Tímarit hjúkrunarfræðinga - 01.08.2007, Blaðsíða 30
Valgerður Katrín Jónsdóttir, valgerdur@hjukrun.is
LITIÐ UM ÖXL
100 ÁRA HJÚKRUNARKONA
Ragnheiður Friðrika Svanlaugsdóttir átti 100 ára afmæli þann 15. maí sl. og var myndin
hér fyrir neðan tekin við það tækifæri. Ragnheiður er hér með tveimur systrum sínum
frá vinstri þeim Huldu og Helgu. Þær systur voru 10 talsins í 15 barna hópi og fóru
fjórar þeirra í hjúkrun, auk þeirra þriggja sem eru á myndinni, Eva sem látin er fyrir
nokkrum árum. 11 börn komust upp af þessum stóra barnahópi, 8 stúlkur og 3 drengir.
Afkomendur þeirra systranna hafa margir fetað í fótspor mæðranna og lagt fyrir sig störf
innan heilbrigðiskerfisins. Hulda á fimm börn, þrjár dætur og tvo syni. Af þremur dætrum
eru tvær hjúkrunarfræðingar, Eva og Svanhildur Thorsteinsen og annar sona hennar er
læknirinn Baldur P. Thorstensen. Helga á tvær dætur sem báðar eru hjúkrunarfræðingar,
Aðalbjörg Finnbogadóttir og Svanlaug Finnbogadóttir. Ragnheiður á tvo syni en annar
þeirra er læknirinn Þórarinn Sveinsson. Einn af bræðrum þeirra systra, Þorsteinn sem
er látinn átti þrjár dætur, ein þeirra, Rósa er hjúkrunarfræðingur og Ijósmóðir og önnur,
Hulda er sjúkraþjálfi.
Systurnar Hulda, Helga og Ragnheiður Svanlaugsdætur
Sitjandi frá vinstri Helga og Hulda og standandi
Ragnheiður og Eva
Ritstjóri Tímarits hjúkrunarfræðinga
heimsótti Ragnheiði í tilefni afmælisins.
Hún er vel ern, segist hafa farið snemma
að heiman eða upp úr fermingu, svo lá
leiðin í lýðháskóla í Danmörku og þaðan
í Hjúkrunarskóla íslands. Aðspurð hvort
ekki hafi verið strangar reglur í skólanum
segir hún svo hafa verið en þær hafi verið
duglegar að fara í kringum þær, „því ef
reglur eru of strangar reynir fólk að fara í
kringum þær ef það er einhver dugur í því.”
Að námi loknu fór hún í framhaldsnám
í skurðstofu- og röntgenhjúkrun við
General Hospital í Birmingham og var þar
í hálft annað ár. Hún segist hafa kunnað
mun betur við Dani en Breta, þeir séu
ekki eins skemmtilegir, svona líkari okkur
íslendingum. Eiginmaður Ragnheiðar
var Sveinn Hallgrímsson, verkstjóri
hjá Kassagerð Reykjavíkur og hætti
Ragnheiður að vinna eins og þá tíðkaðist
þegar hún var að koma upp sonum sínurm
tveimur, Þórarni og Svanlaugi. Hún vann
svo á Landspítalanum og í heimahjúkrun,
við Sólheimasjúkrahúsið, Hvítabandið
og Heilsuverndarstöð Reykjavíkur. Hún
segir hjúkrunarkonur hafa verið fáar
og mikið álag á þeim. Hún hafi t.d.
verið ein á næturvakt á einni deildinni á
Landspítalanum og farið fótgangandi og
með strætisvögnum í fjölmargar vitjanir
þegar hún var í heimahjúkrun.
28
Tímarit hjúkrunarfræöinga - 3. tbl. 83. árg. 2007