Tímarit Hjúkrunarfélags Íslands - 01.08.1976, Side 27

Ráðstefna
Hjúkrunarfræðingar á Kleppsspítalanum gengust
fyrir ráðstefnu er fór fram að Hótel Loftleiðum
dagana 20. og 21. maí sl.
Þórunn Pálsdóttir hjúkrunarforstjóri setti ráð-
stefnuna. Davíð Gunnarsson ræddi um stjórnun.
Tómas Helgason um atvinnulýðræði, Sigurlín
Gunnarsdóttir um uppbyggingu stjórnunar og
hjúkrunarþjónustu. Ingibjörg R. Magnúsdóttir
flutti erindi er hún nefndi „Hvað er heilbrigði“ og
Þórunn Pálsdóttir stjórnaði umræðum um and-
lega aðhlynningu sjúkra.
Fyrrverandi sjúklingar lýstu reynslu sinni af
sjúkrahúsdvöl, og fjallað var um stöðu aðstand-
enda og þeirra raddir heyrðust einnig.
í lok ráðstefnunnar kom m. a. fram að auka
þyrfti fræðslu fyrir sjúklinga varðandi meðferð og
rannsóknir og efla tengsl við aðstandendur sjúk-
linganna. Veita þyrfti ýtarlegri upplýsingar við
útskrift, trúnaðarmenn sjúklinga væru æskilegir
og auka þyrfti tjáskipti milli starfshópanna svo
nokkuð sé nefnt.
Ráðstefnan var fjölmenn og fróðleg og þeim til
sóma er að henni stóðu.
Þing ICN í Tokyo
International Council of Nurses (ICN) hvetur
hjúkrunarfræðinga hvaðanæfa úr heiminum til að
taka þátt í 16. hjúkrunarþinginu sem fram fer í
Tokyo, Japan 30. maí-3. júní 1977. Fundarefnið
verður „Nýjungar í hjúkrun“.
ICN og japanska hjúkrunarfélagið eiga von á
að um 10.000 hjúkrunarfræðingar taki þátt f þing-
inu. Allir hjúkrunarfræðingar sem eru félagar í
aðildarfélögum ICN eru velkomnir.
Skrifstofa HFi mun veita nánari upplýsingar.
Námsstyrkir
Á árinu 1974 afhenti Gísli Sigurbjörnsson for-
stjóri fyrir hönd Stofnendasjóðs Elliheimilisins
Grund kr. 50.000 til styrktar hjúkrunarfræðingi,
sem vildi kynna sér málefni aldraðra. Við þessa
upphæð var bætt hagnaði af flóamarkaði og árs-
hátíð HFÍ. Sesselja Gunnarsdóttir hjúkrunarfræð-
ingur hlaut styrkinn. Fór hún til Danmerkur sum-
arið 1975 og kynnti sér málefni aldraðra, en
Dansk Sygeplejerád skipulagði kynningarferð
fyrir hana.
Námsstyrkur SSN kom í hlut HFÍ árið 1975 og
var hann veittur Sigrúnu Gísladóttur, sem var við
nám í heilsuvernd í Noregi.
Styrk úr Minningarsjóði Hans A. Hjartarsonar,
náms- og ferðasjóði HFÍ hlaut María Sigurðar-
dóttir, sem var við nám í deildarstjórn í Noregi.
Reglum um barnsburðarleyfi breytt
1. júní sl. var gerð sú breyting hjá Reykjavíkur-
borg að konur þurfa hér eftir ekki að mæta til
vinnu eftir að þær hafa tekið sér leyfi frá störf-
um vegna barnsburðar.
Eftirtaldar breytingar voru gerðar á reglugerð
um réttindi og skyldur starfsmanna Reykjavíkur-
borgar:
1. 2. mgr. 20. gr. orðist svo:
Eftir þriggja mánaða starf fá fastráðnir og laus-
ráðnir starfsmenn greidd laun í veikindaforföllum
þannig, að fjöldi veikindadaga nemur helmingi
þess, sem kveðið er á um í 20. gr. Eftir sex mán-
aða starf fá allir starfsmenn greidd laun í veik-
indaforföllum eftir reglum 1. mgr.
2. 25. gr. orðist svo:
Vegna barnsburðar skal kona eiga rétt á að
vera fjarverandi með fullum launum í samtals 90
daga og fer um uppgjör fyrir yfirvinnu samkvæmt
reglum um yfirvinnugreiðslur í veikindaforföllum.
Séu lengri frátafir nauðsynlegar að dómi lækna
skal meta þær eftir reglum um veikindadaga.
3. 42. gr. reglugerðarinnar falli niður og breyt-
ist greinaröð skv. því.
Samkomulag um túlkun:
Starfskjaranefnd er sammála um svofellda
túlkun á 25. gr. rgj. um réttindi og skyldur starfs-
manna Reykjavíkurborgar eftir breytingu á þeirri
grein skv. tillögu starfskjaranefndar hér að fram-
an:
1. Réttar skv. grein þessari nýtur kona hvort
sem hún er fastráðin eða lausráðin.
2. Til þess að öðlast rétt til barnsburðarleyfis
þarf kona að hafa unnið hjá Reykjavíkur-
borg í samfellt niu mánuði fyrir barnsburð.