Tímarit hjúkrunarfræðinga - 01.06.1998, Page 22

ákveðið jafnvægi hugar, tilfinninga og líkama og var sjálfs-
vinnan talin skilyrði fyrir því að vinna með annað fólk.
Þegar litið er á úrvalið af sjálfstæðum meðferðarform-
um eða valmeðferð reynist ýmislegt vera sameiginlegt með
þeim. Lífssýnin er önnur og krefst breyttra viðhorfa á eðli
Iffs og heilsu. Austurlensk hugmyndakerfi eru algeng undir-
rót. Yfirleitt er litið á manneskjuna á heildrænan hátt og í
meðferðinni er það manneskjan fremur en sjúkdómurinn
sem skiptir mestu máli. Leitað er að rótum vandans og
undirrót ójafnvægis og sjúkdóma skoðuð (huglæg, tilfinn-
ingaleg og líkamleg) fremur en að einblína á einkenni.
Meðferðin er mjög einstaklingshæfð og algengt er að fólk
með sömu einkenni og sjúkdómsgreiningu fái ólíka með-
ferð eins og t.d. í Ayurveda lækningum. Náttúruiegar að-
ferðir sem eru yfirleitt uppistaðan í valmeðferð taka yfirleitt
nokkurn tíma til að snúa ferli ójafnvægis og sjúkdóma í já-
kvæða átt og nauðsynlegt er að einstaklingurinn sé virkur
þátttakandi. Meðferðartilþoðin eiga það sameiginlegt í
flestum tilvikum að þau má nota til forvarna og heilsuefl-
ingar, sem aðalmeðferð eða stoðmeðferð allt eftir því sem
við á hverju sinni.
Áhugi almennings á náttúrulegum meðferðarformum er
sífellt að aukast. Fólk leitar leiða sem eru án skaðlegra auka-
verkana, eru betri fyrir umhverfið og eru fyrirbyggjandi. Fleiri
og fleiri eru farnir að skilja hvað felst í því að taka ábyrgð á
eigin heilsu og farnir að kjósa lífsstíl sem samræmist
viðhorfum náttúrulækninga. Það virðist líka færast í aukana að
fólk kjósi að taka virkan þátt í eigin meðferð, vilji skilja hvað
um er að ræða og geta tekið ákvarðanir byggðar á haldgóðri
fræðslu og ráðgjöf. Fólk gerir því aðrar og meiri kröfur á
þessu sviði en áður fyrr. Hér er ég ekki að segja að
valmeðferð eigi að koma í stað hefðbundinna eða ríkjandi
lækninga og meðferðarforma. Ekkert kemur í stað
hátæknimeðferðar þegar svo ber undir, en aftur á móti gæt-
um við örugglega bætt alla meðferð og mannleg samskipti
með því að víkka sjóndeildarhringinn. Ríkjandi meðferðarform
og valmeðferð þyrftu því í auknum mæli að haldast í hendur.
[ Bandaríkjunum er starfandi félag hjúkrunafræðinga
sem nefnist „The American Holistic Nurses’ Association",
skammstafað AHNA. Félagið hefur það á stefnuskrá sinni
að efla rannsóknir á sviði heildrænna meðferðaforma (val-
meðferðar) og í hugmyndafræði félagsins segir m.a.: „Heild-
ræn hjúkrun byggir á breiðum fræðilegum bakgrunni sem
felur í sér úrval kenninga sem samþætta list, vísindi, rök-
hyggju og innsæi." Það gæti verið gagnlegt fyrir íslenska
hjúkrunarfræðinga að kynna sér nánar starf og reynslu
þessa fagfélags sem hluta af undirbúningi við stefnumótun
á sviði sjálfstæðra meðferðarforma eða valmeðferðar.
L//orYvm ráðstefna um s-tjómuM. í Ke.ilbrÍMði^[7jónu5-tM
Stjórn Samvinnu hjúkrunarfræðinga á Norðurlöndum, SSN, hefur ákveðið
* að halda opna ráðstefnu um stjórnun í heiibrigðisþjónustu á íslandi.
Ráðstefnan verður haldin dagana 17.-19. mars 1999 á Hótel sögu.
Markhópurinn er yfirstjórnendur í hjúkrun og vænst er þátttöku
milli 200 - 300 hjúkrunarstjórnenda frá öllum Norðurlöndunum.
SSN hefur skipað vinnuhóp sem sér um undirbúning og skipulagningu ráðstefnunnar. I vinnuhópnum eru:
Aðalbjörg J. Finnbogadóttir, hjúkrunarfræðingur Félag íslenskra hjúkrunarfræðinga
Kristbjörg Þórðardóttir, hjúkrunarforstjóri heilsugæslustöðvar Miðbæjar
Rannveig Guðnadóttir, hjúkrunarforstjóri Skógarbæ
Bergljot Ihlen, hjúkrunarforstjóri Landssjúkrahúsið, Thorshavn
Berit Berg, Ass. fagsjef, Norsk Sygepleiereforbund
Elsy Athlin, Omvárnadsschef Östersunds sjukhys
Marit Helgerud, sekretær SSN
Vinnuheiti ráðstefnunnar er „toppledelse av sykeplejetjenesten - funksjon, organisering og kompetanse”
Ráðstefnan verður nánar auglýst síðar.
Aðalbjörg J. Finnbogadóttir
158
Tímarit Hjúkrunarfræðinga • 3. tbl. 74. árg. 1998