Fréttatíminn - 14.01.2017, Blaðsíða 14

Fjölskyldan talar enga ensku þó
fjölskyldufaðirinn Musa geti bjarg-
að sér. Öll samskipti hafa því far-
ið fram með google translate, fyrir
utan þau örfáu skipti sem þau fá
túlk. „Mér fannst þetta mjög erfitt
í byrjun því við erum svo vön því
þegar fólk talar ekki íslensku að
fara yfir í ensku, svo ég var mjög
lengi að venjast því að tala íslensku
við þau. Svo var þetta skrítið í byrj-
un því þetta var fólk sem ég þekkti
ekki neitt. Okkur var sagt á nám-
skeiði hjá Rauða krossinum að við
ættum ekki að spyrja þau út í það
sem þau hafa þurft að ganga í gegn-
um, þau myndu segja okkur það ef
þau vildu. Núna nokkrum mánuð-
um síðar erum við komin á þann
stað því Musa byrjaði allt í einu að
segja okkur hvað hann hefur upp-
lifað. Maður sat bara lamaður í sóf-
anum og hlustaði og núna er þetta
orðin manneskja sem mér finnst ég
þekkja. Mér fannst ótrúlega gott að
finna að hann skyldi treysta mér
fyrir sögunni sinni, og núna þegar
við treystum hvort öðru erum við
komin svo langt áleiðis á einhverri
vegferð, sambandið breyttist við
þetta.“
Hlakka til þess skemmtilega
Stuðningsverkefnið stendur yfir
í eitt ár og felst aðstoðin fyrst og
fremst í að vera til staðar. Fyrstu
mánuðirnir fara mikið í praktíska
hluti á borð við að kynna fjöl-
skylduna fyrir nærumhverfinu og
skutla þeim í búðir, banka eða til
læknis. Allir hversdaglegir hlutir
verða framandi í nýju umhverfi þar
sem þú getur ekki tjáð þig og skipt-
ir stuðningurinn því öllu máli. „Við
erum búin að fara margar ferðir í
Ikea og í bankann, svo höfum við
líka verið að skutla þeim í búð og
aðstoða þau við að versla. En þau
eru heppin að því leyti til að þau
voru ekki fyrsta sýrlenska fjöl-
skyldan til að koma hingað, hinar
fjölskyldurnar aðstoða þau mikið
og veita þeim hjálplegar upplýs-
ingar á þeirra tungumáli. Þau vissu
til dæmis strax hvar væri ódýr-
ast að versla og að á fimmtudög-
um ættu þau að drífa sig í Kost og
kaupa grænmeti og ávexti á 50%
afslætti. Það tekur ótrúlega langan
tíma að koma sér fyrir í nýju sam-
félagi svo við höfum aðallega verið
í því að aðstoða þau við hluti sem
verður að gera. Ég hlakka mikið til
þegar við getum farið að einbeita
okkur meira að því að gera eitt-
hvað skemmtilegt, eins og að fara
út fyrir bæinn og leyfa börnunum
að renna sér á snjóþotu.“
Fyrsta skólaganga barnanna
Þrátt fyrir að praktísku hlutirnir
taki mestan tíma fyrstu mánuðina
hafa fjölskyldurnar gefið sér tíma
á kvöldin til að borða saman, enda
felst ekki síðri stuðningur í því.
„Þau eru rosalega dugleg að bjóða
okkur í mat og það eru nú þvílíku
veislurnar. Alltaf margréttað með
kjúklingi, grjónum og vínviðar-
rúllum og allt svo ljúffengt. Sam-
skiptin eru auðvitað frekar einföld
og ekki mjög djúpar samræður en
þetta eru samt alltaf mjög nota-
legar stundir. Við höfum fengið
nokkra fundi með túlki og þá er
hægt að ræða málin betur. Á síð-
asta fundi komumst við að því að
því að þau hafa frekar viljað bjóða
okkur í mat en öfugt, því þannig
vilja þau þakka fyrir sig. En auðvit-
að langar okkur til að bjóða þeim
í mat og við gerðum það til dæm-
is um jólin. Við fórum líka saman
að kaupa jólatré og á jólamarkað-
inn í Hafnarfirði því þau vildu taka
fullan þátt í jólahaldinu. Það var
mjög skemmtileg stund, Mousa tók
mikið af myndum af börnunum við
jólaskrautið og sendi fjölskyldunni
í Sýrlandi,“ segir Elísabet. Hún seg-
ir næst á dagskrá hjá stuðningsfjöl-
skyldunum vera að einbeita sér að
námi barnanna. Það þurfi að
aðstoða þau við heimalærdóm-
inn, sérstaklega við lesturinn því
auk þess að læra nýtt tungumál
þurfa börnin að læra að lesa þar
sem aðstæður þeirra buðu ekki
upp á skólagöngu áður en þau
fengu hæli á Íslandi.
