Tímarit hjúkrunarfræðinga - 01.08.2007, Blaðsíða 7
RITSTJORASPJALL
HÁTÆKNI OG HEILBRIGÐISÞJÓNUSTA
„Við þurfum að nota tæknina til að auka gæði hjúkrunar" sagði
Kirsten Stallknecht, fyrrum forseti Alþjóðasamtaka hjúkrunar-
fræðinga, ICN, í viðtali við ritstjóra Tímarits hjúkrunarfræðinga
sem birtist í 4. tbl. 1999.
Viðtalið var tekið í tilefni þess að
21. öldin var að ganga í garð og
umræðuefnið hjúkrun á nýrri öld.
Kirsten sagði mjög mikilvægt að
tæknin stjórni ekki ferðinni varð-
andi hjúkrunina og aldrei mætti
gleyma því að þó sjúklingur virðist
meðvitundarlaus þá er samt hægt
að hafa samband við hann með
því að koma við hann og annast
hann vel, enda snertingin mikil-
vægasta skynjunin undir þeim
kringumstæðum.
Framfarir eru gjarnan tengdar tækni og töluverð umræða hefur
að undanförnu farið fram um hátæknisjúkrahús. Menn þurfa
að kunna að nota tæknina til að gera góða þjónustu enn betri
eins og Kirsten S. bendir á og ef menn nota tæki sem þeir
kunna lítið eða ekki á nýtist tæknin ekki sem skyldi. í grein
Vigdísar Hallgrímsdóttur um öryggi sjúklinga í tæknivæddri
heilbrigðisþjónustu í þessu tölublaði kemur fram að rannsóknir
á sjúkrahúsum í Evrópu hafa sýnt að tíundí hver sjúklingur sem
leggst inn á sjúkrahús verður fyrir mistökum eða atviki eins
og það er nefnt innan heilbrigðisþjónustunnar sem hefði mátt
koma í veg fyrir og má rekja hluta þeirra til tækjanotkunar.
Þegar heilbrigðisþjónusta er borin saman við flugþjónustu
kemur í Ijós að líkurnar á því að sjúklingur deyi af völdum atviks
eru 1 á móti 200 innan heilbrigðisþjónustunnar en 1 á móti
2.000.000 af völdum svonefnds flugatviks í flugþjónustunni
eins og fram kom m.a. á málþingi um öryggi sjúklinga sem
haldið var á vegum landlæknisembættisins á Nordica hótelinu
í febrúar sl. Vigdís segir frá tækjadögum sem haldnir voru
29. og 30. mars í kjölfar komu breska landlæknisins Sir Liam
Donaldson hingað til lands, en hann hefur helgað líf sitt því
að bæta öryggi sjúklinga víða um heim. Tækjadagar voru vel
sóttir, tæplega helmingur starfsmanna svæfinga-, gjörgæslu-
og skurðstofusviðs tóku þátt og starfsfólk óskaði eftir að þeir
yrðu árviss viðburður. í lok greinarinnar er varpað fram þeirri
Valgerður Katrín Jónsdóttir
spurningu hvort ástæða sé til að gefa úr „ökuskýrteini" þar
sem starfsmenn hafa skjalfest hvaða tæki þeir hafa fengið
þjálfun f að nota. Einföld aðgerð sem þessi gæti hugsanlega
dregið úr fjölmörgum atvikum og aukið gæði þjónustunnar til
muna.
Tilbúin fyrir l.júní?
Prófaðu Nicorette
Innsogslyf
með munnstykki
Nicorette nikótínlyf eru fáanleg án lyfseðils og eru notuð þegar reykingum er hætt eða þegar dregið er úr reykingum. Til að ná sem
bestum árangri skal ávallt fyfgja leiðbeiningum I fylgiseðli. Skammtar eru einstaklingsbundnir eftir þvl hve mikið er reykt. hvort hætta á
reykingum eða draga úr þeim. Þvl ber að kynna sér upplýsingar um notkun I fylgiseðli. I fylgiseðlinum eru upplýsingar um: verkun og
notkun. varúðarreglur, mikitvægar upplýsingar sem nauðsynlegt er að lesa áður en fyfin eru notuð. hugsanlegar aukaverkanir og aðrar
upplýsingar, Leitið til læknis eða lyfjafræðmgs ef þörf er á frekari upplýsjngum um lyfin. Þeir sem fengið hafa ofnæmi fyrir nikótlni eða
öðrum innihaldsefnum lyfsins. nýlegt hjartaáfall. óstöðuga versnandi hjartaöng, alvarieg hjartsláttarglöp eða nýlegt heilablóðfall eiga
ekki að nota Nicorette nikótfnlyf. Börn yngri en 15 ára. þungaðar konur og konur með bam á brjósti eiga ekki að nota Nicorette nikótlnlyf
nema að ráði læknis. Lesið allan fylgiseöilinn vandlega áöur en byrjað er að nota lyfiö. Geymið fylgiseðilinn. Nauðsynlegt
getur verið að lesa hann slöar.Handhafi markaðsleyfis: McNeil Denmark ApS. Umboð á Islandi: Vistor hf, Hörgatúni 2, Garðabæ.
www.nicorette.is
Þín ákvörðun, þín leið, þitt Nicorette
Tímarit hjúkrunarfræöinga - 3. tbl. 83. árg. 2007
5