Tímarit hjúkrunarfræðinga - 01.08.2007, Qupperneq 34

fram hvernig vaktin þróast. Það er því
mikilvægt að deildin hafi á að skipa
faglega færu starfsfólki sem er tilbúið að
takast á við þennan breytileika og getur
tekið á móti öllum sjúklingahópum.
Gjörgæsludeildir LSH fá einnig til sín
fjölbreyttan sjúklingahóp og veita hvor í
sínu lagi sérhæfða meðferð. Á gjörgæslu-
deildina í Fossvogi fara allir sjúklingar
sem hafa orðið fyrir slysi og bruna. Á
gjörgæsludeildinni við Hringbraut er veitt
sérhæfð meðferð eftir hjartastopp og
opnar hjartaaðgerðir.
Sigríður B. Olgeirsdóttir, hjúkrunarfræð-
ingurágjörgæsludeild LSH við Hringbraut,
nefnir að hjúkrunarfræðingar, sem starfa
á gjörgæsludeildum, axli alla jafnan mikla
ábyrgð þegar þeir taka að sér hjúkrun
mikið veikra sjúklinga. Þeir verða að vera
með víðtæka þekkingu á lífeðlisfræði
mannslíkamans, vinna vel undir miklu
álagi og búa yfir hæfni í mannlegum
samskiptum. Hjúkrunarfræðingur á gjör-
gæsludeild hefur sjálfstæða ábyrgð á
klínískri hjúkrun. Hann kann skil á og notar
flókinn tæknibúnað og notar sérþekkingu
sína til að nauðsynleg læknisfræðileg
gjörgæslumeðferð sé framkvæmd sam-
kvæmt viðurkenndum aðferðum.
Sigríður B. Stefánsdóttir og Gígja H.
Birgisdóttir, hjúkrunarfræðingar á gjör-
gæsludeild LSH í Fossvogi, nefna að eftir-
spurn eftir gjörgæsluplássum hefur aukist
hin síðustu ár. Sjúklingarnir eru, að því er
virðist, veikari og þurfa oft flókin inngrip
þegar þeir leggjast á gjörgæslu. Sífellt
bætast ný tæki eða tækni við. Þetta hefur
bæði kosti og galla í för með sér. Hægt er
að ganga lengra í meðferð hjá fólki sem á
sér litla eða enga von. Það hvort alltaf er
réttlætanlegt að beita tækninni vekur hins
vegar upp margar siðferðilegar spurningar.
Hjúkrunarfræðingar á gjörgæslu tala oft um
að þetta sé einn erfiðasti hluti gjörgæslu-
hjúkrunar, það er að hjúkra og veita
aðstandendum von gagnstætt þeirra eigin
sannfæringu. Þó tæknin sé til staðar er ekki
þar með sagt að það sé alltaf réttlætanlegt
að beita henni og oft er erfitt að hætta
meðferð sem þegar hefur verið hafin.
Framtíð gjörgæsluhjúkrunar byggist í
huga Sigríðar og Gígju á mannauðnum
sem deildin býr yfir. Fullkomin tæki mega
Fagdeild gjörgæsluhjúkrunarfræðinga
Félagsmenn í Deild gjörgæslu-
hjúkrunarfræðinga voru 20
talsins árið 1982.
Félagsmenn fagdeildarinnar eru
í lok árs 2006 um 90 talsins.
Aðalfundur fagdeildarinnar er
haldinn ár hvert í apríl.
Fréttabréf fagdeildarinnar heitir
Árvekni.
sín lítils ef ekki kemur til reynsla og kunn-
átta fagfólks til að nota þau. Mannauðurinn
er það sem mestu máli skiptir þó tækin
gegni mikilvægu hlutverki. Mannauðurinn
er svo aftur háður góðu starfsumhverfi þar
sem stuðlað er að stöðugri endurmennt-
un og framþróun. Sérstaða gjörgæslu-
deildarinnar í Fossvoginum liggur ekki
hvað síst í þessum mannauði og þeirri
löngu starfsreynslu sem margir þar búa
yfir. Nokkrir hjúkrunarfræðingar deildar-
innar hafa 20-30 ára starfsreynslu en
þeim fer því miður fækkandi.
