Tímarit Hjúkrunarfélags Íslands - 01.08.1976, Síða 30

Hjúkrunarfræðingar
MuniS að greiða félagsgjöldin.
Munið að tilkynna breytt heimilisföng. Það vill
því miður oft brenna við að það gleymist og
blaðið því sent á rangan stað og kemst e. t. v.
aldrei til skila.
Munið að tilkynna breytingar á vinnustað.
Breytt póstgírónúmer HFf, 21170-2
Vegna breyttra starfshátta hjá póstgíróstofunni
varð HFl að breyta póstgírónúmeri sínu. Hjúkr-
unarfræðingar eru beðnir að athuga að númerið
er framvegis 21170-2.
Endurskoðun gildandi löggjafar
um hjúkrunarnám
Nefnd sú, er menntamálaráðuneytið skipaði,
hinn 15. febrúar 1974, til þess að endurskoða
gildandi löggjöf um hjúkrunarnám í landinu, þ. e.
lög nr. 35 frá 18. apríl 1962 um Hjúkrunarskóla
íslands og lög nr. 81 frá 31. maí 1972 um heimild
fyrir ríkisstjórnina til þess að stofna og reka
hjúkrunarskóla í tengslum við Borgarspítalann í
Reykjavík, lauk störfum í júlí s.l.
Nefndin sendi menntamálaráðuneytinu drög
að frumvarpi til laga um hjúkrunarskóla, ásamt
skýringum við einstakar greinar, greinargerð og
fylgiskjölum.
Ekki er unnt að gera grein fyrir niðurstöðum
nefndarinnar á núverandi stigi.
Námsstyrkur
Frestur til að sækja um styrk ársins 1976 úr Minn-
ingarsjóði Hans Adolfs Hjartarsonar, náms- og
ferðasjóður HFÍ, rann út 1. ágúst s.l. Fjórar um-
sóknir bárust. Á fundi sínum 3. ágúst s.l. ákvað
stjórn sjóðsins að veita Maríu Finnsdóttur styrk-
inn, en hún fer til náms í hjúkrunarfræðum —
Nursing Education and Administration — við
Edinborgarháskóla, er hefst 1. október 1976 og
stendur í 12 mánuði.
Upphæð styrksins nemur kr. 64.000,00.
Hrafnista - Hafnarfirði
Um þessar mundir er unnið við að steypa upp
þriðju hæð hins nýja D.A.S. heimilis í Hafnar-
firði, en hús þetta er fyrsti áfangi af þrem og
verða þau öll fjórar hæðir samtengd.
Á jarðhæð verður aðstaða fyrir starfsfólk, mat-
argeymslur, eldhús, vinnusalur vistmanna, að-
staða til endurhæfingar, læknastofa, skrifstofa
læknis, hjúkrunarfræðings og sjúkraþjálfara.
Ennfremur böð fyrir dagheimilisgesti og önnur
þjónusta fyrir þá.
Á fyrstu hæð verður íbúð forstöðumanns eða
hjúkrunarfræðings, matsalur dagheimilis, skrif-
stofur o. fl. þess háttar, en á meginhluta þessarar
hæðar verður dagheimili fyrir aldraða, sem utan
heimilis búa. Er þetta nýlunda hér á landi en vel-
þekkt hjá nágrannaþjóðum okkar. Á heimili þetta
getur aldrað fólk komið sjálft, eða verið sótt að
morgni dags og dvalist daglangt fimm daga vik-
unnar. Það mun fá alla þjónustu á staðnum og
njóta hinnar fjölbreytilegustu aðstöðu til tóm-
stundaiðkunar.
Vistmenn heimilisins munu að sjálfsögðu eiga
aðgang þar að.
Á II., III. og IV. hæð eru svo eins og tveggja
manna íbúðir með öllum þægindum, sér baði,
W.C. og eldhúsi. Svalir eru með hverri íbúð. Á
hverri hæð eru 29 vistmenn eða 87 samtals. Sam-
eiginlegar setustofur eru á hæðunum.
Yfirvinnubann á Borgarspítalanum
Hjúkrunarfræðingar á gjörgæsludeild Borgar-
spítalans gripu til yfirvinnubanns frá 28. júlí s.l.
til þess að mótmæla hinu mikla vinnuálagi sem
ríkt hefur á deildinni í sumar. Ennfremur átti al-
mennt yfirvinnubann á stofnuninni að koma til
framkvæmda frá og með 10. ágúst s.l.
Stjórn sjúkrastofnana Reykjavíkurborgar sendi
trúnaðarmönnum hjúkrunarfræðinga á Borgar-
spítalanum yfirlýsingu, þar sem því var heitið að
allt yrði gert, sem unnt væri til að draga úr vinnu-
álaginu á yfirstandandi orlofstímabili og jafn-
framt var því lofað að framvegis yrðu gerðar
ákveðnar ráðstafanir, og þá í náinni samvinnu
við hjúkrunarfræðinga, til að koma í veg fyrir að
ástand eins og hér um ræðir, skapist aftur.
Hjúkrunarfræðingar afléttu því yfirvinnubann-
inu.
Við leituðum upplýsinga frá öðrum sjúkrahús-
um í Reykjavík um vinnuálagið í sumar og kom-
umst að því að þar hefur ríkt svipað ástand.
I. Á. - A. M.A.