Tímarit hjúkrunarfræðinga - 01.06.1998, Blaðsíða 41

Vigdís Jónsdóttir
Kjaramál
Staða samningamála
á Rsp og SHR
/ nýju launakerfi er aðlögunarnefnd innan stofnunar
falið það hlutverk að semja um röðun starfsmanna
í launaflokka. Aðlögunarnefnd er skipuð 2-3 fulltrúum
stéttarfélags og 2-3 fulltrúum stofnunar. Um 40
aðlögunarnefndir hafa verið starfandi á heilbrigðis-
stofnunum um allt land við gerð vinnustaðasamninga
á stofnunum fyrir hjúkrunarfræðinga. Hafa ríflega
100 hjúkrunarfræðingar tekið þátt í þessu starfi.
Eins og áður hefur komið fram í Tfmariti hjúkmnarfræð-
inga hefur gengið mjög hægt að Ijúka samningum í
nýju launakerfi. Það á jafnt við um hjúkrunarfræðinga
og marga aðra starfsmenn heilbrigðisþjónustunnar.
Máli félagsins og SHR
og Rsp. vísað til úrskurðarnefndar
Aðlögunarnefndir félagsins og Ríkisspítala (Rsp.) og Sjúkra-
húss Reykjavíkur (SHR) vísuðu deilu sinni til úrskurðar-
nefndar í byrjun apríl. í úrskurðarnefnd eiga sæti 2 fulltrúar
félagsins, 1 fulltrúi stofnunar, 1 fulltrúi heilbrigðisráðuneytis-
ins og oddamaður sem skipaður er af sáttasemjara. Til að
ná úrskurði þurfa a.m.k. 3 af 5 nefndarmönnum að ná
samstöðu um að skrifa undir. Þannig getur oddamaður
reynt að ná samstöðu allra fulltrúa en ef það tekst ekki þá
verður oddamaður að reyna að ná samstöðu annað hvort
með fulltrúum stéttarfélagsins eða með fulltrúum ráðuneytis
og stofnunar. Ef 3 af 5 nefndarmönnum skrifa undir
úrskurðinn þá verður hann hluti af kjarasamningi félagsins.
Félag íslenskra náttúrufræðinga
vísar úrskurði til félagsdóms
Félag íslenskra náttúrufræðinga (FÍN) vísaði sinni deilu við
Rsp. til úrskurðarnefndar og úrskurður var kveðinn upp
með undirritun oddamanns og fulltrúa heilbrigðisráðuneyt-
is og stofnunar. FÍN skrifaði hins vegar ekki undir úrskurð-
inn. FÍN hefur nú höfðað mál á hendur fjármálaráðherra
fyrir félagsdómi og krafist þess að úrskurðurinn verði
dæmdur ógildur. FíN heldur því fram að úrskurðurinn
uppfylli ekki þær lágmarkskröfur sem gera verði til skv.
lögum um kjarasamninga opinberra starfsmanna þar sem
ógerningur er fyrir nokkurn félagsmann FÍN sem starfar hjá
Rsp. að átta sig á hvar hann raðast í launaflokk. Stefnan
var lögð fram af hálfu FÍN þann 13. maí sl. og var það
þingfest 25. maí sl. Óskað hefur verið eftir því að málið
sæti flýtimeðferð og ætla má að það taki félagsdóm um 2-
6 vikur að komast að niðurstöðu.
Starfi úrskurðarnefndar frestað
Þann 25. maí tók oddamaður í úrskurðarnefnd Félags ís-
lenskra hjúkrunarfræðinga, Rsp. og SHR þá ákvörðun að
fresta því að kveða upp úrskurð þar til félagsdómur hefur
komist að niðurstöðu í máli FÍN gegn fjármálaráðherra.
Þegar þetta er skrifað stendur málið því þannig að beðið
er með að Ijúka störfum úrskurðarnefndar þar til niður-
staða fæst í máli FÍN gegn fjármálaráðherra. Búist er við
þeirri niðurstöðu í júní eða byrjun júlí.
Tillögur fulltrúa SHR, Rsp. og heilbrigðis-
ráðuneytisins í úrskurðarnefnd
Fulltrúar SHR, Rsp. og heilbrigðisráðuneytisins lögðu fram
tillögur sínar að úrskurði í úrskurðarnefnd. í þeim tillögum er
m.a. kveðið á um að lágmarksröðun í hverjum ramma verði
A1, B1 og C1 og mat á viðbótarmenntun verði mun lakara
en það var í eldra launakerfi. Gert er ráð fyrir að heimilt sé
að meta ýmsa þætti í starfinu til hækkunar s.s. hvort starfið
krefjist faglegrar ábyrgðar umfram það sem almennt gerist
eða hvort starfið feli í sér sérstaklega flókin eða vanda-
söm/sérhæfð verkefni. Það er hins vegar algerlega á valdi
stofnunarinnar að ákveða og meta hvort greiða eigi hjúkr-
unarfræðingum eitthvað fyrir þessa þætti. Reynsla hjúkr-
unarfræðinga sem starfa á þessum stofnunum er sú að þar
hefur ekkert verið greitt umfram lágmarksákvæði kjara-
samninga. Ef tillögur Rsp. og SHR yrðu að úrskurði þá
þýðir það að kjarasamningur á þessum stofnunum myndi
tryggja hjúkrunarfræðingum lakari lágmarkskjör en eldri
kjarasamningur! Tillögur þessara stofnana eru sérstaklega
athyglisverðar í Ijósi þess að stór hluti hjúkrunarfræðinga á
þessum stofnunum hefur lýst því yfir að hann muni hætta
störfum þar 1. júlí nk. vegna lélegra launakjara!
Nafn höfundar vantaði
Greinin „Um lágmarkshvíld og hámarksvinnutíma" sem birtist í
siðasta tölublaði tímaritsins var eignuð Vigdísi Jónsdóttur einni.
Hið rétta er að Birgir Björn Sigurjónsson var einnig höfundur
greinarinnar. Er Birgir Björn hér með beðinn afsökunar á mis-
tökunum.
Tímarit Hjúkrunarfræðinga • 3. tbl. 74. árg. 1998
177