugmynd sem
ég hætti svo við af því að Árni tók
ekkert allt of vel í hana. Þegar ég
sagðist svo ætla að kaupa hvíta
gólfmálningu hafði honum snúist
hugur og ég lét ekki segja mér það
tvisvar,“ segir Helga og hlær.
„Upprunalega ætlaði ég að nota
skipalakk, en eftir að hafa fengið
ráð hjá starfsmanni Húsasmiðj­
unnar í Holtagörðum ákvað ég
að fara að ráðum hans og kaupa
frekar gólf­
málningu.
Skipalakk­
ið, sem ég
hafði skoðað
á netinu,
virtist líka
frekar ein­
hæft í lita­
úrvali, en
hann sýndi
mér lita­
spjald yfir gólfmálninguna sem var
svo stórt að ég fékk valkvíða bara
yfir bláu litunum. Ég sé því alls
ekki eftir að hafa leitað ráða hjá
fagfólki.“
Helga fékk svo lánaða pússvél
hjá vini sínum og pússaði létt yfir
gólfið áður en hún lét til skarar
skríða. Þá ryksugaði hún gólfið
nokkrum sinnum og veggina líka,
því pússvélin skildi eftir sig mikið
ryk. Að lokum skúraði hún gólfið
tvisvar með vatni og ediki, lét það
þorna og málaði tvær umferðir
með málningunni. „Ég er hæstá­
nægð með útkomuna þó að her­
bergið sé ekki enn alveg tilbúið.“
Málaði
parketið blátt
Helga Guðrún er nýflutt með fjölskyldu sinni
til Dalvíkur þar sem hún gerir upp gamalt hús í
samvinnu við tengdaforeldra sína. Hún fór ansi
djarfa leið þegar kom að því að breyta gólfi í einu
herberginu.
Helga Guðrún Lárusdóttir.
Fallegt Bláa parketið kemur einstaklega vel út.
Eftir pússun Helga pússaði parketið og
ryksugaði vel á eftir.
Skúrað Það síðasta sem hún gerði áður en
hún málaði var að skúra gólfið tvisvar með
vatni og ediki.
Tvær umferðir Helga málaði tvær umferðir
yfir gólfið með sérstakri gólfmálningu.
Þ. ÞORGRÍMSSON & CO
Byggingavöruverslun
Hentar á öll rými heimilins, 15 viðarútlit á lager.
Einstaklega einfalt
að leggja!
Vatnsþolið korkparket!