Tímarit hjúkrunarfræðinga - 01.06.1998, Blaðsíða 48
um
I tilefni af alþjóðadegi hjúkrunarfræð-
inga, 12. maí í ár stóðu hjúkrunar-
fræðingar fyrir töluvert fjölbreyttri
dagskrá víða um landið.
Kjörorð dagsins var samráð um
heilsugæslu — heilbrigði er allra
hagur og tók dagskráin víðast hvar
mið af því. Hjúkrunarfræðingar mældu
blóðþrýsting, veittu heilbrigðisráðgjöf,
t.d. með því að kynna getnaðar- og
reykingavarnir á fjölförnum stöðum,
og stóðu fyrir fyrirlestrum.
í Reykjavík var tvískipt dagskrá.
Annars vegar var heilsueflingardagur
í Skautahöllinni í Laugardal, sunnu-
daginn 10. maí, þar sem heilsugæslu-
hjúkrunarfræðingar kynntu störf sín,
hollur matur var á boðstólum, efnt
var til fjölskyldugöngu og kraftgöngu
og dans var stiginn. Hins vegar var
fræðslufundur á 12. maí um konur
og áfengi á Suðurlandsbraut 22 sem
vinnuhópur hjúkrunarfræðinga, um
stuðning við hjúkrunarfræðinga sem
hafa átt í vímuefnavanda, sá um.
Fjölmargir aðilar komu að dagskrá
heilsueflingardagsins. íþróttabanda-
lag Reykjavíkur lét í té aðstöðu í
Skautahöllipni og starfsfólk þar veitti
góða aðstoð. Ingibjörg Sólrún Gísla-
dóttir, borgarstjóri, ávarpaði gesti og
lýsti hlutverki og framlagi Reykja-
víkurborgar til eflingar heilsu borgar-
búa. Hjúkrunarfræðingar sýndu tæki
og fræðsluefni sem þeir nota í heilsu-
gæslu og Heilsuefling, samstarfsverk-
efni heilbrigðisráðuneytisins og Land-
læknisembættisins var kynnt. Þar var
einnig tannfræðingur frá tannvernd-
arráði sem kenndi góða tannhirðu.
Starfsmaður Grasagarðs Reykjavíkur
og íþróttakennari frá íþróttum fyrir
alla stýrðu fjölskyldugöngu um garð-
inn. Árný Helgadóttir, hjúkrunarfræð-
ingur og íþróttafræðingur, sá um
kraftgöngu fyrir þá sem vildu taka
svolítið meira á og loks hvöttu félagar
184
heilsugæslu »12. maí
úr Komið og dansið viðstadda til að
taka þátt í léttri sveiflu og línudansi.
Þá kynntu fyrirtækin Lýsi og íslensk
fjallagrös framleiðslu sína, unna úr
hollu og góðu íslensku hráefni.
Töluvert gegnumstreymi var af
fólki í Skautahöllinni þennan dag og
lauslega má ætla að á fjórða
hundrað manns hafi komið við.
Margir stöldruðu við hjá hjúkrunar-
fræðingunum, reyndu þrívíð gler-
augu, vigtuðu sig og mældu og
spurðu út í þjónustu heilsugæslunnar
frá vöggu til grafar. Hollustu-
veitingum, poppi, djús, osti, ávöxtum
og grænmeti voru einnig gerð góð skil.
Umsjón með dagskránni hjá
Félagi íslenskra hjúkrunarfræðinga
höfðu Aðalbjörg J. Finnbogadóttir,
hjúkrunarfræðingur hjá félaginu,
Anna Björg Aradóttir, Heilsueflingu,
Guðbjörg Guðbergsdóttir, formaður
fagdeildar hjúkrunarforstjóra á heilsu-
gæslustöðvum, Þorgerður Ragnars-
dóttir, ritstjóri og Þórdís Kristinsdóttir,
formaður fagdeildar heilsugæslu-
hjúkrunarfræðinga. Auk þeirra komu
Ingrid Svenson og Ólöf Guðmunds-
dóttir og unnu ötullega að kynningu
á störfum hjúkrunarfræðinga á
heilsugæslustöðvum.
Á sjálfan 12. maí stóð vinnuhópur
hjúkrunarfræðinga á vegum stjórnar
Félags íslenskra hjúkrunarfræðinga,
sem fjallað hefur um stuðning við
hjúkrunarfræðinga sem eiga í vímu-
efnavanda, fyrir fræðslufundi að
Suðurlandsbraut 22. Málefni
kvöldsins var konur, áfengi og
meðvirkni. Fjallað var um málefnið frá
ýmsum hliðum og greindu t.d. 2
hjúkrunarfræðingar frá eigin reynslu.
Fundurinn var vel sóttur af
hjúkrunarfræðingum og var einnig
fjallað um hann í sjónvarpi og
útvarpi.
Þ.R.
Áhugasamur um heilsueflingu
Línudans
Verðlaun að lokinni fjölskyldugöngu
Tímarit Hjúkrunarfræðinga • 3. tbl. 74. árg. 1998
'.**«*•