Fréttablaðið - 18.03.2017, Page 86

Sadio Mané er alinn upp í borg-inni Sedhiou í Senegal þar sem hann lærði fótamennt sína með heimatilbúnum fótbolta á götunum. Tveggja til þriggja ára var hann kominn
með boltann á fæturna og spark-
aði. Ekkert annað komst að. Þegar
hann var aðeins 15 ára flutti hann
að heiman til að elta draum sinn,
fór til höfuðborgarinnar Dakar til
að reyna að komast á samning.
Mané var ekki einn um plássin og
þegar leikmönnum var skipt í lið
gekk eldri maður að honum, horfði
á útganginn og takka skóna, sagði að
hann hlyti að vera á vitlausum stað
glotti út í annað. „Hvernig heldurðu að
þú getir spilað heilan fótboltaleik í þessum
skóm? spurði hann mig,“ rifjaði Mané upp
í viðtali fyrir skömmu við blaðið 4-4-2.
Skórnir voru gamlir, rifnir og illa farnir.
En eins og Kalli í knattspyrnu, sem spilaði
í gömlu skónum hans Hemma Gunn og var
samt langbestur, þá var Mané ekki lengi að
heilla þjálfara og aðra sem voru á staðnum.
„Ég var meira að segja í eldgömlum stutt-
buxum líka. En ég sagði þessum manni að mig lang-
aði að sýna mig og sanna. Þegar leikurinn byrjaði
þá þurrkaðist glottið af honum. Eftir leikinn gekk
maðurinn til mín og valdi mig í akademíuna í Genera-
tion Foot,“ segir Mané en akademían hefur komið að
þjálfun Diafro Sakho og Papiss Cissé.
Fjölskylda Mané hefur ekki mikinn áhuga á fótbolta
og vildi annað hlutskipti fyrir hann. „Þegar þau sáu
að ég elskaði fótbolta og hjarta mitt var í íþróttinni
leyfðu þau mér að fara til Dakar. Síðan þau áttuðu sig
á því að það komst ekkert annað að hafa þau hjálpað
mér mikið.“
Í Dakar bjó hann hjá frænda sínum sem hann hafði
aldrei séð og þekkti ekki neitt. Þar bjó hann þangað til
hann var seldur til Metz í Frakklandi árið 2011. Í hvert
sinn sem hann stígur inn á völlinn vill hann þakka
fyrir sig því hann veit að stórfjölskyldan fylgist með.
Þrátt fyrir aðeins tvö mörk í 22 leikjum með
franska liðinu var hann valinn til að spila með
Senegal á Ólympíuleikunum í London árið 2012. Á
einum leiknum fékk sér sæti Jürgen nokkur Klopp
sem þá stýrði Dortmund. Hann hreifst af pilti og
reyndi að kaupa hann til liðsins, oftar en einu sinni.
En Mané var seldur til Salzburg og þar reimaði hann á
sig markaskóna. Mörkin fóru að hrúgast inn og 2014
buðu Southampton, Dortmund og Spartak
Moskva öll í hann. Salzburg tók tilboði Sout-
hampton en Mané hitti Klopp og vildi ólmur
fara til Dortmund. Það gekk ekki eftir.
Hjá Southampton komu mörkin á færi-
bandi og skoraði hann meðal annars sneggstu
þrennu í sögu enska boltans. Þrennan kom
gegn Aston Villa á aðeins fjórum mínútum
og 33 sekúndum.
Þegar tækifærið kom fyrir tímabilið að
kaupa Mané var Klopp fljótastur af stað og
standi Mané sig gæti hann orðið dýrasti leik-
maður í sögu Liverpool, met sem Andy Carroll
á í dag. Verðmiðinn gæti endað í 36 milljónum
punda eða 4,8 milljörðum króna.
„Það var smá svekkelsi að komast ekki til
Dortmund á sínum tíma en ég sagði við sjálfan
mig að halda áfram að æfa vel og þá kæmi eitt-
hvað gott upp í hendur mínar. Ég fór til Sout-
hampton og bætti mig sem leikmaður. Klopp
vildi mig aftur og nú er ég heppinn að vera hér
hjá Liverpool að vinna með honum.“
Mané viðurkennir að hann sakni heimahaganna
þótt hann kvarti ekki. „Ég sakna fjölskyldu minnar
gríðarlega. En ég vildi verða fótboltamaður og vildi
ekkert annað. Það var erfitt að yfirgefa það sem ég
þekkti þegar ég var svona ungur og margir sem ég ólst
upp með og eru frábærir leikmenn fengu aldrei þetta
tækifæri sem ég fékk. Ég vissi að erfið reynsla myndi
gera mér gott og hér er ég nú og lifi drauminn sem mig
dreymdi alltaf.“
Mané skrifaði undir fimm ára samning við Liverpool
og hefur þegar unnið hug og hjörtu stuðningsmanna
félagsins. Með hann, Coutinho, Firmino, Lallana og
fleiri góða inni á vellinum og Klopp utan vallar þá er
aldrei að vita nema nýtt gullaldartímabil Liverpool sé
að renna upp.
Draumurinn
Benedikt Bóas
Hinriksson
benediktboas@frettabladid.is
Saga Sadio Mané, leikmanns Liverpool, er eins
og góð lygasaga. Mané er einn allra besti fram-
herji enska boltans um þessar mundir. Hinn 24 ára
Senegali hefur þurft að hafa fyrir hlutunum á leið
sinni frá götum Senegal að bítlaborginni Liverpool.
Leikvangurinn
rættist í
rifnum
takkaskóm
Þrennan
koM gegn
aSton
Villa á
aðeinS 4
MínútuM
og 33
SekúnduM.
Tölfræði Mané í enska boltanum
Prófíllinn
Fæddur: 10. apríl 1992
Hæð: 175 sm
Þyngd: 69 kg
Félag: Liverpool
25
leikir
12
Mörk
92
leikir í ensku
deildinni
33
Mörk í ensku
deildinni
14
stoð-
sendingar
22
Mörk með
hægri fæti
2
skallamörk 82
skot á mark
3
skot í tréverkið 12
gul spjöld
2
rauð spjöld
9
Mörk með
vinstri fæti
1 8 . m a r s 2 0 1 7 L a U G a r D a G U r38 H e L G i n ∙ F r É T T a B L a ð i ð
1
8
-0
3
-2
0
1
7
0
4
:4
4
F
B
1
2
0
s
_
P
0
8
6
K
.p
1
.p
d
f
F
B
1
2
0
s
_
P
0
7
5
K
.p
1
.p
d
f
F
B
1
2
0
s
_
P
0
3
5
K
.p
1
.p
d
f
F
B
1
2
0
s
_
P
0
4
6
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
C
7
8
-E
9
7
C
1
C
7
8
-E
8
4
0
1
C
7
8
-E
7
0
4
1
C
7
8
-E
5
C
8
2
7
5
X
4
0
0
.0
0
1
3
A

F
B
1
2
0
s
_
1
7
_
3
_
2
0
1
7
C
M
Y
K