Sérnám í gjörgæsluhjúkrun
Almennt tekur það hjúkrunarfræðinga um
tvö ár að verða jafnvíga á alla þá sjúklinga-
hópa sem leggjast inn á gjörgæsludeild-
arnar ef þeir hafa ekki starfað áður
við gjörgæsluhjúkrun og má segja að
hjúkrunarfræðingar á gjörgæsludeildum
séu með mikla og breiða þekkingu sem
nýtist þeim ávallt, hvað sem þeir kjósa
síðar að taka sér fyrir hendur. Tæknin
og hin ýmsu tæki og tól er því ef til vill
það sem helst aðskilur gjörgæsludeild
frá almennri legudeild og eru framfarir og
þróun þar örar.
Ekki er krafist ákveðinnar sérfræði-
menntunar á gjörgæsludeildum landsins
en aðlögun með reyndum hjúkrunar-
fræðingi er undanfari þess að hjúkrunar-
fræðingur vinni sjálfstætt. í framtíðinni
teljum við að skilyrði fyrir ráðningu á
gjörgæslu verði sérfræðimenntun, svo
sem diplóma í gjörgæsluhjúkrun eða að
hjúkrunarfræðingur skuldbindi sig til að
fara í þess konar nám. Síðustu fjögur
ár hefur Háskóli íslands boðið upp á
diplómanám í gjörgæsluhjúkrun. Alls hafa
17 hjúkrunarfræðingar útskrifast með
diplóma í gjörgæsluhjúkrun sl. fimm ár.
Ekki verður boðið upp á þetta nám næsta
haust en fagdeildin hefur óskað eftir því
við hjúkrunarfræðideild Háskóla íslands
að diplómanám í gjörgæsluhjúkrun fari
af stað haustið 2008. Námið er liður í því
að styrkja gjörgæsluhjúkrun í landinu og
ýta undir gagnreynda starfshætti sam-
hliða því að auka sjálfstæði gjörgæslu-
hjúkrunarfræðinga.
Stjórn Fagdeildar gjörgæsluhjúkrunar-
fræðinga 2006-2007:
Ásdís Guðmundsdóttir, formaður
Hrönn Birgisdóttir, varaformaður
Gígja H. Birgisdóttir, ritari
Sigríður B. Stefánsdóttir, gjaldkeri
Elísabet G. Þorkelsdóttir, meðstjórnandi.
Heimildir
Anna Stefánsdóttir (2006). Viðtal við Önnu
Stefánsdóttur, hjúkrunarforstjóra Landspítala-
háskólasjúkrahúss, 10. ágúst 2006.
Hjúkrunarfræðingatal (1992). III. bindi. Reykjavík:
Hjúkrunarfélag íslands.
Kristín Óladóttir (2007). Símaviðtal við Kristínu
Óladóttur, fyrrverandi deildarstjóra gjörgæslu-
deildar Borgarspítalans, 30. apríl 2007.
Ragnheiður Kjærnested (2007). Samkvæmt tölvu-
skeyti frá Ragnheiði Kjærnested, dagsettu 30.
apríl 2007.
Sigurlín M. Gunnarsdóttir (2000). Sjúkrahús verður
til. Upphafog uppbygging hjúkrunarþjónustu
Borgarspítalans í Reykjavík (bls. 167-169).
Sjúkrahús Reykjavíkur.
Skjalasafn Félags íslenskra hjúkrunarfræðinga.
B/194. 1982-1991. Sérgreinadeildir.
Sólveig Jónsdóttir (2007). Símaviðtal við Sólveigu
Jónsdóttur, fyrrverandi deildarstjóra gjörgæslu-
deildar Landakotsspítala, 30. apn'l 2007.
Þórarinn Ólafsson (1981). Svæfinga- og gjörgæs-
ludeild.Landspítalinn 50 ára 1930-1980 (bls
179-182). Gunnar M. Magnússs tók saman.
Reykjavík: Ríkisspítalar 1981.
32
Tímarit hjúkrunarfræðinga - 3. tbl. 83. árg. 2007