Tímarit hjúkrunarfræðinga - 01.06.1998, Blaðsíða 31
Tjölsk^Uu(?j(mus'U.
á geðsviði SHR
/ fjölskylduþjónustu felst að
aukin áhersla er á að styðja og
fræða aðstandendur og taka
þá með í umönnun/meðferð
sjúklings þar sem við á. Litið er
svo á að sjúklingurinn sé hluti af
fjölskylduumhverfi sínu og þarfir
fjölskyldunnar og sjúklingsins
skarist að einhverju leyti.
Félagslegt samspil sé mikil-
vægur þáttur í lífi sjúklingsins.
Haustið 1996 hófst undirbúningur
fyrir skilvirkari fjölskylduþjónustu á
deild A-2. í því skyni voru hönnuð og
tekin í notkun ný upplýsingablöð í
hjúkrun, þar sem aukin áhersla var
lögð á að meta þarfir fjölskyldunnar.
Þá voru og haldnir þverfaglegir fræðslu-
og rabbfundir um markmið, tilgang
og framkvæmd fjölskylduþjónustu á
geðdeild.
í október 1997 voru sendir út
spurningalistar til ákveðins hóps
aðstandenda sjúklinga er dvalið
höfðu á A-2 á tímabilinu 1995-1997.
Spurt var um hvort og í hve miklum
mæli aðstandendur hefðu notið
fræðslu- og/eða stuðnings starfs-
fólks deildarinnar meðan einhver úr
fjölskyldunni dvaldi þar. Einnig var
spurt um óskir fjölskyldunnar um
fræðslu og stuðning. Eftirfarandi
vísbendingar komu fram:
• Aðstandendur söknuðu mjög
fræðslu um sjúkdóm ástvinar, með-
ferð hans og horfur. Einnig var
nefnd fræðsla um viðbrögð við
ákveðnu atferli.
• Aðstandendur tjáðu þörf fyrir
fundi á deildinni, þar sem bæði
sjúklingurinn og meðferðaraðilar
kæmu saman ásamt aðstand-
endum og hin ýmsu mál væru
tekin til umfjöllunar.
• Aðstandendur tjáðu sig um
almenna ánægju með viðmót
starfsfólks á deildinni.
Þeim, sem fengu spurningalist-
ana, var um haustið boðið að sækja
námskeið fyrir aðstandendur sjúklinga
á A-2, haustið 1997. Var það haldið
á dagdeild geðsviðs á Hvítabandi og
fór fram með fyrirlestrum og hópum-
ræðum. Fyrirlestrarnir voru:
• Kynning á starfsemi deildar A-2
(Guðrún Guðmundsdóttir)
• Geðklofasjúkdómur - fyrri hluti
(Kjartan Kjartansson)
• Geðklofasjúkdómur - seinni hluti
(Kjartan Kjartansson)
• Tilfinningar aðstandenda, áföll og
kreppur (Guðný A. Arnþórsdóttir)
• Félagsleg úrræði og almannatrygg-
ingar (Ása Þorgeirsdóttir)
Að loknum hverjum fyrirlestri voru
umræður og boðið var upp á kaffi.
Námskeiðsgestir voru beðnir um að
fylla út matsblöð eftir hvern fyrirlestur
og kom þar fram almenn ánægja
með fyrirlestrana og umræðurnar og
það að fá tækifæri til að hitta aðra
aðstandendur.
Að námskeiðinu loknu voru sendir
út spurningalistar á nýjan leik til sama
markhóps í þeim tilgangi að kanna
hvort breyting hefði orðið á upplifun af
fræðslu og/eða stuðningi á deild A-2.
Fjölskylduþjónustan felst ekki
eingöngu í fræðslu heldur einnig í
beinum tengslum við fjölskylduna
meðan á innlögn ástvinar stendur.
Starfsfólk á A-2 og aðstandendur
virðast vera meðvitaðri um þörf
beinna tengsla við fjölskylduna, sem
lýsir sér meðal annars í tíðari fjöl-
skyldufundum frá haustinu 1996.
Fyrirhugað er annað aðstand-
endanámskeið haustið 1998, sem
verður væntanlega með svipuðu
sniði og hið fýrra. Þá er og fyrirhugað
að hjálpa aðstandendum að mynda
sjálfshjálparhópa.
Guðný Anna Arnþórsdóttir hjúkrunarframkvæmda-
stjóri geðsviðs Sjúkrahúss Reykjavikur og
Guðrún Guðmundsdóttir deildarstjóri deild A-2.
íbúð í París
Lítj stúdíóíbúð rétt við Sigurbogann í París
er til leigu í júlí og ágúst,
t.d. vika í senn eða lengri tíma.
Upplýsingar í símum
477 1136 og 892 8950.
Tímarit Hjúkrunarfræðinga • 3. tbl. 74. árg. 1998
167