Tímarit hjúkrunarfræðinga - 01.08.2007, Síða 20
Erla Svanhvít Guðjónsdóttir, Helga Pálmadóttir, Sigrún G, Pétursdóttir
erlasvanhvit@hotmail.eonn
HJARTASTOPP HVAÐ ÞÁ?
Nýjar leiðbeiningar í endurlífgun
Þú ert hjúkrunarfræðingur með þriggja ára starfsreynslu
og hefur unnið á almennri skurðdeild í tvö ár. Ýmislegt
hefur komið upp á á þessum tíma en þó hefur aldrei
neinn farið í hjartastopp á þinni vakt. Þú veist að
það getur komið að því og veltir fyrir þér hvort þú
hafir næga þekkingu í endurlífgun. Hafa viðbrögð við
hjartastoppi verið æfð á þinni deild? Hefur þú fengið
fræðslu um nýjustu leiðbeiningarnar í endurlífgun?
Ert þú sem hjúkrunarfræðingur örugg/ur þegar svona
stendur á? Svarið við síðustu spurningunni er yfirleitt
nei. Hjúkrunarfræðingum finnst þeir oft og tíðum
ekki hafa nægilega þekkingu í endurlífgun og myndu
gjarnan vilja fá meiri fræðslu og æfingu í þessum
mikilvæga málaflokki þar sem mannslífin eru að veði.
Nýjar leiðbeiningar í endurlífgun
í árslok 2005 kynnti Evrópska endur-
lífgunarráðið (European Resuscitation
Council, ERC) nýjar, alþjóðlegar
leiðbeiningar í endurlífgun. Þær miða
fyrst og fremst að því að einfalda
endurlífgunarferlið og gera það mark-
vissara svo að markmiðið í þróun
endurlífgunar á næstu árum náist,
en það er að fækka dauðsföllum og
þæta líðan og aðstæður þeirra sem
lifað hafa af hjartastopp. Nauðsynlegt
er að allir heilbrigðisstarfsmenn þekki
það nýjasta í endurlífgun, noti sömu
vinnuferla og kunni að nota þá. Hér
verða nýju leiðbeiningarnar kynntar fyrir
hjúkrunarfræðingum.
Samkvæmt íslenskri samantekt Hjalta
Más Björnssonar o.fl. var á árunum 1999-
2002 reynt að endurlífga utan sjúkrahúss
232 einstaklinga sem höfðu farið í
hjartastopp vegna hjartasjúkdóma. Af
þessum einstaklingum komust 96 (41%)
lifandi inn á legudeild og útskrifuðust 44
(19%), þar af 34 með óskerta vitræna
getu. Talið er að skyndihjálp (þ.e. hnoð
og blástur) nærstaddra tvö- eða þrefaldi
Erla Svanhvít Guömundsdóttir lauk
B.So gráðu frá hjúkrunarfræðideild
Háskóla íslands 2003. Starfar sem
hjúkrunarfræðingur á slysa- og
bráðadeild LSH.
Helga Pálmadóttir lauk B.So gráðu frá
hjúkrunarfræðídeild Háskóla Islands
2003. Starfar sem hjúkrunarfræðingur
á slysa- og bráðadeild LSH.
Sigrún G. Pétursdóttir lauk B.So
gráðu frá hjúkrunarfræðideild
Háskólans á Akureyri 2002. Starfar
sem hjúkrunarfræðingur á slysa- og
bráðadeild LSH.
18
Tímarit hjúkrunarfræðinga - 3. tbl. 83. árg. 2007