Tímarit hjúkrunarfræðinga - 01.08.2007, Blaðsíða 27
Samfara því að geðrofslyf og þunglyndislyf komu til sögunnar á sjötta áratugnum var mögulegt að meðhöndla einkenni alvarlegra geðsjúkdóma utan stofnana.
aðra meðferðaraðila og þeir látnir vita
um gang mála. Oftar en ekki hittir hann
meðferðaraðila (t.d. lækni eða annað
fagfólk) ásamt starfsmanni teymisins til
að samhæfa þjónustuna. Afar misjafnt er
hvað þjónustan varir lengi en einn þáttur
í því er að það getur tekið langan tíma
að mynda traust á milli starfsmanns og
skjólstæðings. Annar þáttur er að sumir
skjólstæðinganna þurfa langtímastuðning
þó svo að margir nái auknu öryggi og
sjálfstæði til að geta séð um sig sjálfir.
Einn þáttur í þjónustuferlinu er að vinna
með fjölskyldunni, er það gert í fullu
samráði við skjólstæðinginn og oft er um
að ræða að mynda stuðningshóp honum
til hjálpar. Mörgum aðstandendum finnst
að þeir hafi lítið um gang mála að segja og
fái litlar upplýsingar. Því er mikilvægt að
skoða mál skjólstæðingsins í samhengi
við það umhverfi sem hann býr í og þann
stuðningshóp sem er til staðar. Samhliða
þessu er nauðsynlegt að hafa það í
huga að skjólstæðingurinn hafi eitthvað
um það að segja hvernig þjónustan er
framkvæmd, hverjir veita hana og hverja
hann vill sjá sem stuðningsaðila.
Meginmarkmið með þjónustu
geðteymisins er:
1. Að tryggja samfellu í meðferð
einstaklinga með geðröskun 18 ára og
eldri.
2. Að efla sálrænt og félagslegt heilbrigði
einstaklinga, sem stríða við geðröskun,
og fjölskyldna þeirra.
3. Að reyna að koma í veg fyrir endur-
innlagnir á sjúkrahús og tryggja
samfellu í meðferð.
4. Að styrkja aðlögunarhæfni einstaklinga
eftir útskrift af sjúkrahúsum.
5. Að hvetja einstaklinga með geðröskun
til sjálfshjálpar og sjálfsvirðingar.
Þjónustuþættir:
1. Stuðningur og eftirfylgni vegna sjúk-
dóms eða útskriftar af geðdeild.
2. Hvatning og stuðningur til að auka
félagslega virkni og tenging við félagsleg
úrræði.
3. Mat á andlegu og líkamlegu ástandi,
búsetu og þjónustuþörf.
4. Lyfjagjafir og eftirlit með lyfjatöku.
Tímarit hjúkrunarfræðinga - 3. tbl. 83. árg. 2007
25