Börn þurfa ekkert tungumál
Það er misjafn hvort fjölskyld-
ur haldi sambandi eftir að stuðn-
ingsverkefni sleppir en Elísabet
efast ekki um að þau bönd sem
hafi myndast á þessum stutta tíma
muni halda áfram að styrkjast.
„Ég er viss um að við eigum eft-
ir að halda sambandinu áfram og
Mamal, móðirin, hefur sagt mér
að þau líti á okkur sem fjölskylduna
sína. Í Sýrlandi voru þau vön því
að umgangast miklu fleira fólk,
þau koma úr stórum fjölskyldum
og allir bjuggu í sama hverfinu svo
það var fólk að koma og fara á öll-
um tímum. Við erum vön því að
hringja áður en við mætum í heim-
sókn en þau eru alltaf að ítreka að
við þurfum þess ekki, við séum
alltaf velkomin. Þau koma úr miklu
sterkara fjölskyldusamfélagi en við
og vilja helst alltaf hafa fólk í kring-
um sig. Eftir að hafa kynnst þeim
þá upplifi ég mig og mitt heimili
mjög prívat,“ segir Elísabet. Hún
segir börnin hafa hjálpað mikið
til við samskiptin, börnum finnist
aldrei neitt vandræðalegt.
„Eldri börnin mín hafa tekið
minni þátt en Ólöf er jafn mikill
þátttakandi í þessu verkefni og ég.
Börn þurfa ekkert tungumál til að
tengjast, þau eru ekki fordóma-
full og þekkja engin landamæri.
Stelpurnar setjast bara hlið við
hlið, ýta í hver aðra og byrja svo að
hlaupa á eftir hver annari og það
er alltaf jafn gaman. Þær eru orðn-
ar góðar vinkonur og öll fjölskyld-
an er svo góð við Ólöfu að hún
vill alltaf fara til þeirra með mér.
Ef við höfum ekki farið í nokkra
daga þá biður hún um að fara. Ég
held að hún eigi eftir að læra alveg
helling á þessu. Hún er ekki nema
fimm ára en veit að vinkona henn-
ar kemur úr umhverfi þar sem voru
sprengjur og að húsið þeirra í Sýr-
landi er ekki lengur til. Hún er alla-
vega búin að læra það að það hafa
það ekki allir jafn gott og við.“
14 | FRÉTTATÍMINN | Laugardagur 14. janúar 2017
Tvær mjög ólíkar fjölskyldur hafa fundið óvænta vináttu í gegnum stuðningsverkefni Rauða krossins.
„Maður sat bara lamaður
í sófanum og hlustaði
og núna er þetta orðin
manneskja sem mér
finnst ég þekkja.“
Stattu upp úr stólnum á nýju ári !
Hæðarstillanleg skrifborð á tilboði í janúar
89,900 m/vsk
• Stillanleg hæð 65-125cm
• 100 kg lyftigeta
• Borðplata 160 -200cm , breidd 80cm
• Stell hvítt (ral 9016) eða silfur grátt (ral 9006)
• Borðplata harðplastlögð eða spónlögð eik.
Trésmiðja GKS
Funahöfði 19
110 Reykjavík
577 1600577 1600
www.gks.is
Opið alla virka daga
milli 8 - 17.
Verið velkomin!
Netlu-, túnfífla- og birkilaufstöflur
örva brennslu og meltingu og eru
bjúglosandi. Sérstaklega er mælt
með vörunni til að hreinsa líkamann.
Colonic Plus
Kehonpuhdistaja
www.birkiaska.is
www.birkiaska.is
Birkilauf (Betulic) hefur góð áhrif á bæði
vökvajafnvægi líkamans og húð, örvar
starfsemi nýrna og þvagfæra. Hraðar
efnaskiptum og losar vatn úr líkamanum,
dregur úr bólgum og afeitrar líkamann (detox).
Birkilaufstöflur
www.birkiaska.is
Bodyflex Strong vinnur gegn stirðleika
og verkjum í liðamótum og styrkir
heilbrigði burðarvefja líkamans.
2 hylki tvisvar á dag í tíu daga. Síðan er hægt
að minnka skammt í 2 hylki á dag. Inniheldur
hvorki laktósa, ger, glúten né sætuefni.
Bodyflex
Strong
Evonia eykur hárvöxt með því að
veita hárrótinni næringu og styrk.
Evonia er hlaðin bætiefnum sem
næra hárið og gera það gróskumeira.
Bætiefni ársins í Finnlandi 2012.
Evonia
www.birkiaska.is
www.birkiaska.is
Minnistöflur
Bætir skammtímaminnið. Nýtist
fólki sem er undir álagi og fæst
við flókin verkefni. Hentar vel
fyrir eldri borgara, lesblinda og
nemendur í prófum. Dregur úr
streitu, eykur ró og bætir skap.
Börnin eru ekki fordómafull og þekkja engin landamæri.